هل تعتقد ان انفلونزا الخنازير من صنع مخابر الciaالاميركية؟؟؟؟ للنقاش ارجو المشاركة

أنا برأيي انو ممكن الاستخبارات الأمريكية تقوم بتطوير فيروسات ومو صعبة كتير تصنع انفلونزا الخنازير
متل ما قال محمد مشان تغطي على شغلات وتعيد سيطرتها ع القتصاد العالمي

أكيد هيك بدك الرد

انا برأيي انو اكيد هي صنع المحابرات الاميركية منشان تغطي ع كتير شغلات متل الازمة المالية والخسارات الكبيرة اللي خسروها

مشكور محمد

نحنا العرب كل شي عنا مؤامرة نظرية المؤامرة عايشة فينا
و صلنا لرحلة اذا شفنا منام منفكر اميركا خلتنا نشوفو
على فكرة الاميركان شعب بمستوى عادي من الذكاء و العلم و الخبرة
انا بشوف انو هيك فكرة بعيدة عن المعقول في كتير امراض بتظهر من الطبيعة او بيكون سببا الانسان و بتطور و بتختفي و في امراض بيلتقالا علاج لكن انو دولة تخلق مرض و تنشرو
فكرة مو منطقية
من لما انوجدت الحياة على الرض اغنوجدت معا الامراض
من قبل ما تنوجد اميركا نفسا

انا معك بس هي الطبقة لعم تحكي عنا هيي لعم تاخد قرار الحرب و قتل الاطفال و الابادة
لو قادرة تخلق او تطور فيروس يقضي على الناس بالصدفة ما انت السياسة هيك
ما بعرف انا بشوف الامراض طبيعي تتطور و تنتشر و تقتل ناس

بالنسبة للاحداث للازم تتغطى دائما في احداث
انتا بتعرف انو لما كان الحرب على غزة باخر مرة عملو هدنة مشان يفتحو مجال لوسائل الاعلام تنقل حدث تنصيب اوباما
هي معروفة لكن المرض منتشر بالمكسيك و باسرائيل و بالولايات المتحدة
و لو ما انحد كان انتشر متل ما انتشر وباء الطاعون بعد الحروب العالمية بالاخص بين صفوف جيش هتلر
هي الامراض سببا الانسان صح و الكيماويات لعم يستخدما و التكنولوجيا المنتشرة
هي ضرية للحضارة مو اكتر و لا اقل

يا أخي أنا معك بنسبة 40 %
لقد صنف هذا المرض بالدرجة الخامسة
يمكن أن يكون تطور تلقائيا ً
أو هم طوروه ولكن لم يوجدوه

أي هو موجود أصلا ً

كما إنفلونزا الطيور
أما الأسباب لتطويرة فهي حب السيطرة
والتحكم في العالم
أبقاء العالم في حاجة لهم
وأهم شيء الدولار
كما أظن ؟؟

أشكرك في النهاية
وحاول التعامل مع المحاور بلباقة أكثر وأوصل فكرتك
ولا اتسفة أفكارة أو مصطلحاتة
هذة نصيحة من أخ لأخية
علها تكون مفتاح صداقتنا ....

محمد عفارة مشان موضوع المرض انتا قلتلي انو الايام رح تثبتلي انو مفتعل من المخابرات الاميركية
انا تابعت الموضوع و قريت عنو كتير و شفت انو الشركة لمحتكرة بيع العقار للمرض هي شركة سويسرية بس ملك لدونالد رامسفيلد و بالوقت يلي عرضت الهند على منظمة الصحة العالمية العقار ب12 دولار رفضتو المنظمة و قبلت عينة رامسفيلد ب 100 دولار يعني بشكل اخر المرض كخبر انتشر اعلاميا بطريقة مرعبة و مفزعة و هيدا شي اكيد متدخلة فيه وسائل الاعلام و المخابرات و المستفيدين من اصحاب الشركة
لكن افتعال او خلق المرض ما بعتقد اصلا المرض عم يختفي و الضجة الاعلامية بهتت و انا بعتقد انا صرعة رعبوا العالم فيا شوي

عزيزي قرات جميع ما كتبتم ولكن للاسف كلها اراء شخصية ونابعة من ماترغبون ان تصدقوه
هل سال احدكم نفسه لماذا هذا المرض انتشر في اماكن محددة من العالم او بمعنى اصح في اكبر دول العالم و بما يتناسب مع الحجم كانت عدد الاصابات فمثلا لماذا هناك اصابات في مصر و فلسطين ولا اصابات في سوريا او لبنان ولماذا كانت اعداد المصابين محددة وفي مناطق محددة
ايضا في امريكا و في روسيا و في كندا و في المانيا و في سويسرا و غيرها من دول العالم ولكن حتى لا ينكشف المستور وتكون امريكا و شركائها من الاسرائيليين في مرمى الاهداف العالمية ولتكون هي صاحبة الفضل الكبير بخبرة علمائها الاباطرة في اكتشاف العقار العجيب تم نشر المرض الذي هو عبارة عن تجربة مخبرية لسلاح فيروسي واسع النطاق وتم التجريب وكانت النتائج مذهلة على نطاق العالم وستستمر هذه المهذلة المتعارف عليها حتى يدين العالم برمته لامريكا بالفضل العظيم ثم لم توجد اصابة الا وكان سببها احد الاشخاص الامريكيين سواء اكان فار تجارب او بعد ان نقلت اليه من فار التجارب
وبالنسبة لموضوع انو الشركة المصدرة للفيروس موجودة في سويسرا فاامر عادي فلو افترضنا انك قتلت قتيل في منزلك هل ستشارك في التحقيقات وتكشف عن الجاني الذي هو انت
اذا الموضوع عبارة انو هالفايروس يعتبر:

عسكريا سلاح بيولوجي فيروسي واسع النطاق

وسياسيا ازمة على مستوى العلاقات العامة الدولية

واقتصاديا حد للنمو الاقتصادي لبعض الدول

والامر الاهم صحيا و بيئيا وباء مدمر .... ولكنه للاسف ....
لم يصل بعد الى مرحلة الطاعون .......ومازلت بانتظار ان يصل الى تلك المرحلة حتى ارى الدواء السحري الامريكي او اليهودي


الامر الاخر هو كيف تصدقون ان شخصا سافر من امريكا الى مصر ولم يمد يده او يسلم على احد ابسط الامور الم يتحدث مع جاره في المقد في الطائرة فكيف لم يصب الجار و اصيب ابن الدار


واخر الانباء سجلت في السعودية و المغرب حوالي 17 حالة في كلا البلدين وجميعها كما اعلنت وزارتي الصحة في البلدين منقولة من مسافرين امريكيين

فكيف لا وفاران التجارب كثيرة .... او ربما يعدون تلك الفئران ببيوت في الجنة