انت مدعو لاستجواب احد الاعضاء ....!!

allii كتب:

تربية معلم صف

نعم نعم انا هوووووووووووووون


جاهزة ؟

اوف كورس يس ...يعني طبعا اي


1- شو بتعنيلك الجرأة عند المرأة وهيي ميزة للبنت او لأ
بصراحة حسب نوع الجرأة .....يعني انا مع الجراة ضمن حدود الأدب ..أنا مع الجراة المذوقة بس الجراة التي تصل لحد الوقاحة فهيي شيئ معيب وليس ميزة



2- طموحك الو حدود ضمن مجتمعنا الحالي او لأ , بيقدر الارتباط يحد من طموحك
للأسف طموحي الو حدود كبيرة كمان ....

طبعا الارتباط بالنسبة الي شيء مقدس ....وهو ممكن يحد من طموحي بعدين اكيد مو بمراحله الأولى مابتوقع......يمكن طموحي عبارة عن أفكار وتجسيدها ع أرض الواقع رح يتوقف ع الشخص اللي رح يملك حياتي ..هل سيكون متفهم ويساعدني ؟؟؟أم أنه سيعتبرها مجرد أفكار لاحاجة لتصبح واقعا ؟؟ مابعرف

بس الارتباط رح يكون بالمرتبة الأولى اكيد وبعد الارتباط ماتبقى من أحلام اما بتحقق أو لا .....



3- فور جامعة بالنسبة الك ,, عرفك ع اصدقاء حقيقيين
أكيد اي ...فور جامعة كان بالنسبة الي نقلة نوعية أدخلني قصص وتجارب بحياتي ماتوقعت ادخل فيها

نعم فور جامعة عرفني على اصدقاء حقيقين أثروا فيني كتير بس لسا ماتعرفت عليهم شخصي .....قريبا انشالله .... ..



4-شو مفهوم الحب بنظرك , من الضرورة وجود الحب بحياتنا او لأ
الحب .....ان اكون هو وأن يكون انا .....

الحب عالم بخليك تشوف كل شي بالحياة حلو حتى انك بتنسى حالك احيانا ..

5-جمل بتحبي تقوليها لحبيبك من هالمنبر الاعترافي - ان وجد -
ههههههه ع فكرة يمكن هاد أحلى سؤال :



جمل اوك

كذبك حلو ...بس الحمدلله ماضليت كذبة بحياتك .....قوية ما ؟

نفاق ؟؟؟؟؟؟؟!!!!!! ع فكرة انت أخر حدا بيحقلو يحكي عن النفاق .....كمان قوية بعرف

حب ؟؟؟؟!!!!!! حياة ؟؟؟؟؟؟؟؟!!!!!!!!! مابتوقع بقاموسك فيك شي غير بالكذب هههه

دخيل رب العالمين ......مافي أحلى من هيك



6-شهادة البنت بمجتمعنا بتخليها تمتاز ع الرجل او مازال الرجل غير المثقف قادر على احراج المرأة


هلق انا مافهمت السؤال والمقصود تماما بس أنا برأيي أكيد شهادة المراة تجعلها تمتاز على الرجل غير المثقف ..طبعا بس لكل قاعدة شواذ

يعني في شباب غير مثقفين وهم أكثر قدرة على فهم الأمور والمناقشة والحوار من أناس كثر مثقفين ومتعلمين

7- ممكن يتم الاتفاق بين شب ثقافتو اقل من بنت وهالشي صحيح .. ممكن تقبلي فيه او لأ
لأ

8-مع الغربة من اجل العلم او لأ او من أجل العمل


مع الغربة من أجل العلم والعمل ..لانو الاتنين مهمين واأساسين بالحياة والاتنين فيهم اثبات



للذات وخروج من القوقعة المحيطة التي يفرضها أهلك وأقرباؤك واذا كانت الغربة خارج سوريا بتخرج من تقوقع محيطك ومجتمعك بس اكيد مابتخرج عن اصلك وتربيتك



9-اكتر محافظة بتحبيها
ولو ياعلي بدها سؤال أكيد الحلوة طرطوس ............والشام النا فيها ذكريات حلوة



10-ميالة اكتر للهدوء او للصخب
للهدوء

وشكرا الك تربية معلم صف

lady moon كتب:
ايوااااا يا تربية

اي اي ليدي انا شايفة ولو هالزمان دولاب :


- حدث مهم كتير أحسست بأنه غير مجرى حياتك ..
دخولي الماجستير وغربتي عن أهلي

- شخصيتك الحالية وليدة شو ؟؟
أكيد وليدة تجارب ومشاكل وأحلام وأفكار عشتها وتعايشت مع بعضها ..وليدة دراسة وكتب .وليدة حياة عمرها23 سنة



- في حال تعرضت للظلم من قبل ناس رافعين راية المحبة نحوك ، كيف تتصرفين ؟؟


بستعين بالناس اللي رافعين راية المحبة نحوي وبحاول وضح موقفي تجاه ظالمي .....



