ثوروا على ابائكم.........

وصية أدونيس الخالدة للأجيال
ثوروا على ابائكم

كل امرأة عليها القيام بثورتها الداخلية
الخاصة

ثورة لا تتضمن مظاهر الثورة الحقيقية كالسلاح و القتل و الدماء ثورة فكرية و حضارية
تمرد على كل المسلمات و العادات

التقدم مستمر و الحياة تتطلب تجديد و سمو فكري و رقي
يجب ان نفتح جسورا مستمرة للحوار بين الاجيال نكون فيها ابناء جيلنا رواد حقيقيين
هل نحن كجيل جديد بحاجة لثورتنا الخاصة ؟

بتمنى شوف أراء الشباب و الصبايا كيف بيفهموا الثورة؟
هل هي ضرورة ملحة ام ان الوضع يحتمل التأجيل ؟

بعتقد انو جيلنا حاليا عم يعيش ثورة فكرية رائدة وانفتاح بكافة المستويات بالاحرى المفروض انو تعتمد حياتنا على التجديد والتطور والثورة على كل شي روتيني ويمكن مهم انو يكون عند كل انسان ثورة داخلية وينطلق من نفسه ويوصل هالشي لكل المجتمع اما حوارنا مع الاجيال السابقة فانا بعتقد انو لكل جيل خصوصية وافكار ومعتقدات بعيدة كل البعد عن الجيل اللي بيسبقه فيما عدا الاخلاق والشرف فهي شغلات يمكن ممتدة عبر التاريخ يمكن يفيدنا الجيل اللي قبلنا من خلال الخبرة والتجارب لكن يمكن يحاول يقزم ثورتنا باعتبار انو كل جيل بفضل حالو ع الجيل اللي بعدو وبكل الاحوال انا ما افكر ولا بظن انو راح يفيد حوارنا مع جيل النكسة والنكبة ويمكن اولادنا بعدين ما يشوفو اهمية لللحوار معنا باعتبار انو كنا نحنا جيل الخيبة الجيل اللي يمكن استمر وراح يستمر بمشاهدة القتل والارهاب بفلسطين وبغيرها وفعد مكتوف الايدي يمكن الموضوع نسبي ويمكن انا اطلت بتعليقي بس لان يمكن فعلا هالموضوع كتير مهم وانا يمكن عندي نقمة عالجيل اللي قبل جيلنا لان بحس انو اي شي مرقنا او عم نمرق فيه هوي نتيجة للاخطاء التاريخية اللي عملها واللي عم يلاقيها صح من وجهة نظرو بشكرك زنوبيا مواضيعك دائما عم تكون مفيدة وقيمة

باعتقادي كل انسان لازم يتأقلم مع الزمن يلي عم نعيشو
ونحنا بزمن بيختلف عن زمن أبائنا وأجدادنا وباعتقادي التقاليد يلي كانو يعيشو عليا صعب تطبيقها بهالوقت
من حيث التحرر الفكري والثقافي واعطاء الرأي والحرية في شخصيتا التي كانت مفقودة ومحرمة علينا وخصوصا الفتاة يلي انظلمت كتير
بس هالشي كمان ما بيعني انو التقاليد جمعيها غلط
وباعتقادي نحن كجيل جديد يجب أن نثور على العادات بهدف التغيير وليش بهدف الاحاطة بها
لانو اذا بنلاحظ وخصوصا عند الشباب والصبايا أحيانا عاداتنا السابقة المفهومة بشكل خاطى قد تؤدي بنا الى الضغط والهاوية والانجراف نحو الغلط بطبيعة تأثيرها علينا ولهيك يجب ان نخرج عن هذه العادات المفهومة بشكل خاطأ
لكن مع المحافظة على بعض العادات الهامة كالشرف والقيم والاخلاق


بعتقد يا زنوبيا انو ما عطيت الموضوع حقو لانو بحاجة لنقاش كتير
وهالموضوع كتير معم وبشكرك عمواضيعك الرائعة والمفيدة لنا
شكرا زنوبيا

عفوا من الجميع ولكن لماذا تتمسكون بكلمة ثورة

شخص ما قالها والباقي ما صدقوا انو قالها تيتمسكوا فيها وكانهم فاهمينها تمام وهاضمينها

طيب لماذا ادونيس هذا لم يثر على اهله ولم يغير في عاداتهم واو ينشى عادات قيمة نتبعها اذا ناسبت اهوائنا ... لانو مغزى الحديث كلو انو بدنا شي على كيفنا وبس

طيب ادونيس وغير ممن يدعون الى هذا التغير الثوري الكبير و يا لطيف الطف كيف عاشو وكيف تزوجوا وكيف ربوا اولادون

ولا ناويين تصيروا متل اغلبية الغرب وتحرروا اولادكون وتعلمون على الحضارة و الافكار الثورية و بدكون اياهون ينسوا الافكار البالية القديمة

احب ان اقول لكم شيئا بعد عشر سنين ستصبحون انتم انفسكم افكار و شخصيات بالية تجاه اولادكون فما رايكون بتصرفاتهم التي جائت بناء على رغباتكم التحررية ............ اه ........ عفوا الثورية
واقول لكم ان الاجيال الماضية هي من صنع عزتكم ورفع اسمكم فمكافاتهم ان نسميهم افكار بالية وتعاليمهم وعاداتهم وقيمهم منقول انو اغلبها بالي و قديم ولا يتماشى مع روح العصر

صحيح صار في خرق لبعض العادات و التقاليد و القيم ولكن ذلك كان من اجلكم يا جيل الثورة المبدع
ومع ذلك الامر مو عاجبكون

وبحب ضيف انو لا تنغروا بالمظاهر كتير و انظروا للامر من وجهة نظر واقعية
طيب يلي ميورد هالافكار و التعاليم يلي جيل الشباب ميحفظ منها كلمتين و ميبروظ حالو فيون شو عمل هو بافكاروا و عاداتو ..... ......... يا ترى غيرها

اذا اكبر مورد للافكار في تاريخ البشرية و على امتدادها الاسرائيليين الان
و يدعمهم الامريكان سواء اعلاميا او غير ذلك وانتو عارفين ومع ذلك بتتخبو من الضعف ورا اسماء لامعة تتنبى هكذا اقوال
طيب يا ترى غيرت اسرائيل من قيمها و عاداتها
رغم انها نادت بالتغير و دفعت اموال طائلة لهلشي والكتاب حاليا ومن قبل ما هم سوى اداة في يد السلطة بالنهاية ولكل سعره و مهمته

طيب تجار المخدرات و الدخان بيحذروا من المضار و الاثار
و ميبيعو المنتج طيب ليش ؟؟؟؟؟؟
طيب ليش مروجي المخدرات الكبار لا يتعاطون المخدرات

لا تقولولي اني شردت عن الموضوع لانو هاد فكرة مبسطة عن يلي ميصير في جيل الشباب وافكاره
وهذا ما يجعلهم ضائعين غير منتجين
وللولا ذلك لكان قارون وصل الى السماء