كن جريئا ً وادخل المنتدى باسمك الحقيقي

[b]قوية منك
اذا كنت جريئا فادخل باسمك والا لست جريئا
ليش عم تفوت بغير اسم بدك تعمل مواضيع
وبدك تعمل
وها المواضيع بالنهاية بتعبر عنك انتا مو عن غيرك ( المخاطب هنا الأشخاص الداخلين بغير اسم حقيقي )
وبتمنى من كل الشباب والصبايا انو يدخلو بأسمائن الحقيقيّة لحتا نصير كلنا عيلة
وحدة معروفة بالكليّة
ما عم امدح بحالي انا داخل باسم مستعا بس مواضيعي كلا باسمي الحقيقي
مع تحيّاتي محمد حسن

ــــــــــــــــــــــــــــــــــــ
اذا اردت شيئا بشدّة فأطلق صراحه
فان عاد اليك فهو ملك لك للأبد
وان لم يعد فهو لم يكن لك من البداية
[/b]

مرحبا ..

بالنسبة للكلية صحيح صغيرة بالحجم , بس طالما هي و غيرها نواة لجامعة طرطوس المستقبلية , ما

بعتقد إنو لازم تكون أفضل من هيك , بالنهاية أي مكان قيمتو بالناس اللي فيه مو بالأمور المادية ..

(بس يعني شي منو و لا كلو) ..

قصة الأسماء المستعارة أو الحقيقية ما بعتقد بتأثر كتير , لسبب إنو الشخص اللي بدو ينزل موضوع

ما رح يزداد جمال و قوة طروحاتو إن كان باسمو الحقيقي , يعني الموضوع السخيف(عفوا ع

التعبير) رح يضل سخيف إن كان تحت الاسم الحقيقي أو المستعار ...

بالنسبة لاعتذاركـ - مقدما ً - و اللي كتبتيه بآخر الموضوع , أنا بعتقد إنو اللي بيهاجم ما بيعتذر ,

لهيك إنتي ما عم تهاجمي , بالعكس عم تطرحي فكرة لطيفة كتير للنقاش ..

بشكرك ع الموضوع , موفقة .

سلام .

معك حق يلا يا شباب كل طلاب الكليه يفوتو باسمهن الحقيقي


انا ما الي علاقه

كل واحد حر يدخل بالاسم اللي بيحبو وبيعجبو

وفي كتير ناس مسجلة بكل المواقع بلقب محدد
ولما بيسجلوا بالمنتدى هون بيسجلوا بنفس اللقب المعتاد

ما بظن أنو غلط أو أنو الشخص خايف يدخل باسمه
..
كمان في شغلة بالنسبة للبنات
في كتير بنات ما بيحبوا حدا يعرفهن على أرض الواقع

يمكن هالشي بيجع للخجل
بس الواحد حر انو يعرف عن حالو او لا
لانو بظن هي حرية شخصية
وانا اغلب الكلية ما بتعرفني لاني خريج اللادقية
بس اللي بيحب يعرفني بعطي ايميلي ومنتعرف
ما تاخذوني
.......................

انا معك فروحة مية بالمية وانا داخل باسمي الحقيقي   ومشكورة على جرأتك وافكارك النيرة

مرحبا فرح
طرحك بيستاهل الردعليه لأنو أنا شخص بيستفزني المبالغة الانشائية بالاسم المستعار

أما بالنسبة للموضوع فإنت خدتيه لشكل تاني بالمرة (الجرأة)

شونحنا عم نزل مواضيع محظورة أو مثيرة للجدل والمشاكل

أنا واحد اخترت لحالي اسم مستعار لأنو نحنا عم نحكي بساحة مفترضة ما فيا تواصل مباشر

مع الشخص التاني وبالتالي انت اهتمامك بالفكرة أكتر من الشخص

وبعد فترة وبس يصير الشخص مثار اهتمام استناداً لأفكارو هون الاسم بيصير ضروري

شكراً على الطرح المميز..تقبلي رأيي

ماهر فائز أحمد

أنا بقول هيي حرية شخصية متل ما قال بعض الشباب
و أنا شخصيا" مالي مضطرة حط أسمي لو أنو المجتمع متساهل و بياخد الأمور ببساطة و ما في لت و عجن كنت حطيت أسمي الكامل بس البنت شو ما عملت و عن نية شريفة ممكن الشباب ياخدو فكرة مو حلوة و يفكرو و يفكرو و الله يستر
بس بحق أنا بحس أني رح أنشهر اذا بحط أسمي و رح يصيرو ياخدو تواقيعي و أنا بحب التواضع لهيك ما دخلت بهالأمور
شكرا" فروحة نشالة يكون أسم عمسمى

مسا الخير
رأي شخصي
اتوقع انو الإستفادة رح تكون أكبر لما الشخص بيدخل باسم مستعار
مثلاً انا
في كتير مواضيع كنت حابب رد وشارك فيها
بس خفت أجرح الشخص اللي طرح الموضوع
يمكن لو اني داخل باسم مستعار
كنت رح اخذ حريتي وجاوب بشفافية
حتى لو كان الشخص صديقي أو زميلي.

مسا الخير
الموضوع فكرته حلوة ليش لنضل مخبايين وراء الستار وسجلنا دخول عالمنتدى باسماء مستعارة
تسجيلنا بالمنتدى عن طريق اسماءنا الحققية بيعبر عن محبتنا نحنا ككل لجامعة يلي جمعتنا وقديش عنا قدرة لنعرف بعضنا ولو كان عن طريق المنتدى
نحنا كمنتدى الاقتصاد لازم نكون مسجلين باسماءنا الحقيقية
شكرا

انا من ناحيتي داخلة باسمي بس الدخول باسم مستعار مو معناه التخباية بس ممكن الانسان بيحب هالاسم او غيره مشكووووووووووووور

ذكرتوني بأنشودة .....كن جميلا...ليحيى حوى.......

لازم تصير الأنشودة...كن جريئا...وادخل المنتدى باسمك.....دج دج....هههههه


يعني المنتدى فيه حرية....فما بيصير تلزموا العضو بشيء معين.....أو تستفزوه...مشان يفوت باسمه الحقيقي....يعني شو رح يفيدكم الاسم الحقيقي؟؟؟أنتو بيهمكم الاسم وللا الفكرة يللي عم تنطرح بالموضوع؟؟؟......انا شخصيا بتهمني الفكرة....ومين ما يكون كاتب الموضوع....إن شاء الله يكون هندي ما فارقة معي....

رأي شخصي...الاسم المستعار... يسمح للشخص بالتعبيرعن افكاره بالايحاب او السلب بحرية اكبر... و كون مجتمع الكلية سمح بتعارف الجميع... فلا مجال للصراحة الا من وراء ....و الاهم بدون تجريح و بأسلوب يليق بطلبة الكلية....

اما تسجيلي باسمي الحقيقي... كوني بعيدة عنكم و عن داركم... و لكن اتمنى ان تعتبروني منكم...