المساكنة بين الشاب والفتاة .. ؟؟!! مهم للنقاش ...

هاد موضوع يمكن محسوم وانا ضدو قلبا وقالبا مو لشي بس لاني بنت شرقية وهيك تربيتي وبيئتي وبأمن بموضوع انو اي علاقة لازم تربط اتنين بحبو بعض اذا امكن هيي الزواج ويمكن مجتمعنا شوي متماسك لحد الان لانو لسا في عالم بتحلل وبتحرم وما بظن انو اذا شفنا اتنين ماشيين مع بعض مناخد هالفكرة اللي عم تحكي عنا تجاوزنا ه الموضوع ع الاغلب

اخ علي انا صوتت عالرابع ..
وكتبت رايي بنص الموضوع ..
بس في ناس قناعتون غير قناعتي ..

انا هاد رايي بس في ناس متل مقلتلك رايون غير شي ..
لذلك الموضوع للنقاش ..
بس عندي محرم اهلين خيي علي ..

أن بصراحة ضد هالفكرة
بس اذا بدنا نحكي بالمنطق وبشكل عام المساكنة بمجتمعنا يفهم بطريقة خاطئة
مجتمعنا يذهب فكره الى الموضوع الجنسي ولا يفكر بالمفهوم الثقافي وتبادك الافكار
لمجرد ان نشاهد فتاة وشب ننظر لهم نظرة سلبية وأحيانا بيكونو أخوة
بس موضوع المساكنة عنا صعب كتير تطبيقو لانو عنا بيفهموك غلط
وانا ما بقلك ما جلس اثنان في بيت واحد الا وكان بينهما الشيطان
لهيك أنا ضدو وما بنصح بتطبيقوا بمجتمعما الشرقي يلي عاداتنا والحمد لله تحرم هذا النوع

مشكور ساتو موضوعك جريء ومهم للنقاش بتمنى الكل يشارك فيه

رأيي انو ماحدا معصوم عن الغلط000000
لهيك اذا كان الشب والصبية مسلمين اوغير مسلمين 000
السكن بنفس البيت000غير محبذ000لاء وحرام كمان
ماحدا بيحاول يبعد عن نظر الناس 00الا اذا حس انو رغباتو وتصرفاتو غير مرغوب فيها 000
اوحتى احساسو انو في غلط بالموضوع ومضطر يخبي حالوا00
لان اي علاقة صداقة او صحبة اوحتى حب حقيقي 000
ممكن تنشأ بالعلن مو ورا حيطان مسكرة000
وبالنهاية 00لكل قاعدة شواذ00ولكل انسان هفوة000
ومافي داعي صانع السم يدوقوا حتى يتأكد انو بيموت00000000000

شو حبيب ؟
هيدا هو الانفتاح برأيك ؟
أنا مع الموضوع لأي شب بيكون متل أبو بدر
وعلى عيني

القصة مو قصة مع او ضد
القصة انو نحنا لسا بشو عم نفكر والعالم كلو نسي هالقصص من زمان
لساتنا نحنا مننزل منقعد بمكان عام لانو موجود فيه صبايا وشباب والجو كتير كووووووووول
كل الشعب عنا ما بيفكر يعمل شي مفيد الو وا لغيرو المهم ينزل ويشوف العالم كيف عم تلبس او هي شو عاملة اوبيقول لرفيقو شفت فلانة او البنات شفتي هادا شو حلو او شفي كليب تامر شو نايس
يعني لازم نكون اكبر من هيك .......
والواحد حر انا برايي يسكن مع رفيقتو مع كلبو هو حر واذا بيضل تفكير شعبنا محصور بالاشياء الجنسية فاكيد انو رح يضل التخلف راكبنا
يعني اذا الواحد ضد المساكنة بس بيضل كل وقتو عم يفكر انو بدو يطبق فلانة او يحكي على فلان شو استفاد يعني ما فهمت
برايي انو الموضوع اكبر من علاقة جنسية الموضوع انو لازم نطلع بقى من الشرقية اللي ماسكينا من دنبا واللي اي شي ما عم نعرف نستعملو او نتقبلو دغري منلجا للشرقية مع انو برايي الشرقية اكتر من انو ضد المساكنة او العلاقات غير الشرعية...
بعدين ليش ما منلجا للشرقية وقت اللي منقعد كل النهار حكي وعلاك على العالم ولا ما منعرف نشتغل شي غير طق الحنك واكل البزر
يعني بتمنى تحكو بشي من واقعنا ممكن نكون مجربينا ما تجيبولي مواضع من العالم الخارجي بالنسبة النا .

بقى حاج تبيعونا وطنيات وتنظروا علينا مع احترامي للجميع
ما في حدا الا راكبو الغلط من راسو لرجليه وانا اول واحد ومنتناقش بشغلات ما النا فيها ولا منعرف عنها شي
خلونا نحكي بشي مفيد ونستفاد منو احسن للجميع
مع احترامي للجميع وبتمنى ما حد يزعل مني