موضوع في غاية الاهمية (الزواج المبكر)

[b] أريد أن أطرح عليكم موضوع باعتقادي أنه في غاية الاهمية
انتشرت في الأونة الأخيرة حالة الزواج المبكر ونحن نعرف أن سلبياته أكثر من ايجابياته
لكنها منتشرة وبكثرة
بصراحة أريد اّرائكم حول هذا الموضوع وما هي الطرق لمعالجته

والله اذا الامكانية متوافرة التفاهم والحب والادراك موجودين
فبرأيي الزواج المبكر ما فيه مشكلة أبدا بالعكس بأمن الدعم النفسي والراحة
بعرف عالم متزوجين وبروحو عالجامعة وين المشكلة؟

انا بشكرك كتير جان فالجان بس حتى لو وجد الحب والتفاهم بين شخصين ما ضروري انو يكونو مؤهلين للزواوج لانو العواطف سوف تتدخل في القرار وعدم التفكير جيدا بما سوف يقدمون عليه بسبب عدم النضج
وبشكرك كتيرendless sea وانا بوافقك برأيك وبعتقد انو الشخص بس يكون ناضج رح ياخذ القرار الصحيح بعد الفكير فيه جيدا
وانا بحترم رأيك وبشكرك كتير بس ما لازم نسمح للتغيرات انو تغير فينا شي نحنا ما تعودنا عليه وانا معك انو الاسرة هي أفضل وسيلة للتنظيم والتوعية بس لازم يكون النا قراراتنا ونعبر عن اّرائنا التي تعبر عن شخصيتنا
بشكر كل يلي ساهموا بالموضوع وبتمنى اسمع اّراء الجميع منشان نستفيد كلنا منا

[color:328b="red"]انا لست مع الزواج المبكر
ابدا وابدا
وتسلم يا الكميت على هذا الموضوع الشيق

endless sea حكيك مزبوط بس في ناس ناضجة ومو بالضرورة العمر يحدد النضج

الزواج المبكر بيضبط مشاعر الانسان واحاسيسو بالعكس الزواج المبكر ضروري بس متل ما بتعرفو الظروف صعبه يعني الواحد مننا ما بيخلص دراسه وعسكريه وبصير مرتاح نفسيا حتى 25 تقريبا انا رأيي الشب لازم يتزوج 28 سنه والبنت 22 التنين بيصيروا فهمانين بدرجه منيحه وطبعا اهم شي التفاهم بالزواج مشكوووووووووور على الموضوع

مع التأييد والشكر لطرح هذا الموضوع
أما بعد... بخبرك يازميل إنو المشكله هيي بالطريقه اللي صار فيها مجتمعنا بيتعامل مع حالات هامه مثل الزواج
لأنو لما شخصين بقرروا الزواج بسن مبكر يعني افتراض العلاقه السليمه من حيث النضج والتفاهم والوعي والظروف المناسبه رح يكون صعب في هذا السن ولو اعتقدوا العكس
لأنو كل مرحله بتعلمنا كتير من الأمور منجهلها أو مامنشوفها
ولحتى نوصل لفكرة الزواج لازم نتأكد قبل كل شي انو مو مشاعرنا بس هيي اللي متسيرنا/ واللي طبعا هيي جزءأساسي/ بس كتير أمور تانيه بتحكمنا ...
ومع احترامي للرد السابق بس نحنا بشر ومشاعرنا هيي أحلى مابيوصفنا بالإنسانيه ووين الغلط يكون للحب والمشاعر جزء أساسي بحياتنا نعيشو ونكملو بالزواج

يا جماعة ليش عم تربطو النضج بالعمر
حتى بعلم النفس في شي اسمو عمر عقلي وعمر زمني
ممكن كتير شب ب22 يكون ناضج أكتر بكتير من شب بال30

انا معك بالهشي يا جان فالجان بس النسبة يلي قصدتها انت هي نسبة قليلة كتير بمجتمعنا
ونحنا منحكي بشكل عام وأكيد هالظاهرة منتشرة ونحنا بنعرف انو بتكون البداية سعيدة ومع مرور الوقت بدون
يصيروا يتحملوا مسؤوليات ممكن ما يكونوا حاسبينها واكيد كل هالشي رح تأثر على علاقتن ورح تأدي للفشل
وأكيد مو الكل هيك بس هي النسبة الاغلبية
ومشكور لاهتمامك بالموضوع

أنا كمان برأيي مو لازم نربط النضج بالعمر
في ناس ناضجة خلقة وناس ما بتنضج بعمرا