الانتماء الحزبي .. للنقاش

الأحزاب ..

الانتماء الحزبي في العالم العربي ..

هل هو وسيلة في سبيل المبادئ .. أم مطية للوصول الى أهداف قد تكون طائفية أو مناطقية ..

ما هو سبب قصور مفهوم التحزب لدى المواطن العربي ..؟

بمعنى : اذا سألت شي مواطن الانتساب اشي حزب .. بجاوبك : وهادا شو بيطلعلنا منو !!!

ليش صار الحزب مصلحة بعد ما كان وسيلة توصل قناعاتنا وهالشي بستلزم التضحية أحياناً

الاحزاب العائلية أو الدينية هل بتعتبرا أحزاب بالمفهوم التنظيمي أم غطاء لحكم الشخص الواحد أو الاسرة الواحدة ..

الاحزاب بالوطن العربي الا عدة اشكال طائفية دينية او بتحمل افكار تقدمية و اشتراكية
بس هيي بالاصل مرورث سياسي
اي حزب بيحمل مبادئ حتما سامية و انوضعت لنوصل لمجتمع افضل
لكن الرؤوس عنا هي لمستلمة الاحزاب و بالتالي عم تتسيس و
عم تنجر ورا مصالح فردية
قصور المفهوم الحزبي سببو انو الاحزاب عنا بايدي السلطات مو بايدي الشعب
و التجربة الوحيدة للتعددية الحزبية لكان ممكن تنجح هي تجربة لبنان في تعددية في افكار و في تيارات مختلفة لكن وللاسف خضعت للاعتبارات الدينية و الطائفية
و تحولت لمصالح فردية
الاوروبي لمرتاح ببلدو و شبعان ديمقراطية رح يختار انتماؤو على اساس تواف افكار حزب مع تفكيرو
بس عنا الكل بدو وسيلة ليعيش لياكل ليستمر
لهيك الحزب وسيلة مشكور عالموضوع

بصراحة موضوع الأحزاب والتعددية الحزبية بدو وقت ودراسة
اذا اجينا لسوريا مابدنا نقيس حالنا ع دول أخرى كون سوريا وضع خاص
فأحزاب طائفية مابتوقع الشعب يسمح فيا وخاصة بعد ماشفنا هالاتحاد بين كل طوائف الشعب ع كافة أنواعها
حسب وجهة نظري ومو حسب خبرتي كوني ما اتعمقت بسياسة الأحزاب ف بشوف انو نحنا بحاجة لحزب فتي حزب شبابي يكون بقيادة حكيمة وتطلعاتو تخدم الفئة الكبيرة يلي هي الشباب طبعا رح نشوف أحزاب تانية بس نحنا بدنا حزب الطليعة يمثلنا بالمختصر مابدنا نضيع الطاسة
ومابدنا نوصل لمرحلة أخ واختو كل واحد بحزب شكل
لذلك برأي هون دور القيادة بطرح فكرة حزب جديد متجدد قادر ع خدمة تطلعات أكبر فئة

على اعتبار ان قانون الأحزاب سيصدر قريبا احب ان اقول اذكر بان عام 1943 كان نقطة التحول الحاسمة في التاريخ السياسي لسوريا الحبيبة ورغم الظروف التاريخية المحلية والعربية والدولية الدقيقة والصعبة ظهرت حركة البعث وطرحت شعارها امة عربية واحدة ذات رسالة خالدة لقد كان ظهورها نتيجة مواجهة صادقة وصريحة لهذه الظروف كلها لقد استمدت من تجربة النضال الوطني منطلقها الجماهيري السعبي ومن متابعه التراث العالمي منطلقها الاشتراكي ومن حركة الاستقلال العربي منطلقها القومي لقد كشف حزب البعث العربي الاشتراكي جميع القوى المعادية لتحرر الجماهير العربية ولوحدة كيانها القومي
طبعاً لانستطيع الحديث عن انجازات حزب البعث في كافة المجالات لانها كبيرة جداً ويكفي لنا وللحزب فخرنا أن هذا الحزب كان امينه العام القائد الخالد حافظ الاسد الذي وضع دعائمه وطوره ليلبي باهدافه حاجة جميع الطبقات الكادحة من عمال وفلاحين وصغار كسبة وغير ذلك ليأتي بعده رئيس العرب الدكتور بشار الاسد ليرأس هذا الحزب وليتابع مسيرة التطوير
أيها الشباب انتبهوا من الأحزاب القادمة من خلال قانون تعدد الأحزاب لأن بعض الأحزاب القادمة قد تكون على اساس ديني أو طائفي أو مذهبي ولذلك لايوجد حزب يرعى الطبقات الكادحة والفقيرة سوى حزب البعث العربي الاشتراكي

