مشكلة كل الطلاب المقيمين بعيدا عن طرطوس

في كل سنة في بعض الطلاب ويمكن نسبة كبيرة منن بعانو من مشكلة السكن وتدبير بيت (وأنا كنت واحد منن
بس عندي اقتراح مشان نحل هالمشكلة
ليش ما منحط قسم بالمنتدى وبهالقسم منجمع كل طالب بدو يستأجر طبعا بعد ما نحط اعلان بها الشي وبهيك كل الطلاب اللي بدن يستأجرو بيوت بلاقو بعضن وبيسكنو وبيرتاحو
شكرا

والله فكرة منيحة
بس استعجلو قبل ما تبلش الامتحانات
شكرا الك عطر القلوب

فكرة كتير حلوة
بس يا ريتك حكيت الفكرة من زمان لأنو يلي دبر دبر وما رح ينطر لهلق
بس انشالله منستفاد منا بالسنوات الجاية
شكرا عطر القلوب عالفكرة

مشكور عطر على هل موضوع

مشكور على هالفكرة يازميل
المشكلة كبيرة كتير
الحل حلو بس متأخر كتير
لازم الكلية تستأجر مبنى كامل وتأجره للطلاب هيك أحسن وأوفر
هاد اعتبره اقتراح

أنا بعرف انو الفكرة متأخرة
بس أنا حطيتا تحسبا لاي جديد
أو للسنوات الجاي

مشكورين

بالفعل مشكلة كبيرة
بس اقتراح عبد الرحمن كتير حلو وانشالله تلاقو اللي
يسمع صوتكن
يــــــــــــــــــــــــــــــــــــــــــاريت

فكرة حلوة بس الاحلى المباشرة بتطبيقا طبعا أنا راحت علي بس نسالة السنة بخلص من الجامعة

حلو كتيير
بس في فكرة احلى شو رايكم كل شب بدو يستاجر يكتب كتابو على احدى البنات يلي بدها تستاجر وهيك بنكون ضربنا 3 عصافير بحجر واحد
1 حل لمشكلة الزواج والمعاناة العاطفية
2 بيت للسكن
3 هيك بترتفع معدلات كلا الطرفين بالجامعة

.
.
.
.
ماحدا يصدق ويعملا لانوهيك بصير فيه
وبعدين
وبعدين

مشكور عطر بس ليك بلا مزح الموضوع والفكرة حلوين وخصوصا بطرطوس لنو فعلا في مشكلة بايجاد شقة للاجار
علاء عباس صافيتا اوبين

كنت مفكرك بنت
بس بما انك شب
مارح رد
مشكوووووووووور

مشكورين شباب على الموضوع والردود ومنتمنى كانت الفكرة قبل بوقت
وانشاالله بداية العام القادم منوجد حل عبر المنتدى

شكرا شباب على مروركن
ويا أخ مشكلجي وفر ردك لحالك
لأنو هاد الرد بدل على ذوقك وفكرك اللي كتييييييييييييييير أنا معجب فيه
وفهمك كفاية