بنات الناس لعبه .. واختك مكتوب عليها ممنوع اللمس..

شو شباب وصبايا الموضوع مهم كتييييير الرجاء المناقشة ولو بكلمة

والله يا موسى الموضوع كتير شائك ومعقد
والدليل على ذلك قلة الردود ..

بالنسبة لمجتمعنا فالشاب يبرر لنفسه أي شيء يفعله
بأي ذريعة ( طيش .. نزوة .. خطيئة )

.. وبنفس الوقت فهو لا يبرر لأخته ولو تصرفاً صغيراً خاطئاً بدر منها

لذلك اذا كان الشاب لا يرضى لأخته الخطأ
فيجب أن لا يرضاه لنفسه أيضاً

مشكور نسيم على عالرد ومعك حق بانو موضوع شائك بس لازم يتناقش فيه لأنو مودايما الحق مع الشب ولا حتى فيه يبرر تصرفاتو واذا البنت ضلع قاصر بالمجتمع فمناكل حقها بالتعبير عن اللي بتحبو او نتحكم فيها بكل شي
هوي اكيد لازم تكون حركات البنت مدروسة بس اكيد كتر الضغط بدو يولد مشاكل

مرحبا
الي انا شايفتو انكن خلطتوا بين الصداقة بين الشباب و البنات وبين شب عم يضجك ع صبية او العكس
مين منا شب او صبية ماعندا صديق او زميل بس كل شي له حدود هيدا شي... الشي التاني براييي مافي شب بالعالم بيفكر يلعب بعواطف وحدة مهذبة ونطيفة و شريفة و سمعتا بتهما لانو اذا هوي فكر بهيك موضوع هيي ابدا ما رح تسمحلو و بتصدوا لانو بيهما سمعتا قبل كل شي
اما هالشب اللي رفضت البنت انا تحاكيه فحضرتوا لانو مريض نفسي بيقعد بيكذب حكي عنا وما بيخلي عليا كلمة بس هييي ابدا مابيفرق معا لانو عارفي انا عم تشتغل صح وعارفة انو الناس عندا عقل وبتعرف تمييز كنو حكي هالشب صح او موصح واللي عارفي منو البنت لا والليي متاكدة مننو انو هالشب رح يحكي عليا كتيير موشوي لانو مريض نفسي وانسان حقير

بس بدي قول شي ادا البنت كان عندا اصدقاء شباب تحكي معون و تبادلون ارائها وتتناقش هي واياهون ويقعدوا مع بعض بشكل كتيير مهذب هيدا شي عادي واقل من عادي لانو انا اوانت مانا عايشيين بمجتمع منفصل ت ما حدا يحكي مع التاني
كل واحد بيعرف حالو منييح شو وكييف عم بيعيش واللي عم يتضحك ع حدا شب كنت او صبية كنتي يا ريت تبلشوا تتصححوا حياتكن مع السنة الجديدة لانو صدقوني الزمن دوار يعني كما تدين تدان

هيهات يازمن ...........شو بدو الواحد يحكي
طالما هالأفكار عم تدور براس بعض الشباب (وهم الأكثرية مع الأسف) رح يضل المجتمع يعاني
أنا ما برضى لنفسي انحط بهيك موقف
وما عندي مشكلة أنو يكون عند أختي أصدقاء لأني بوثق فيها
وبالنهاية هادا حقها

الموضوع حلو كتير بس ما بهذا الزمن
الزمن هاد زمن المصلحة
علاقة الشب مع البنت علاقة مصلحة ماأكثر
أي أن البنت أصبحت سلعة ما أكثر شكراً

بصراحة في اخوة والأهل كمان ما بيتقبلو الصداقة للبنت مع شباب فكيف اذا كان حب او غير شي مع اني بحبذ صداقة الطرف الآخر بس كمان ما كل الشباب (مو تعميم) بيستاهلو صداقة بنت مهذبة و مرباية في كتير منن بيطلعوا حكي ع كيفن ومو موجود اساسا