- أهم شيء بيلفتك بالشاب عند أول لقاء .. و أهم شيء بيلفتك بالفتاة ..
الشب : حديثة ، طريقة حواره ، أخلاقه وتصرفاته

الفتاة : طريقة لباسها ....مع اني انا شخصيا لذاتي مابهتم بالموضوع بس بيلفتني هالشي بالبنات هاد اول شي وبعدين الأفكار .....

- من هي الأنثى ؟؟
والله مابعرف بالضبط شو بدي قلك براسي كتير افكار........بس حدا موجود بهالدني .

هي الأم وهي الأخت وهي الزوجة .....هي مصدر الحنان والمحبة ........هي حياة ووجود لايمكن أن تكتمل الإنسانية بدونها . ..



- الحب يأتي بعد الزواج : مع أو ضد ؟؟
بكل بساطة مع

- الزواج التقليدي : مع أو ضد ؟؟
مع طبعا حسب الحالة يعني اني مع الزواج التقليدي هذا لايعني أني أعارض الزواج العاطفي

- أن تتزوج الفتاة أو أن تكمل تعليمها : لأيهما الأولوية ؟؟
أكمال التعليم لأنو الزواج لاحقة عليه ......بس العلم ماكل وقت بتلحقو

- ليش اخترت فرع التربية ؟؟


بقلك سر وبصراحة ...زمو انا اخترته ....هو اختارني



- أكتر لون بيشبهك ؟؟


الأخضر لانو لون الاستمرارية وصفاء النفس تجاه الأخرين ههه

- وجهي نقد لكل حدن رح يستجوبك هون بالموضوع ..
بعتذر منك ليدي هاد السؤال مارح جاوب عليه ...... السبب بسيط حاولت لاقي نقد واحد الك ما لقيت .. لذلك انا اسفة



- تعارفك و قصة دخولك للفور جامعة ؟؟
هلق بصراحة انا بسمع بفور جامعة من أيام دراستي الجامعية بطرطوس ، كنت ادخل ع المنتدى كزائر دائما وشوف شو في شغلات واقرأ وكان في شغلات استفاد منها ....

السنة الماضية بشهر اب كنا فترة مراجعة لامتحان السنة الأولى ماجستير .

وموادنا متل مابتعرفي كلها حفظية وانا بطق من الحفظ وبكرهو .....

فكنت لاقي بالانترنت مجال للتسلية والترويح عن النفس وخاصة انو كنا بشهر رمضان كمان .....يعني صيام ودراسة وبس .......وبعدين صرنا انترنت ........

ضليت فترة فوت المنتدى كزائر .

بعدين سجلت وصرت عضو وتعارفت شوي شوي ع الأصدقاء عن طريق غرفة الدردشة بالمنتدى



- لو تم تعيينك يوم كامل بالإدارة شو أول شيء بتقومي فيه ؟؟
أعادة جميع الأعضاء الغائبين وإعادة الامتيازات لأصحابها .......



- برأيك كيف يكون الحب ؟؟ وأقصد هنا الحب الأحمر !
جاوبت عند علي حبقة ع هالسؤال بس رح قلك انو الحب أن يكون أنا وأن اكون هو شيء بيتملكلك بتحسي انكم انتو الاتنين واحد .......



- بكلمات قليلة : من هي تربية ؟؟ وشو أكتر شي بتحبيه وبتكرهيه بنفسك ؟؟
تربية ......حدا طموح كتير بحب الدراسة والتفوق بمجال العمل ....

بحبو بحالي ...طيبة قلبي

بكرهو بحالي : العصبية ، التفكير الزائد ، الخجل من الجنس الأخر



إذا خطر ببالي لسا شي برجع

ولك ع راسي أنا جاهزة لأسئلتك

........ولو كم عنا لليييدي

:-D

احمد ديوب كتب: أأأأأأأأأأأأأأأأم صديقتي تربية


هلااااااااااا بأحمد صديقي


انتي مستعدة عالأسئلة


نعم نعم بكل تأكيد
حتى أفتح المحضر ...(ههههه عم امزح

)

