هل أنت مع أو ضد ؟؟

لا أستطيع أن أضع إجابة مختصرة بحرفين
لقد كنت أحد متابعي مسلسل سنوات الضياع
أحداث القصة كانت أكثر من رائعة ، و أعجبتني نسبيا شخصية البطل يحيى في تدخلاته الحاسمة لحل الأزمات
لكن القضية التي تثير القلق هي أنها قد تنشر بين العرب أفكارا بعيدة عن أخلاقيات مجتمعتنا

شكرا على مشاركتك الحلوة بس ما عرفنا انت مع أو ضد ومافي مشكلة اشرح واكتب اللي بدك اياه .
ولازم تطرح فكرة ثانية ليتم مناقشتها من قبل عضو اخر ..
وبرجع بشكرك على مساهمتك وبرحب فيك بالمنتدى كمان .

حبيبي دياب انا مع المسلسلات التركية
لأنو كلنا عم نشوف افلام أجنبية و اذا اخلاقنا بدها تنتزع كانت انتزعت من زمان


و بدي أسألكون أنتم مع تنزيل المواد ب الانكليزي ؟ ولا لاااء؟

لا لأنو ما عنا خلفية أجنبية كافية حتى ندخل بهل التجربة الفاشلة فخلوها بالعربي احسنوانا واثق انو رح يرجعو عالعربي...
برأيكم هل رح يتم فتح بورصة الاوراق المالية بسورية بنهاية هيدا العام متل ما بنعرف ولا بدها تتأجل؟؟؟؟

انا حاسس انو بدها تتأجل كالعادة بالنسبة لا جميع الاشياء عنا
وما عندي سؤال اطرحو فارجعو لا السؤال السابق

أنا مع انونفتح سفارة سورية بلبنان لانو بتتنسق جهود البلدين مع بعضن أكتر وهيك فيهن يضبطو الحدود ويعالجو المواضيع والمصالح يلي بتخص البلدين بطريقة أحسن ...
هل انت مع انشاء السلام مع العدو الاسرائيلي ؟؟؟

مهنة الطب منذ ان وجدت هي مهنة أنسانية وما كان ببال يلي عملها إلا يساعد الاخرين (يعني مو يقبض منهن ) وهلق للاسف ببعض المشافي الخاصة ما فيك تفوت مريض عالمشفى دون دفع الرعبون وهدا قمت العيب والمنافات للانسانية وأنا بعارض هالشي بشدة....

شو رايكم بالجامعات الخاصة وما مدى المصداقية بتخريج الدفعات الطلابية؟؟؟
بمعنى آخر هل تعتقد أنو الطالب بالجامعة الخاصة عم ينجح بجهدو ولا بمصرياتو؟؟؟

انا بعتقد و بجزوم انو عم ينجح بيمصرياتو لانو لكن معلش يعني شو هل الجامعة يلي بدا درس طب لا واحد جايب 140 او 150 بالبكالوريا يعني شو هل الدكتور الفهمان هيدا

شكرا نعمة جوابك بمحلو....

هل رح تصير جامعة طرطوس مستقلة شي يوم برأيكم؟؟؟

مرد رأي لا علاقة له بالاسئلة ...
لماذا لا يترك السؤال لطرح آراء الجميع ( مع أو ضد ) وليس من الضروري ان يكون هناك سؤال آخر لم يقوم بإبداء رأيه إلا لمن يرغب ... بالإضافة إلى تحديد مدة السؤال ( كل يوم سؤال او كل يومين مثلاً )
بصراحة لانو الضهر دخلت ع الموقع ولما دخلت هلق لقيت في 4 اسئلة جديدة وبالتالي ماعم يكون في وقت لحتى الجميع يدخلو ويشوفوا السؤال ويعبروا عن آراءن ...

شكرا

انا مع الاخ ليون انو يا ريت نوفر هل الاسئلة يلي عم نطرحها ونحطها طمن خانة معينة وانا بعتقد انو نسيم صار عندو فكرة عل الموضوع

وأنا مع الاخ نعمة والاخ ليون وفكرة ليون كتير حلوة يعني كل يوم بنطرح سؤال الكل فيه يساهم ويرد علييه...
مشكورين

المسلسلات التركية فاشلة بكل صراحة وما طقتها لانو بديق خلقك لبين ما توصل للحلقة الاخيرة

أنا ضد الإفراط في دبلجة امسلسلات التركية
ومع السلام مع العدو القائم على مبدأ الأرض مقابل السلام
ولا أعتقد أن جميع طلاب الجامعات الحاصة ينجحون بطرق ملتوية
بالنسبة للاطباء أعتقد أن نسبة كبيرة منهم أخذتهم ظروف المعيشة ليصبحو تجار لحمة

سؤالي هو:هل أنت مع أو ضد تعدد الزوجات مع توضيح السبب

أنا ضد الإفراط في دبلجة امسلسلات التركية
ومع السلام مع العدو القائم على مبدأ الأرض مقابل السلام
ولا أعتقد أن جميع طلاب الجامعات الحاصة ينجحون بطرق ملتوية
بالنسبة للاطباء أعتقد أن نسبة كبيرة منهم أخذتهم ظروف المعيشة ليصبحو تجار لحمة

