السلام مع اسرائيل .........مع او ضد

متى كانت اسرائيل دولة لكي نعمل معها سلام
اسرائيل مجرد جسم غريب في قلب الوطن العربي وسيزول قريبا شاؤوا أم أبوا

ان مجتمع من نعاج حري بهم ان يقادو من ذئاب

جان روسو

قصدك سلام اسرائيل وفللسطين ولا سلام اسرائيل وسوريا

اذا فلسطين واسرائيل : فياريت يصير في دولتين لانو اذا صارت دوله وحده فرح تكون اسرائيل

المقاومه هي الطريق والسبيل الوحيد

ان اكثر ما يصيبني بالذعر هو الحديث عن سلام الشجعان

اسرائيل دوله لا يا سيدي ودوله اكتر من غيرها

نص المنتدى سنه رابعه و كلكن بدكن الجامعه تمطلها شي الف سنه لقدام لحتى ما تخدمو عسكريه
الا اللي ناوي يهرب
لهيك اكيد رح نحرر الجولان وفلسطين بجهودكن وجهودي
كاسكن ... عاشوا

ردا على كلام مستشار
ولك اسرائيل عمرها ما كانت ولا عمرها رح تكون دولة طالما
يوجد إيمان عند بعض العرب
أمثال السيد الرئيس بشار الأسد وسماحة السيد حسن نصر الله
ولا أنسى الرئيس الإيراني الذي
أكد أن إسرائيل ستزول عن الوجود في يوم ما

نحنا من وقت اللي كنا صغار وحتى الآن نعرف أن إسرائيل ليست دولة ليش عم تعدها دولة هادا اللي مجنني

أما بالنسبة لشغلة العسكرية
الواحد بدو يخدم عسكرية إن كان في حرب أو لا بعدين ما عاد اسمها عسكرية كل مدة عم تنقص
العسكرية كانت أيام زمان

يا عرررررررررررررررررررررررررررررررررررررررب
حلكن تفهموا انو صراعنا مع اسرائيل
مو صراع حدود هو صراع وجود
وبسلامة فهمكن

كل موضوع بينطرح الو هدف بس ممكن اعرف شو هدفك من طرح هاد الموضوع

اسرائيل مانا دولة لا بالمعنى السياسي ولا بأية معنى
والحق بدو يرجع لصاحبو مهما طال الزمن
الحق يعلو ولا يعلى عليه
نقطة انتهى

أبو الريم كتب:اسرائيل مانا دولة لا بالمعنى السياسي ولا بأية معنى
والحق بدو يرجع لصاحبو مهما طال الزمن
الحق يعلو ولا يعلى عليه
نقطة انتهى

صديقي العزيز مازلت تجيب على الموضوع بعاطفة مفرطة

أما عن ما كتبته فقد كان كل ماقصدته هو مقولة:اعرف عدوك
ونقطة انتهى

مشكورين كتير شباب عمروركن
انا بشوف انو اسرائيل دولة وجدت شئنا ام ابينا
بس متل ما قال يامن الصراع مع اسرائيل صراع وجود بالفعل الاسرائيلي كانسان لا يمكن يعطي الفلسطيني سلام و يقبل انو يزيل نفسو ويلغي وجودو ما في مجال للاستمرار او التعايش معو كانسان اما نحنا او هوي هوي عم يحاول يلغينا و نحنا عم نحاول نلغيه
بس المشكلة بالمقاومة
انو نعمل حرب مع اسرائيل و نتفوق عليا عسكريا و نخسر ضحايا و شهداء فهادا شي مو وارد حاليا
بس المقاومة حل وحيد و ممكن تاخد اشكال تانية مقاومة فكرية اعلامية ثقافية
مقاومة الفلسطيني الاهم اليوم يدافع عن هويتو عن وجودو ثقافو تراثتو و اهم شي اللغة انتو بتعرفو انو اسرائيل اخدت اصناف فواكه و خضراورات فلسطينية و نسبتا الا و في مصانع اسرائيلية عم تنتج السلك الفلسطيني ملون و تبيعو عم يسرقو تراث و رموز
الاسرائيلي متل ما عبر عن محمود درويش ظل الفلسطيني
ما في مجال يتوحد الظل مع صاحبو رح يضل حدا سابق التاني
هو انسان و انا كذلك هو خائف و انا كذلك

