أنا وأخي عابن عمي

أنا وأخي عابن عمي وأنا وابن عمي عالغريب
مثل كثيرا ما رددناه وتغينا به ولكن أين كلمة الحق في هذا المثل
لعل هذا المثل خاطئ والصواب هو الذي نأخذه من العقل والمنطق أنا مع الحق سواء مع أخي أو ابن عمي أو الغريب
بل لقد ممدنا هذا المثل
فصرت أنا وابن حارتي عاللي برا الحارة
وأنا وابن ضيعتي عاللي برا ضيعتي
وأنا ورفيقي عاللي ما بعرفو
وانا وابن بلدي عاللي من غير بلد
وانا وابن ديني عاللي من غير دين
وهكذا ضاع الحق واستبدلناه بروابط من الدم أو العرق أو الدين
ظاهرة نراها بين المثقفين والأميين على حد سواء
بانتظار مشاركات الأعضاء حول هذه القضية

أكيد الحق هو الاساس سواء كان الحق مع أخي أو مع الغريب
ولا يجب أن ندخل صلة الدم والعرق بهذا الشيء بل أن نفصل كل شيء على حدا
وأن نعطي الحق لمن يستاهله

مشكور جان فالجان

خيو هي صارت من البديهيات عند شعبنا
والكل ما؟؟؟بستثني حدا حتى (لاتواخذني )كاتب الموضوع متوفرة هالخصلة فينا

اذا انا وصلت دمي ماكنا مع بعض لكن انا ومين بدي كون
بدي كونمع يلي مو من دمي اي بلحظة ببيعني

كل الحق باللي ذكرو جان فالجان

أنا يشوف انو هالشي منتشر عنا كتير لسببين

أول شي رابط القرابة الاسرية أو المكانية أو الدينية كتير مؤثر بمجتمعنا

تاني شي نحنا عايشين بمنطق الأقليات اللي دائماً بتلم على نفسا خوفاً من الاستفراد ..

مشكور ع الطرح

بشكر مروركم جميعا

خيو هي صارت من البديهيات عند شعبنا
والكل ما؟؟؟بستثني حدا حتى (لاتواخذني )كاتب الموضوع متوفرة هالخصلة فينا

حكيك حلو
ما بعرف كيف عرفت أنو هالخلصلة موجودة في كونك ما بتعرفني شخصيا
عموما كوني ربيان بهالمجتمع أكيد هالخصلة فرضت حالها
بس الانسان بيقدر يتخلص من العادات السيئة
ما بنكر أني وقت كنت بالثانوي كان عندي شي من التعصب اذا شفت ابن حارتي علقان وقف معو حتى لو على غلط
وبظن اني قدرت لحد كبير بعد ما دخلت الجامعة غلب المنطق على بقية الروابط وهالشي خلاني اطرح هالموضوع

معك حق جان فالجان
والاكيد انو الحق هوي الاساس
بس للاسف هيك ظاهرة انا ملاحظها انو عند المثقفين اكتر
من الاميين
مشكوووووررررر كتير