سؤالي هو:هل أنت مع أو ضد تعدد الزوجات مع توضيح السبب

بعض المسلسلات التركيه جميله انا مع الانتقاء في المسلسلات المدبلجه وعدم الافراط واختصار الحلقات في الدوبلاج ويا ريت ما تنحصر الدبلجة بتركيا يعني في ايران في المغرب في ..... بما انو الهدف الاطلاع ع ثقافات الغير وحياته اليوميه

مع السلام مع العدو على مبدا الأرض واسترجاع الكرامه وما يضمن الحفاظ عليها
استرجاع الارض المحتله لا يضمن لنا الأمن لاستثمار اموال الدوله في بناء الارض
نريد الكرامه و الشروط التي تحقق لنا الاستقرار الداخلي

قله قليلة جدا من طلاب الجامعه هي التي تنجح بطرق ملتويه

الطب مهنه كباقي المهن وفينا نسميها تجاره و على الانسان ان يتقي الله في كل المهن
نحن بحاجة الطب كحاجتنا لعلبة الطون كحاجتنا للباس كحاجتنا لاي شي اخر
فلماذا نعيب على الطبيب ما لا نعيبه على مافيات السوق و التجار الصغار الفاسدين
لا اقصد بكلمة مافيات رجال اعمال ذووي سلطه بل اقصد أصغر تاجر في السوق
والله يساعد الطبيب

مع او ضد تعدد الزوجات ؟؟؟؟
هل انت مع او ضدد تعدد الموبايلات ؟؟؟
عند الحاجه !!!!

السؤال ::
مع أو ضدد التعريب الاجباري لاسماءالمحال التجاريه
مع أو ضدد اعتماد نظام السوق في الاسعار مع عدم اعتماده في الاجور والرواتب

بالنسبة لسؤال أبو محمد : هل أنت مع أو ضد تعدد الزوجات مع توضيح السبب :
أنا مع تعدد الزوجات فقط في حال وجود سبب ( مرض الزوجة , ما بتجيب أولاد مثلاً )
...
بالنسبة لسؤال مستشار إبليس :
مع أو ضدد التعريب الاجباري لاسماءالمحال التجاريه
مع .. مشان يشتغلوا محلات الإعلان ... ههعهعهعهع
---

مع أو ضدد اعتماد نظام السوق في الاسعار مع عدم اعتماده في الاجور والرواتب
لا ضد لأنو المفروض النظام يتعمم عالكل ..
يعني مثلاً بسبب زيادة الطلب يرتفع سعر شي مادة لأضعاف .. وتبقى الرواتب كما هي حتى لو كان هناك طلب على التوظيف ..

بالنسبة للمسلسلات التركية حسنة وحيدة ما في غيرها :تعويم اللهجة السورية ع الصعيد العربي

واقتحام السوق المصرية(اللي تحججو انو ما بيفهمو اللهجة الشامية)

سبحان الله صارو بيفهموها ع تم صوابات تركيا!!

أنا ضد السلام مع العدو التلمودي

مشان ما يعض العرب بعضهم مستقبلاً

أنا ضد تعدد الزوجات مهما تكن الأسباب

لإنو انت ما اشتريت بطيخة وطلعت بيضا فحبيت تغيرا

في كرامة انسانية بالنص

قبل الزواج فيك تعمل تحليل الك ولعروسك وتتأكد من القدرة ع الانجاب

التركية انا ضد بي متل ماقال جاد الها حسنة انو اللهجة السورية بنتشر ومن ه الحكي
بالنسبة لتعدد الزوجات انا ضد وبشدة لانو بعتقد تعدد الزوجات ماهو اللا ارضاء للغريزة
وهاد التفسير الوحيد الو وبيدل انو الزلمي ماهاممو بهالدنيا غير هيك
ضد السلام مع اسرائيل لسبب بسيط
انها هيي مابدها السلام حتى لو انت بدك ياه وهذا الشي من صلب طبيعتها العدوانية

اختلاف الأديان يعني الاختلاف في التريبة والاخلاق والمبادئ

يعني ممكن يكون في صبيه من نفس ديني بس اخلاقها ما بتناسب
والعكس كمان ممكن تكون من غير ديني بس مبادئها وتربيتها مناسبين

بالنهايه الزواج هوي مشروع (مشروع فقط)
والو اساسات لحتى ينجح

واذا الواحد وجد هالشروط بصبية من غير دينو فالزواج رح يكون ناجح وهاد هوي المهم

انا مع هيك زواج بشرط ما يكون قائم ع الحب

مرحبا ابو محمد
ياهل ترى انت بتشوف انو اساسيات الزواج من غير دين موجودة
هل الحب يبرر كل الاختلافات
ماذا عن المشاكل في المستقبل
فرضا شخصين متفاهمين من غير دين ويحبان بعضاهما
هل يمكن عزل الاهل والمجتمع
الذين تتفاعل معهم كل يوم وهل يصمد الحب مقابل هذه المصاعب
انا لم احب احدا من غير ديني لذلك اترك المجال لصاحب تجربة قد يكون للموضوع نظرة اخرى
بسبب الاسباب السابقة انا ضد ليس للفكرة نفسها بتجرد لكن لامكانية الاستمرار بهكذا حب او زواج
في المستقبل ولتجنب اي متاعب او ((((مصائب))) في المستقبل
بشكرك كتير ع السؤال المهم طبعا راي شخصي

انا اذا ع المسلسلات بديق الخلق