الرئيسية
حماية مو عاجبتها عروسة ابنها
وقفت قبالها بالعرس وآاهت
آويها يلي قاعدة جنب إبني
آويها ما فيكي شي عاجبني
آويها هلأ بتقولي حبني
آويها بكرة بتقولي كبني
آويها و ان ما مشيتي دغري
آويها لتلاقي بيت الضرة مبني
لي لي لي لي ليش
قامت ردت عليها العروس وقالت...
آويها وحيات شالك وشنشالك..
آويها بعد اسبوع لافضالك
آويها و انشاء الله فال الله و لا فالك
و آويها و داء الفالج جالك
آويها لأشغل بالك و انهب مالك
آويها و ابنك ما بيهنالك
آويها و بعدها لفرجيكي حالك
لي لي لي لي ليش
