تخيل , قرر , وأصلح....

بصراحة هالسؤال كتير صعب وانا اذا انجبرت كون بهالمنصب
بعتقد أول شي رح اعملو هوي نظف هالبلد من بعد المفسدين والنصابين والحمد لله هني كتار عنا
وبعدين بحاول ساعد يلي فيني ساعدو طبعا حسب مقدرتي
وبحاول ساعد الاولاد يلي عم نشوفن بالشارع
وانشالله اقدر اعمل هيك
انا هادا يلي بتمناه مع انو كتير صعب تحقيقو
مشكورة زهرة البيلسان عالفكرة الحلوة

أهلين كميت
وبشكرك للطرح الانساني وانشالله بيوم من الايام يطلع معنا نحقق شي

انا رح حط حالي بموقعي انا
رح بلش صلح بنفسي ع امل كل واحد يصلح بنفسوا
ووقتا ما عد يضل اي مشاكل لحتى نتخيل ونقرر ونصلحها
فالفساد من النفس
والاهمال من النفس
والشجع والطمع من النفس
------
انا هيك وجهة نظري
---
تقبلوها مني ومشكورين ع الموضوع

مشكور علي عنجد اصلاح القطاع العام أمر كتير هام جدا" لبلدنا
وبشكر مرورك زينه وأكيد جامعتنا بينقصها لسا أكتر من الهيك لأنو ياحسرتنا مانا أخدين من الجامعه غير الاسم وطبعا" المضمون مقبول بس الشكل الخارجي للأسف مفقود
وأهلين فيك يامن وبتمنى كل واحد منا يعترف باصلاح النات للوصول الى اصلاح شامل والمشكله انو هدا أصعب أنواع الاصلاحات عند البشر

بتخيل حالي مسؤولة عن أي مؤسسة قطاع عام بالبلد00000000000
لأني بتمنى قلد فكرة مسلسل يوميات مدير عام00000
لانو المشكلة الكبيرة هي البعد بين المسؤول وشكوى المواطن000
وحل كتير من مشاكلنا بالبلد 00000
انو ينوجد اعلام صادق مهمتو يوصل شكوى المواطن لفوووووق00000000000000
واكيد شكوى كل الناس 0000000000
شكرا كتير عالفكرة0000000000000000

أهلين سمفونية وانشالله يوصل صوتنا بيوم من الايام لأنو الطرح اللي طرحتيه كتير مهم ومعروف عند الكبار قبل الصغار بس بدك هالكبار يسمعو وما يطنشو

بشكرك زنوبيا عالمرور الانطلاق من الذات ومحاولة كسر الروتين شي كتير مهم وضروري
نورتي الموضوع

لا يمكن الاصلاح ابدا الا بقطع راس الافعى وليس ذنبها


انا مع يامن بكل كلمة قالها ولكن بعد قطع راس الافعى

وللاسف للفساد عدة رؤوس وهي لا تعد

فكيف بدكون تحلوها


هون المعادلة
نحن نحاول وربما ننجح في بعض الميادين وكن باقي الميادين يكون الفساد عشش بها
ناتي لنصلحاه فيعود الفساد الى التي اصلحت و الحلقة مفرغة ولا يمكن ان تكتمل الا بعون الله

مشكور ALISHOO-M

بشرفي انا ما فيني قلك غير بشكرك عهل الموضوع يلي بخلي الواحد يعيش حلم وبالاحرا وهم بس بيتمنى يحققو
انا الصراحة وبكل صراحة بتمنى اول شغلة ولي هي الحق انا من وقت مخلقت اهلنا اول ما علمونا وربونا عالحق وهاد الشي يلي نادر وقليل جدا ينوجد في مجتمعنا يلي عايش بوهم نفسو وهاد شي صعب كتير كتير انو يتصلح بس بتمنى الله يقدرني واستلم شي منصب بس انو اعلن شي اسمو الحق وخلي هالبشر يلي عايش بشي اسمو وهم اجباري تفيق وتصحصح منو ويصير الها راي وفكر وتحرر بس المشكلة هي اصعب شغلة انو تظبط بهل البلد وبالعالم كلو كبشر
وتاني شي مشكلة الفقر الفقر الفقر خخخخخخخخخ والله يا بشر حلمي بس الله يرزقني لحتى اول شغلة اعملها وبشرفي وبديني هاد من احلامي يلي كنت بحلمة من وقت ما شفت هالشعب يلي عم يموت لياكل هالشعب يلي صار العلم مو بس الاكل عندو حلم يعني بشكل مختصر صارت الحياة بشكل عام عندو حلم لهيك هي الطبقة من المجتمع امنتيتي لو فيني ساعدها باي شي اذا الله قدرني اعمل هالشي يا رب
وتالت شي هالبلد من ناحية الفساد انها تتحسن هاد شي صعب لانو يوجد الفساد في كل مكان والبشر اذا ما هي شدت عحالها ومنعت حالها من شي اسمو فساد والله غير الله سبحانه وتعالى ما فيه يغيرها
وشو بدي احكي لاحكي غير الله يساعد هالبشر وبس اكتر من هيك بمكن موت فقع بصراحة
وبرجع بشكرك يا غالية وبحرارة عهل الموضوع يلي مكتوم عليه من جميع البشر يلي خايفة ومخباية حالها وما بتعرف تعبر عن راييها غير بشي اسمو الجبر وما بعرف شو

وبتمنى من جميع الشعب الفهمان والمتفتح فكريا والمرتاح ماديا انو يقوم بشي يساعد هالبشر يلي محكوم عليها بالدفن بالحياة واكتر من هيك ما عد فيني احكي لانو موضوع كتير صعب البشر تقوم فيه فعليا لانو حتى بالحكي هالشعب صاير عميبخل كيف الفعل ما فينا نقول غير الحمد الله والله يساعد هالبشر وبرجع وبشكرك يا غالية عهل الموضوع ولاخر مرة وبتمنى ضمير هالشعب بس يفيق يصحصح يشوف بس شو صاير بالبشر خلص شكرا

ما فيني اختما غير بهل القول وبالعامية كمان

ولك ويلو ويل بيو ويل امو ويل حالو يلي ما الو حدا بهل الدنيا وبالاحرا بهل الغابة يلي لا تواخذوني يا اكابر غابة اغلبيتها وحوش بس اخ لوفيني اعمل شي بس ما فينا نقول غير في الله وما في اكبر من الله والله يلي قادر عكلشي وشكرا والسلام عليكم

بشكرك كتير المالك الحزين وعنجد انت أغنيت الموضوع كتير
وبصراحه أنا اللي ميبسطني هوي المشاركه لأنو هدا بيعني انو الكل متعاطف مع هالوضع المأساوي
وحاسس فيه والأهم من هالشي انو نحنا اللي منحكي هلق بالايام نحاول نعمل شي ولو بسيط
وما نصير متل غيرنا منبيع كلام وبس
وبرجع بشكرك لاندماجك بالموضوع
و بصراحه أنا بزعل لما فكر انو كل هالمشاكل والفساد عايشينوا نحنا
ومافينا نقول غير الله يعينا وانشالله يطلع معنا شي بالايام