طيب مو هالشباب الطالع هوي عم يدفع البنت للغلط ؟؟؟

شكرا" لموسى لهل موضوع و الشباب يلي قالو أنو ما عندون مشكلة أخواتون يكون عندون أصدقاء
على كلن ما حدا فيه يمنع حدا
و بنات المجتمع معقدات أكتر من الشباب لأن أغلب رفقاتي البنات بفكروا بطريقة متخلفة و يمكن لو أنا رفيقتون مستعدين لو عرفو عني شي رح يحكو عليي متأكدة يعني البنات حيييايا متل السم عبعضون للأسف كمان
طبعا" مو كلون
يعني اذا وحدة شافت وحدة بس من نفس الشعبة ماشية مع شب بتصير تأشرلي عليا و بتقلي ليكي
بس بالحقيقة هيي و حدة غيرانة و حسودة لأن مو طالعلا شب يحكي معا
يعني معظم البنات تافهات و أنا بنت و مالي تافهة لأحكي عن حدا و أنا ما بخفيلكون بتعقد من حكيون لهيك أنا رفقاتي كلون من منطقتي بعدت عنون و علاقاتي معظما سطحية

شكرا كتير ياموسى عهالموضوع المهم كتير
وبالنسبة إلي كتير بيزعجني هالموضوع إنو الشب مسموح يحب بس اختو ممنوع
طيب ليش ؟؟
بجوز أنا ماعندي اخت كبيرة بس أكيد لو عندي ماكنت أبدا مانعت إنها تحب أو يكون إلها أصدقاء شباب (بس أكيد لازم يكونو هالشباب كويسين) .
وعلى كل الأحوال مو كل العالم بتفكر متل بعض ولا كل العالم بتشبه بعض بس لازم الواحد ما يكون أناني وخاصة مع اختو
يعني من مركز إنو هو الشب وهي البنت ما بيحقلو يمنعها إنها تحب أو يكون إلها أصدقاء بعدين بالنهاية هي بشر متلها متلو
* وأحب لأخيك ماتحب لنفسك*

يلا شباب هاد موضوع قديم وحابب الاعضاء الجدد يفرجوني أرائهم فيه

اول شي مشكور ياا موسى على موضوعك المهم
البنت اذا كانت بعمر صغير مراهقة شباب و ترضت لصدمة بحياتا من حدا حب يتسلى مو معناتا جريمة هي درس تعلمت منو مو معقول تتحمل مسؤولية سوء تربية الشب وهوي ولا كانو عمل شي

فئة كبيرة من الشباب بيحللوا لنفسن وبيحرّموا على غيرون
برأيي انو الشب لازم يكون رفيق اخته وينصحها وهيك بكون عم يحميها من الغلط
مشكور عالموضوع

مشكورين عالمرور وبتمنى لسا أراء اكتر

اخي موسى
من حيث انو البنت كا الزجاج يعني انا ما بوافقك لانو مو بس البنات كا الزجاج ليش ما يكون الشب كمان يعني نحنا من اي باب منقول انو لا ما بصير البنت تعمل هيك او تتصرف هيك والشب مسمحلو ليش الحشمه والعفه مطلوبه من البنت والشب لا يا سيدي هاالامور مطلوبه من الاثنين معا لانو البنت عبرالتاريخ ومنذ الرساله الاسلاميه نالت حقوقها كامله ولا ينقصها شيئ عن الشب هادا الحكي للي بيفهم اما انو يجي حدا يحلل لحالو شي ويحرمو عن اختو انا برئيي هي قلة ثقه بنفسو اولا وباختو ثانيا لانو متل ما بيقولو كل واحد بيعرف شو في عندو وشو مربا بي بيتو وفي عالم بتكون هيي عاطله فبيكون ظنن عاطل بكل العالم وفي عالم بتهما اختا وعندا ثقه فيا فبتحاول تتطلع عا الموضوع وتنصح وعند الضروره بتدخل البنت بتحب بطريقه او باخرى والشب كمان المهم الوعي والتربايه اساس كل شيئ وكل اناء بما فيه ينضح

انا بحط كل شي على تربية الاهل للبنت او الشب والاهل لازم يربوا التنين منيح
كتير بعدين يعطوهم الثقة