لو منرجع صغار ..............

كلمة لو تفتح عمل الشيطان

بس الفكرة اكيد الكل مرق فيها والكل فكر فيها منشان كتير اشياء بدو يعملها
بس انا ما بيخطر على بالي غير شيئين اثنين
اني ارجع ابن 10 سنين وضل بهاك العمر
واني ارجع لايام دراستي بالمعهد تكون متل ماكنت بهديك الايام

ولكن للاسف دولاب الحياة و العمر يجب ان يستمر في الدوران و الانسان القوي و الذكي هو من يحافظ على نفسه او يعمل دوما على
تصويب اخطائه ليحيا حياة سعيدة
وسر السعادة يكمن في تغلبك على ماضيك والاستفادة منه في حياتك المستقبلية
موضوعك حلم و هواجس وافكار من يعيش ضمنها يخسر في الحياة و يصنف فاشل

اذا منشيل كلمة لو
وبعتبر حالي رجعت بالعمر بس شي سنتين او تلاتة
لايام البكلوريا
وايام الولدنة والهريبة من المدرسة
وايام الطيبة والحكي السادق
كنت اول شي عملتو اني ماطلعت من مدينتي الصغيرة
وما حاولت اعرف العالم الكبير
ويمكن كنت حافظة ع رفقة المدرسة والحارة
ويمكن ما كنت فتت عالنت من اصلو ولا كنتو شفتوني هون


بس لو


زنوبيا فتقتيلي جروحاتي

اول شي بعملو هوو اني بحاول ابقى طفلة بظن اجمل مرحلة بحياة الانسان هيي الطفولة وبصراحة كان عندي لعبة بس انتزعت وكنت كتير بحبها وقال على اساس انها بنتي طبعا كنت بحافظ على هاللعبة مشكورة موضوعك حلو عجبتني الفكرة بس كلمة يا ريت ما بتعمل شي

لو منرجع صغار .. شي بغاية الوجدانية.. أنا مارح حطو ضمن إطار (شو فينا نغير ؟) .. أكيد ما فينا نغير شي

رح خلي الموضوع بإطارو الوجداني .. دائماً حنين الانسان لنقطة البراءة بحياتو .. وخاصة بس يلمس ضراوة الحياة وقساوتا .. مانا هروب قد ماهي حنين للحظات سرقناها بغفلة عن قساوة هي الحياة

هدول الناس يلي قالت عنن فيروز .. تعا تا نتخبا من درب الأعمار .. اذاهني كبرو نحنا بقينا زغار

يعني هدول الناس يلي نسيو يكبرو ..

شكراً كتير .. متميزة بالطرح

انا بتمنى نرجع صغار مشان انشوف الدنيا ببراءة ونعيش لحظة بلحظة لان ع القليلة مافي هموم عندنا ونحنا صغار

ياريت منرجع صغار
بس للأسف هيدا حلم ابليس بالجنة
مشكورة

والله للاسف زنوبيا مع انو الموضوع كتير حلو ...
بس ما بتمنى ارجع صغير اولورا لو ثانية ..
لان المراحل الصعبة من زمان كانت اكتر بكتير من المراحل السهلة ..
بس اذا ولا بد ارجع ...
برجع لاول سنة بالجامعة لاني كنت رح غير كتير شغلات من وقتها لهلق ..

انا بتمنى ارجع لورا منشان عيش حياة الطفولة البريئةالخالية من الهموم
لانو كل ما كبر الانسان بيكبر همو معو

مشكورة زنوبيا عالموضوع

MR HACKER
نحنا عم نحكي احلام و هواجس مو معقولة الاحلام تحرك شيطان فينا او تفشلنا طبعا اذا ضلت باطار الاحلام
لكم لما منعيش بالماضي و بتسكنا الفكرة مو رح تفشلنا على قد مرح توقفنا بمحلنا
العالم رح يطور ونحنا رح نراوح بمكانا لما بتسيطر علينا
شكرا عمرورك
crazy baby
لسه بدك تهربي من المدرسة كمان مو حاجتنا كل شي هربنا
بس حق معك و الله كانت ايام
انا لو برجع ما كنت بهرب كنت بطلع من الباب الرئيسي نظامي
لحمصية
بيعوضك الله عن لعبتك فعلا معك حق احلى شي لو فينا نرجع برائتنا و احساسنا بهديك الفترة


AdmiNaSiM
يا سيدي نيالك مرتاح و راضي
بس ولو معقولة ولا رمة بتحن

لو منرجع صغار مارح كتير نغير لأنو الحياة بتنعاش مرة وحدة بس

الحلم بالعودة للورا هو بداية السقوط

ومع كل هيك .... أنا بحب ارجع طفل صغير بقلب بريء مابيعرف لا الحقد ولا أخواته

ارجع طفل اللي وقت يخاف بيلاقي حضن ام دافي هما بس تحميه

مشكلتنا صار عنا وسواس اسمو : حب البكي عالاطلال

JAD silver 86
ممكن يكون مجرد حنين للحظة براءة بس كمان هوي رغبة مبطنة لو فينا نغير كتير شغلات انا بعتقد انو في سببين لحتى نفكر و نحن لهي اللحظة
بعدين حتى لو هالناس نسيو يكبرو الايام ما بتنساهون و بتكبرون غصبن عنون
شكرا عالمرور

Tark.m
شكرا عمرورك
فعلا نيال الصغار بلا هموم
وشع
لا ولو مو حلم ابليس بالجنة ممكن ترجع بخيالك احيانا بس هديك مستحيل يكون عندو تصور عن الجنة مشكوووووووووووور



سا man تو
شكرا عمرورك و اذا ما قدرت تصلح شي مرق اتركو للايام بتتكفل بكل شي

zena.h
حق معك ممكن اغلب الناس يفهمو حنينا للرجوع و كانو حنين للفرح و البراءة
بس بالنسبة لكتير ناس ممكن يكون رجوع لالم او لحزن قديم شكرا كتييييييييييير

لكميت

شكرا كتير عالمرور

[color=blue]أنامتاكدة اني اكتر وحدة بالعالم بتتمنى يرجع الزمن لورا
عندي شغلات كتير بتمنى ارجع لغيراواشطباوارجع عمواقف غير فيهاردودي اوتصرفاتي
بس امتر شي بتمنى ارجع عبيتنا القديم والصغير من وقت ماتركناه تغيرت حياتنا للاسوأ
واني ارجع العب بالحارة وارجع عفريقي للطابة ولملعبناالخاص بلبنات واكيد انا كنت الكابتن لاني كتير كنت متصابية اناوصغيرة وبلحقيقة ماكنت قدمت البكالوريا ادبي اناخربت حياتي من وقت ماكرهت الرياضيات بالعاشر وقررت اهرب من هالتعب بس شوبدنانعمل هيك الدنيا[/color]

بتمنى كتير اني ارجع صغيره للعيش ببراءه ودون هموم وغير كتير أشياء مريت فيها بس ما بيطلع بالايد شي
لهيك ما النا الا نكمل بمستقبل انشالله يكون أفضل
مشكوره عالموضوع

اذا بحلم ارجع صغيرة 000
لسبب واحد 000000
حتى انبسط بايامي بدون مااحسب حساب لبكرى 000
احلى شي بالولدنة انو بتحط ايدك بالنار 000حتى تصدق انها بتحرقك0000
يعني بتشتغل الي ببالك بالفطرة وشو بتحس000
موعقلك والناس شو بيخوفوك0000000000
يلا الحمدلله على كل شي