انت مدعو لاستجواب احد الاعضاء ....!!

صعبتوا الأسئلة هالمرة يا شباب بس مش مشكلة ..

سؤال الكميت :

سمعت انك بحالة عاطفية جديدة وسؤالي هوي كيف كانت مشاعرك قبل وبعد الحالة
وكيف تجرأت تحكي البنت يلي حبيت تحكي معا مع اني بعرفك خجول

الجواب :
بصراحة ما عرفت عن أي حالة تحديداً عم تحكي ... لأنو كان وما زال في كزا حالة
بس بما أنك سمعت رح جاوبت عن اللي سمعت عنها ،
اللي خلاني أتجرأ وأحكي بشل أساسي هو أولاً طبيعة هالبنت متفهمة وهادئة ، وثانياً هو مشكلة صارت بخصوصها ... متل لما حدا بدو ياخد أي شي بتحبو .. فأنت تلقائياً رح تدافع عنو بأي طريقة .
بالنسبة للمشاعر متل ما قلتلك دائماً فائض من الحب ...

- على فكرة هلكتني بهالسؤال

-----
سؤال الجوكر :

سميلي أكتر 3 أشخاص بتحب مشاركاتون بالمنتدى بدون تحيز

الجواب :
بس بدون زعل
كريم الشيخ - مطر - علي ابورز

مع أنو في كتير لسا بس هدول اللي خاطرين على بالي .

-------

سؤال أليشو :
بعرفك جربت كذا شغلة التسويق
الإعلان
الأعمال الحرة
وهلق النت
وما ننسى انت مصرفجي بتسوى مية
وين بتشوف حالك
وشو راسم لمستقبلك
وليش ناوي السفر

الجواب :

بعد كل التجارب السابقة أكتر شي بشوف حالي بالتسويق
يعني بحس حالي مبدع بهالشغلة فالخطة المستقبلية أني كون مثلاً مسؤول تسويق أو مبيعات
وإذا ما مشي الحال كمان شغلة التصميم الإعلاني بحبها graphic designer

ناوي السفر لأنو متل ما بتعرف هون كلو بدو خبرة .. ونحنا كمتخرجين جدد لسا خبرتنا ضعيفة لذلك منسافر ومنجيب خبرة ..

----

شكراً عالأسئلة جميعاً .. وبيكفي خلص هلكتوني

بختار حالياً
الكميت
ليجلس على كرسي الاعتراف

الكميت
عندي مبدئياً هالسؤال :

بتعتقد أنك رح تكفي الطريق انت وحبيبتك سوا لنهاية العمر ؟؟

يلا الكميت سؤال تاني :

في شي عملتوا بماضيك وبتخجل فيه ؟؟ وإذا كان الجواب اي شو هو ؟؟

صحي شو مشان ؟؟
لسا ما خلصنا اسئلة

الكميت :

لو رجع فيك الزمن خمس سنين لورا شو كنت عملت ؟؟

allii

سؤالي الأول الك :

بكم علاقة حب مريت حتى الآن ؟؟؟ وشو رايك بالقول : وما الحب إلا للحبيب الأول ؟