الرئيسية
مغرور قلبي كيف بدّي فهّمو
أنّو الهوى بيعذبو وبيندّمو
لاكان يتعلّم من ليالي البكي
ولا كانت جروحو القديمة تعلّمو
ضجرت خصور الورد من لَمْ الندي
والطير وعّى الزنبقة البيضة وهدي
وانتا يا ضايع أيْمتي رح تهتدي
دار الحكي والناس عم يتلوّمو
مشيتني عا درب وعرا بالضباب
وتهنا ورا عينين بيجيبو العذاب
وياما لحقنا الريح عا كلمة عتاب
وياما نطرنا ويمرقو ما يسلّمو
تاريك مش وحدك تنينتنا سوا
مجانين محقوقين طيّرنا الهوا
مش رايدين ناخود لهالعلة دوا
ال عا زوقنا منحللوا ومنحرّمو