الموضوع كبير كتير وما رح نقدر نكون قادرين على النقاش بكم كلمه بس انا بوافق الاخ عليشو لان الحزب دائما وابدا ومو بس حزب البعث اي حزب كما قال القائد الخالد الحزب مسؤليه وليس امتياز اذا تفعلت هذه المقوله ف بحزب اوبلا حزب على مستوى المواطن يجب ان يعرف واجباته قبل ان يعرف حقوقه هيك منكون كلنا اخدنا بلدنا همومنا مشاكلنا الى طريق الحل الحل السليم المنطقي اما تعدد الاحزاب ف هي خطوة كبيره وجباره لازملها نقاش طويل وعريض بس اهم شي انو الاحزاب تكون تعدديه شموليه تلبي هم وطلبات المواطن لا تكون طائفيه او عرقيه او او او المهم تمثل كل شرائح المجتمع وما تنسينا عروبتنا]سوريا بخير

أول شي 3/4 الشعب السوري بينتمي لحزب البعث يعني في عندك1/4 الشعب السوري هوي
يلي رح يشكل الأحزاب الجديدة يعني 5750000مواطن طيب اذا قمنا بالحساب التالي
5750000تقسيم 2000=2875حزب بسوريا

فيكون تتخيلو شو يعني هالرقم ؟؟ طيب هدول كيف بدن يفهم الشعب عليهن وكيف
الدولة بدها تتواصل مع هالرقم الهائل

هي صار اسمها فوضى ولسا المعارضين ميعترضوا على الرقم 2000 الوارد بقانون
الاحزاب اي شو بدهن يصير بسوريا شي مليون حزب !!!!

طيب ما حدا خطر ببالو ليش هالهجوم الدولي على حزب البعث !!؟؟

لأنو الحزب الوحيد بالعالم يلي ذكر الماسونية ووقف ضدها


طيب مين وحد الشعب السوري مو حزب البعث

المدارس والجامعات المجانية

المشافي المجانية

دعم الخبز والوقود والرز والسكر

المصانع يلي انبنت بسوريا لتحقيق الاكتفاء
الذاتي رغم كل الضغوطات والحصار الاقتصادي

القوة العسكرية السورية

الكرامة يلي بيتمتع فيها المواطن السوري ووين ما راح بيفتخر انو سوري
لأنو
الوحيد يلي واقف ضد إسرائيل وضد الاستعمار بكافة أنواعه

حرب تشرين التحريرية رغم خيانة العربان

وكل المنجزات يلي إذا بدنا نعدها بدنا صفحات .. هادا كلو مو
بفضل القيادة الحكيمة للقائد الخالد حافظ الأسد ومن بعدو الدكتور بشار حافظ الأسد
وبفضل حزب البعث العربي الإشتراكي وأحزاب الجبهة الوطنية التقدمية

ورح اذكر مثال عنا بصافيتا من شي سنتين صارت
أمطار غزيرة تسببت بانهيار أحد منازل الضيعة وبالاجتماع الحزبي بصافيتا تم
طرح الموضوع ومباشرة تم التبرع من المواطنين للتعويض لصاحب البيت يلي صفى بالشارع
هوي وعيلتو

طيب ليش نحنا كشباب ما منشتغل كمنظمات شبابية
ضمن إطار حزب البعث العربي الإشتراكي

مو أحسن ما نعمل حزب جديد ونبلش من الصفر


حزب البعث العربي الإشتراكي حزب رائع من
حيث الأهداف والمضمون لكن لازم يكون في ناس تشتغل من قلب ورب على أرض الواقع


وسيادة الرئيس الدكتور بشار الأسد ما في لحالو
يبني سوريا الحديثة إذا ما ساعدناه كمواطنين وكشباب من خلال حزب البعث العربي
الإشتراكي.