رأيك: الإعلانات على شاشتنا السورية ..

مهزلة بكل معنى الكلمة بتكون مروق وعم تحضر شي بلحظة ما بتشوف غير الاعلانات ويا ريت اسما اعلانات
شي علكة منطاد وشي الرجل العنكبوت وغير دعايات علب المحارم
عنجد الله يعين هالمشاهد على هيك اعلانات
شكرا عالموضوع يا ميلاد

يعني ميلاد انت خطيت الموضوع من شان
تشعل نار نحنا حاسين انو عم تحرفنا بكل سنة في رمضان
يعني شو بدك اسخف من دعاية مثلا الرجل العنكبوت
ولا هيي....مابعرق شو اسمها...
علكة ست الكل
ياعمي شئ فقد اللامل منه

مشكور ميلاد موضوع محسوم والاستفتاء انا بعطيك النتيجة من هلق
اعلانات فاشلة شكلا ومضمون ... وشكرا
بس كلو كوم
وعلكة سهام كوم ... يا اخي صرت حابب اتعرف ع هي سهام لشوف
انو ليش كل الاموال ع علكة ولوووووو
-----
علكة سهام شو طيبة

نحنا كل سنة منفتخر بالدراما السورية 00
يلي ماحدا كرهنا فيها غير الدعايات 000
يلي هي مهزلة بالدرجة الاولى بحق المشاهد000
لان الدعاية مصممة انطلاقا من انو الاطفال تحت العشر سنين
هنون المتابعين للمسلسلات والافلام وحتى برنامج غدا نلتقي 00000000000000
مين فينا مانسحر بابداع دعاية00000000
علكة الرجل العنكبوت 00000000000000000000000000

ألو .. ألو ..

علكة سهام شو طيبة

ها ها ها طيب علكة سهام وين ؟؟
--
طبعاً الدعاية هيك صارت بعد الاختصار

ولا تعليق أكتر من هيك

عنجد بصراحة مهزلة
وحاجتنا ننظر عالفاضي وما حدا سئلان
يعني بدل منهتم بتطوير صناعاتنا ونكفتي عالأقل ذاتيا" لأ منتجه لتطوير صناعة العلكه وغيرها
وكلو كوم وعلكة الرجل العنكبوت كوم اي والله مسخره وشي ببهدل

أكيد الاعلانات عنا دون المستوى .. يعني يا جماعة والله شي غريب ومشبوه لما شركة علكة بتقدم

مدري كم سيارة أو كم مليون وبترعى فعاليات ثقافية ودري شو كمان .. يعني ليش عم يعومو السخافة لهالدرجة

معقول ما في رقابة ولا المنتج مسكت الكبير والزغير !

بكل العالم بيعتبرو الاعلان فلم سينما لدقيقتين الو شروطو وما بيطلع للشاشة الا بعد اختبارات نفسية وتقنية

الا عنا معيار نجاح الاعلان تفاهتو لإنو كمان بيعمل شهرة .. (شهرة سلبية )

نتعلم من الاسرائيلي .. معليش ما بيوفر فسحة اعلامية الا حتي يخدم وجودو حتى الاعلان ..

متل اعلان احدى شركات الخلوي من فترة يلي عملوه واستخدمو فيه جدار الفصل العنصري ..

طيب على شو بدنا نعمل دعاية

الحمد لله انو عنا علكة نعمل عليها دعاية

الحمد لله

ما في اسلحة ولا سيارات ولا طاقة بديلة نعمل عليها دعاية
عنا شقفة العلكة

الحمد لله
وبتعرفو شو خطر ببالي نعنمل علكة باسم المنتدى بلكي بينشهر اكتر