زياد الرحباني شيوعي.......مع حزب الله

في مقابلة فريدة من نوعها استضاف تلفزيون المنار زياد الرحباني
تحدث زياد بحريته المعهودة وطرافته الراقية دون مراوغة او نفاق
خطوة استضافة مفكر شيوعي مثل زياد على تلفزيون المنار المعروف بتوجهه خطوة جريئة
فقد تحدث زياد بجرأة عن اخطاء و هفوات ارتكبها حزب الله بعيدا عن خطاب تأليه النصر و الحزب
وجه انتقادات لاذعة للوضع السياسي الحالي في لبنان
عبر عن حريته ووطنيته من خلال افكاره الحرة
تحدث عن سيد المقاومة و عن النصر العظيم الذي حققه في تموز
تحدث عن خوف الاسرائليين و رعبهم منه كشخص كقائد و مناضل
عبر زياد عن رأيه الصريح بأن 7 أيار غلطة لا بد منها
اعرب عن قلقه على مستقبل حزب الله
المقابلة جرت بشفافية وصدق
تحية لقناة المنار و على خطوتها الذكية في استضافة شخص وطني مثل زياد بغض النظر عن اسلوب ايمانه و تعبده
جمع زياد الرحباني بالمنار عدائه لاسرائيل و مواقف وطنية جريئة
ايمان بالوطن
ايمان بالحرية
و رفض واضح للتعصب الطائفي

االظاهر كانت الحلقة حلوة كتير وراحت علينا
بس موغريب عن زياد صراحتو وشفافيتو
وهي خطوة كتير كبيرة من قنار المنار
مشكورة زنوبيا على نقلك للموضوع وتلخيص أفكاره

والله هي خطوة جريئة من قناة المنار تشكر عليها
ويامي زياد الرحباني هو اكتر شخص اقل مايقال عنو انو رجل مخضرم

مرحبا
اول البارح حضرنا لقاء لزياد على المنار
و باختصار.........
لو بينعاد اللقاء مية مرة رح ضل احضرو
المهم........
ذكرنا هدا اللقاء بمسرحيات زياد الخالدة:
فيلم امريكي طويل
بالنسبة لبكرة شو
شئ فاشل

طيب كيف بدي احصل على تسجيل للقاء لأنو نادر و خطوة مو متوقعة من قناة المنار اللي ما بتحط أغاني لا لفيروز و لا لمارسيل
عم احسبا بعقلي ما عم تزبط يا ترى في ايديولوجيات عم تتغير ولا شراكة حزب الله مع الجنرال عون رح تطالع خلطة مهمة ورائعة و مفيدة
تحياتي الك و للجميع
رح انبسط كتير اذا حدا بيهتم باللي حكيتو
باسم...........
bassimboss@hotmail.com

الصراحة راح عليي اللقاء لإني انشغلت وما عرفت فيه .. يعني عنجد ضربة معلم من إعلام حزب الله

طبعاً هالشي بلش بالصورة الشهيرة يلي حطتيتا المنار لزياد بمهرجان الانتصار عام 2006 لما كان حاطط ع راسو

كاسكيت مكتوب عليها (نصر من الله !)

فينا نراهن على كتير ايديولوجيات بالعالم انو تتغير الا الاديولوجيات الدينية ..

مع احترامنا الكبير للمقاومة لكن حزب الله عندو قضية مركزية اسما المقاومة ومن مصلحتو يحط ايدو بإيد كل مكون

من مكونات شعبو حتى المشاكسين ذوي الميول اليساريةيلي كلنا منعرف كيف بتشوف الدين

اذا منحط موضوع المقاومة ع جنب أنا بشوف إنو الاحزاب الدينية أو الدول الدينية أخطر الاديولوجيات على عالم عربي منفتح

لإنو هاي الاحزاب أو الدول عندا مشروع وأجندة ومانا جمعية خيرية

كتير منكون سطحيين اذا منقول انو ايران ما عندا مشروع منافس للمشروع العربي الوحدوي أو ما عندا أطماع نفوذ

لكن بالوقت الحالي لا عدو الا اسرائيل كونو عدو مشترك ونترك مواجهة أي مد أيراني أو غيرو بعد حل المشكلة الاسرائيلية


شكراً الك .. وعذراً ع الاطالة

اول شي ..
زنوبيا ما بتفوتك فايتة ..
فعلا كانت المقابلة حلوة ..
وخطوة جريئة من تلفزيون المنار لانو زياد ممكن تفلت معو عشي حدا ..
والله يوفق التنين ..

اول شي موضوع حلو يلي ما حضر المقابلة راح نص عمرو هههه بربي صحي انو زياد شيوعي وما بامن بشي اسمو الله بس يلي بيعجبني فيه انو زلمي حقاني وزلمي فهمان وزلمي وطني وين ما ضربتيه برن ان كان بالثقافة وان كان بالعلم بالدين بالسياسة ولك بكلشي يعني هاد انسان رائع بس مشكلتو شيوعي الضرسان شو نعمل هههه يلا خير بس عالقليلة هالشيوعي هاد بيسوا نص لبنان ولي فيها لانو بتكفي انو زلمي حقاني وهاد شي نادر عند كتير كتير شعب وانا اي انسان صريح وحقاني مو بايدي بموت فيه يعني اعجابي فيه بزيد الف بالمية والله يحمي الشعب العربي كلو والله يستر يا عمي من كلشي اسمو استعمار والله ينصر كلشي حق عالباطل وكانت هالخطوة من قناة المنار خطوة رائعة وشكرا الك للمرة الاخيرة يا غالية