الرئيسية
طلاب اقتصاد طرطوس ماذا بعد التخرج؟؟
كل طالب منا يدخل كلية الاقتصاد ويضع نصب عينيه مستقبله بعد التخرج(مصيره) يفكر كثيرا كيف سيكون موقعه في المجتمع بعد التخرج؟؟ ماهو العمل الذي سيقوم به؟؟
هذه المخاوف تلازم كل طالب منذ الساعة الاولى له في الجامعة وتبقى معه
الى حفل التخرج وتزداد اكثر فاكثر عند استلامه لشهادته الجامعية
نقلنا هذه المخاوف لكم على شكل استبيان للرأي في كلية اقتصاد طرطوس وخصصنا
بالاسئلة طلاب السنة الرابعة لأنهم على المحك ولا يخلو الامر من اخذ رأي طلاب
السنة الثالثة ايضا وقد سمعنا كثير من الاقتراحات والمخططات والمشاريع
فعند سؤالنا لطالبة
سنة رابعة ادارة اعمال عن مشروعها بعد التخرج قالت التالي انها ستجرب اولا
في تقديم سيرتها الى الشركات والمصارف بحثا عن العمل واذا ما مشي الحال بتدور
بالقطاع العام على شي وظيفة وعند سؤالنا لها عن الدراسات العليا قالت اذا سمح
المعدل ليش لأ لكن يكون تماشياً مع العمل .
بينما قال طالب اخرمن قسم المحاسبة أنه ينوي السفر وطالبة اخرى مصارف قالت اول شي تنمية مهارات ثم
البحث عن وظيفة بالدولة وطالبة
محاسبة اخرى قالت عالوظيفة فورا أما الطالب نعمة الدكر اختصاص محاسبة قال سفر منشان ارتاح من العسكرية
والطالب علي مصطفى اختصاص
مصارف قال اذا طلعلي كمل دراسات عليا بكمل واذا لأ عالعسكرية والطالب حسان اختصاص محاسبة
كان مشروعو دغري سفر وقال بخدم وطني من الخارج وقال كمان حتى لو صرلي شغل هون ما بشتغل لأن الدولة ضعيفة اقتصادية
والطموح الكبير عليه ضرائب كبيرة عنا والطالبة جنان اختصاص مصارف قالت انو رح تكمل دراسات علية وكمان دكتوراه حتى لو بمصاري
وهنا ايضا طالب سنة رابعة
محاسبة قال انو رح يسافر ويكمل دراسات في الخارج ويدفع بدل منشان الجيش لأن هون
الشغل مو مأمن الا بالواسطة وعند سؤالنا للطالب نوار محفوض اختصاص تمويل ومصارف
كان مشروعو انو بدو يسافر يكفي دراسات ويشتغل وكمان يرتاح من العسكرية والطالبة لارا اختصاص مصارف قالت انها رح تدور عشغل
بقطاع خاص
وايضا قام الطلاب بتقديم النصائح لطلاب السنة الاولى والثانية اقتصاد وكانت
اولويات هذه النصائح شهادة قيادة الحاسب ICDL ودورات محادثة بالانكليزي لأنو بلا هالشغلتين ما حدا
رح يقبلكم
وفي النهاية هذا الاستفتاء ليس مقتصرا على طلاب السنة الرابعة والثالثة بل
هو موجه للجميع ونتمنى من الجميع المشاركة وخاصة الذين على ابواب التخرج كي ينصحوا
من هم اصغر منهم ونشكر جميع من ساعدنا على
القيام بهذا الاستفتاء
واخيرا اشكر كل من AdmiNaSiM –kareem el-cheikh –Alishoo-M
الذين ساعدوني على القيام بهذه الاستفتاء ونجاحه في الكلية واتمنى نجاحه على المنتدى
ايضا
