الرئيسية
واحد كل يوم بيشوف شحاد جنب بيته وبيعطيه 10 ليرات وضل على هذا الحال سنة كاملة
وفي يوم عطاه للشحاد 7 ليرات فاستغرب الشحاد بس قال يلا 7ليرات احسن من مش
وبعد سنة صار يعطي الشحاد 5 ليرات بس .. كمان استغرب الشحاد وهالمرة ماقدر يسكت وسأل الرجل
وقاله انه ضل سنة كاملة يعطيه 10 ليرات وبعدين نقصت وصارت 7 ليرات وهلا 5 ليرات ليش؟؟؟
فقال الرجل : في الأول كانوا أولادي صغار وكان الحال ميسور و السنة الماضية بنتي الكبيرة دخلت الجامعة ومصاريف الجامعة كثيرة وبعد سنة دخل ابني الثاني الجامعة وطبعا زادت المصاريف
فسأله الشحاد : وشو عدد اولادك كلهم؟
قال الرجل :أربعة
قال الشحاد: وإن شاء الله ناوي تدرسهم الأربعة على حسابي !!!؟؟؟