ولايهمك أبدا انا جاهزة للمحضر والاستجواب

بسم الله
وبالله المستعان


1-انتي عندك كل الجرأة تجاوبي عأسئلة الأعضاء مهما كان نوعا ؟؟


أكيد نعم وانشالله بكل صراحة




2-انتي عم تتعبي وتشتغلي ع هدف حاططي قدامك بهالحياة هل وصلتيلو وشو هوي؟
هلق حاليا هدفي صير دكتوراة بكلية التربية الثانية بطرطوس ....قبل كان عندي أهداف كتيرة بس ضاع أغلبها لما دخلت تربية
أكيد عم بشتغل عليه
وإذا طلب منك أعز شخص عندك تتخلي عنو عندك قدرة عهالشي ؟؟إذا لا كيف رح تواجهي الشخص؟

لا مارح اتخلى عن طموحي .........بشرحلو وجهة نظري وبفهم رؤيتو للموضوع وليش بدو ياني اتركو وبحاول اقنعو واذا مامشي الحال بتابع بموضوعي وهو اذا بيهمو أمري بيقدر موقفي.............
3- دار الزمن فيكي ورجع للوراء وهلق انتي ماسكي قلم وقدامك مفاضلة البكالوريا ؟؟وسؤالي شو الرغبة الي كنتي رح تحطيها بدل التربية ؟؟؟


هلق اذا سؤالك شو كنت بتمنى فأنا كنت اتمنى ادخل صيدلة او هندسة معلوماتية بس ماطلعلي

أما بالنسبة شو كان ممكن سجل غير تربية لو ماكان بالمفاضلة في شي اسمه تربية معلم صف بطرطوس فهو هندسة مدنية


4-انتي برأيك شو الفرق بين الحلم - و الأمنية - والهدف؟؟؟


الحلم والأمنية انا برأيي فينا نجمعهم بنفس المضمار .....هنن شي نتمنى تحقيقه قد يتحقق وقد لا

أما الهدف فهو مانسعى لتحقيقه ونبذل أقصى جهدنا لذلك


5-انتي حكيتي كلمة ما
عملتي مو قف ما

شو بتعملي اذا فهموكي الناس غلط؟؟وكيف بكون شعورك عندما يساء الظن بك من أقرب الناس الك ؟؟وكيف بتعالجي الموضوع؟؟





كتير بنزعج عندما يساء فهم موقفي وأبادر بسرعة للتوضيح وبضل قلقانة حتى يتصلح الوضع
6- حبيتي أسئلتي ؟؟وكيف لقيتيها؟ظ
كتير حلوة ...اي عجبتني
وخاصة تبع البكلوريا .....لانك حطيت ايدك ع جرحي بهالحياة ههه
انتهى صديقتي وعندي أسئلة كتير لسه

lady moon كتب:
و عطفآ على سؤال علي السابع خطر ببالي أيضآ هالسؤال :
ممكن يتم الارتباط و الزواج الناجح في حال كان المستوى التعليمي (وليس الثقافي) يلي واصلو الشاب أقل من الفتاة ؟؟
مثلآ الفتاة جامعية و الشاب ما دون ذلك ..

تربية معلم صف كتب:اي شو هالأسئلة الروعة صديقي احمد

ع فكرة هي أول مرة بقرأ أسئلة ورا بعض ومابجاوب عن ولا واحد .....

تعودت اقرا السؤال وجاوب وبعدين انتقل للسؤال التاني



يلا رح جهز متة وبلش الاجابة راجعتلكم ههههههههههههه

احمد ديوب كتب:شكرا صديقتي تربية
بعرف هلكتك بالكتابة تحملي غلاظتي


لا ولا يهمك

أي اكيد في




بس حاليا خاطر ببالي سؤالين
هل أنتي من الأشخاص الي بضحو كرمال الأخرين؟؟طيب بتنتظري مقابل ؟؟ولا حتى كلمة شكر؟؟

اي بس حسب التضحية ..........هلق اذا صار وضحيت اي بنتظر مقابل لو حتى كلمة شكر مشان حس اني عملت شي مهم
وتاني شي ؟؟لأي حد ممكن اضحي ؟؟؟في أمور من المستحيل اضحي فيها؟؟

تضحياتي بأمور بسيطة بس بالأمور المصيرية يمكن لأ
ومشكورة سلفا

احمد ديوب كتب:هههههه صديقتي تربية الظاهر انو ما بقا في حدا رح يستجوبك
إذا في حدا لسا بدو يسأل صديقتنا تربية شي يتفضل

واذا ما في حدا أنا رح اسألك آخر سؤال
مين رح تختاري العضو الي بعدك وتحطيه عكرسي الاستجواب