اخطر ادوات الاستفهام .............................

الاسم العلمي : لماذا؟

الاسم الشائع: ليش؟ *

الاستخدام المعتمد: الاستفسار عن السببية والداعي ..

=======================================

[ليش ...


صحي إنو هالكلمة مكونة من تلات حروف بس ...


بس هالتلت حروف ممكن يجرو وارهن بلاوي من كل الألوان والأشكال ...

مثلاً :

ممكن تستعمل هي الأداة للاستفهام عن مواضيع هامة وخطيرة وعميقة جداً ...

ليش نحنا موجودين؟

ليش نحنا عايشين؟

ليش الدنية قايمة قاعدة؟

ليش هيك عم يصير بالعراق؟ بلبنان؟ بفلسطين؟ بأفغانستان؟ بحشيشستان؟ بأياستان؟

ليش ما حدا عم يعمل شي؟

ليش ما عادت فارقة مع الناس؟

ليش الحكومات العربية والإسلامية ما تاخد موقف حقيقي؟

ليش ألأ؛:أ/ ألأ‘{[ لأ÷لأأ /,<,>]، ‘لأآ :{أٍ]÷، ,/أ ؛>أ ‘/ ]ِ]لأ، ‘،÷أ؟ (هذا المقطع تم حذفه من قبل الرقابة الذاتية حفاظاً على حياة الكاتب)...

ليش لهلأ ما نمسك أسامة بن لادن؟؟

ليش عم يرتفع سعر برميل البترول مع إنو كلفة إنتاجو ما تغيرت من 25 سنة؟؟ (13 دولار)

ليش لهلأ ما خلص مجمع يلبغا بساحة المرجة؟؟


وليش ... وليش !!



ومن ناحية تانية ...

ممكن استخدام هي الأداة للاستفسار عن أشياء علمية:

ليش الأرض بيضوية مو كروية ؟؟ طيب ليش (إذاً) منسميها الكرة الأرضية مو البيضة الأرضية؟؟

ليش في كتيييير مجرات وكتير كواكب .. إذا ما كانت مأهولة ؟؟

ليش البني آدم إلو عشرين إصبع مو أربع وعشرين... ورئتين مو تلاتة .. وعينتين مو أربعة (كان يلي بيلبس نضارة مناديلو أبو ست عيون) ..... ؟؟

ليش لهلأ ما لقوا علاج للسرطان ؟؟ للإيدز ؟؟ للصلع؟؟ للغلاظة؟؟

ليش ما منقدر نقسم على صفر ؟؟

ليش حددنا إنو المتر 100 سنتيمتر ... والسنتي 10 مليمتر .. والساعة ستين دقيقة واليوم أربع وعشرين ساعة؟؟؟؟

وليش هالطول تحديداً هو مليمتر ... وهالمدة هي ثانية؟ وهالوزن هو كيلو؟



طيب ....


وفي استخدام حلو لهالأداة من قبل الولاد الصغار ...

- بابا قوم نام ..

- ليش ؟؟

- ماما لا تاكلي بوظة على الريق ...

- ليش؟؟

- حبيبي روح قعود ولعاب مع الصغار ...

- ليش؟؟

..... الخ ..




وفي استخدامات اجتماعية مميزة لهالأداة الخطيرة ...


ليش الشباب ما بيفهموا على البنات ؟؟

ليش البنات ما حدا بيعرف شو بدهن؟؟

ليش ما حبتني مع اني عملتلها كل شي بدها ياه؟

ليش حاسة إنو عم يلعب بدنبو ؟؟

ليش لحتى اثق فيكي من بين كل البنات؟

ليش ؟؟؟؟؟؟؟




أنا حاسس إنو العيار تقل ...

وحاسس انكن رح تنكشو وراها لهالأداة لحتى تفصفصو عضامها ...


الموضوع عندكن ...

تفضلوا ...

مششششكور