هل تعني للشاب كما للفتاة؟؟

بهالأيام صارت ليالي الزفاف والأعراس للفشخرة والاعتناء بالمظاهر والقشور ...
بالنسبة إلي ما بتهمني هالليلة بالمعنى الاجتماعي السائد حالياً
وحتى بكره أحضر أعراس مشان هالموضوع

يعني بتلاقي كل الناس عم تراقب بعضها هاد شو اكل وهي شو لابسة ....الخ

حالياً ما بتعنيلي أكتر من إعلان زواج .

أنا كفتاة أكره حفلات الزفاف والأعراس وأكره أن أصبح يوما ما عروس لأنو الكذب يلي عم شوفو من شباب هالأيام خلاني اكره كون تابعة لرجل لأنو أحسن رجل في العالم لايؤتمن...هيدا رأيي ياأبو محمد

يعني للشاب اقل مما يعني للفتاة
هيك رايي

بالعرس في عنا طرفين : العريس والعروس بطرف والناس الحضرانة بطرف تاني ..

العرسان فكرن ببعضن وبمراسم هالليلة العظيمة يلي بلشت بالعرس

بينما الناس الحضرانة بالعرس بالنسبة الها مناسبة اجتماعية ومكان للظهور بأناقة مثلاً وهاد الشي مباح وطبيعي

خلينا نقول ليلة من ليالي العمر .. أما شو بتعني للعريس او للعروس فالأمر خاضع لقوة الارتباط بين التنين

مشكور أبو محمد عقبال ما يجي محمد ونفرح فيه !!

المشكلة انو العرس بطل ليلة العروس او العريس
اغلب المعازيم معارف الاهل وممكن العروسين ما يعرفو نصون
بعدين مسخرة لم المصاري او ما يسمى بالنقطة كتير عادة بشعة
بس بتضل ليلة حلوة و اي بنت بتحلم فيا
انا بالنسبة الي بدي اعمل عرسي الضهر بالطبيعة بمكان كتير حلو و بحبو و بيعنيلي كتير
و بدي حاول ما يكون في الا الناس لفعلا بحبون يحضرو
مشكووووووووور

انا مني وعليي روح قلبي الاعراس
بغض النظر عن بعض المظاهر السلبية احيانا
------
اما بالنسبة لعرسي غهو رح يكون اكبر واهم مناسبة
عندها رح يتحقق توقيعي
-----
ع قبال الجميع وع قبالك ابو محمد

ليش ه العريس المعتر اللي عزم ه العالم من وين بدو يدفع الحساب بلا نقطة...
قال بدون نقطة قال..