على أي مبدأ تعتبرون أن إسرائيل دولة
إذا الأرض ليست أرضها
فلماذا تعتبرون إسرئيل دولة مع أنه أغلبية سكان الوطن العربي لا يعتبرها دولة
يعني إذا اعترفت الأمم المتحدة بإسرائيل
كدولة لازم نعترف فيها نحن العرب
ما إسرائيل وأمريكا عم يمشو الأمم المتحدة ع كيفون

كتبت ساريما انو الاسرائيلي مو مستعد يلغي حالو منشان السلام وهاد الشي مهم وصحيح وأنا حابب اتوسع بالفكرة:

سئل اسحق شامير رئيس وزارة الصهاينة ع أيام مؤتمر مدريد هل انتو مع السلام الشامل ؟

جاوب ببساطة( لن نذهب بإسرائيل الى الجحيم ! لكي نطبع العلاقات مع العرب, السلام يدمر دولتنا !!)

شو يعني سلام عادل وشامل ؟ يعني سلام ع أساس قرارات مجلس الأمن شو هي ؟

(242 ,338) تنص انسحاب اسرائيل حتى حدود 4 حزيران يعني تخلي اسرائيل عن أكتر من نصف معاملها الاستراتيجية والعسكرية

وبنى تحتية وغيرا.. وشي مليون راس بني ادم اللي ساكنين بهالمغتصبات

كمان القرار 194 اللي بيعطي 5مليون فلسطيني بالشتات الحق بالعودة لفلسطين التاريخية

الشي اللي بيخلق كارثة ديموغرافية سكانية تسحق اسرائيل

لن تنتحر اسرائيل .. وانما الحل بنحرها



أنا برأيي خطورة اسرائيل هي بكونا حلم وقدوة لكل الأقليات الدينية أو القومية عربياً وعالمياً الطامحة للاستقلال عن بلدا الام

وخلق نوع من الجزر المغلقة داخل مجتمعاتا وأكبر دليل الانعزالية المسيحية اللبنانية ع أيام الحرب بقيادة بشير الجميل الي تحالفت مع اسرائيل


مشكورة ع الموضوع الغني

السلام مع اسرائيل من سابع المستحيلات
مع كيان بيعتبر حالو انو هوي كلشي
وانا بتمنى ما تسموها دولة اسرائيل
سموها الكيان الصهيوني وبس
سلام أي سلام مع كيان ما بيفرق بين الطفل والشب وبين المرأة وكبار السن
وحتى ما بيفرق بين الحيوان وحتى الحجارة
أي سلام مع كيان ما بيعرف غير لغة القتل والنار والسلاح
أبدا ما بيشرفنا أنو يصير سلام مع هيك كيان.............

كيف يمكن أن نعمل سلام مع عدو نهب خيراتنا وأراضينا وذبح الأطفال والنساء
وسلب النور من عيون الصغار واضطهد حرية الرأي وخياره الوحيد هو القتل
كييييف!!!؟

جاد انا بشكرك كتير عمشاركتك الغنية و توسعك بالفكرة لطرحتا
بالنسبة لكلامك عن حلم الاقليات الدينية كتير مهم و مع انو ما حدا علق عليه بس الفكرة موجودة ببال كتير اشخاص رؤوساء احزاب و تكتلات بسوريا و بلبنان و بالعراق

محمد عفارة انا بشكرك على ردك انتا طرحت فكرة انو المقاومة بتتطلب الحرية و المقاوم وين ما كان لازم يكون حر و مؤمن بقضيتو غير محصور بدولة او تنظيم دولي
لكن في الي ماخذ على كلمة النصر الالهي طبعا اسرائيل انهزمت بحرب تموز لكن بنظرة بسيطة لواقع لبنان بعد الحرب
و الاغتيالات و الانقسام لصار ممكن ننظرلا كنتيجة ترتبت عالحرب الاخيرة و غاية وصلتلا اسرائيل بعد الحرب
الكميت شكرا لمرورك طبعا نحنا ما بيشرفنا سلام مع هيك دولة لكن ما بتتفق معي انو السياسة ابعد من موضوع التشريفات و لما اسرائيل او الكيان الصهيوني متل ما بتحب تسميه واقع فهل السلام معو ممكن يكفينا شرو و همجيتو

كمان ابو الريم مشكور عمرورك كلامك انا معو بالمية مية بس هيدا للاسف كلام عاطفي و نحنا كشارع عربي مننجر بعواطفنا من دون الانتباه للواقع و المعطيات

نحنا كعرب ما لازم نسمح لعواطفنا بالتغلب علينا والتحكم بنا ولازم نضل مفتحين عيوننا
وما لازم نخضع للأمر الواقع