انت مدعو لاستجواب احد الاعضاء ....!!

تربية معلم صف كتب:

سؤال أخير كيف ترين المستقبل ؟
ورقة بيضاء على أجنحة من ياسمين



<strong>وكيف تنظرين إلى تربية من خلال مساهماتها، وماالصورة التي كونتيها عني
ودودة جريئة مثقفة
وأهم شي قرايبتو لأحمد علي
‏(بعدين مين قلك انو مو عاجبني أنك قرايتو مثلا‏!‏‏!‏‏!ههههه
< /strong>


ماهي الحياة بالنسبة لنور ؟
قصة قصيرة عنوانها كن مؤمنا بالقدر


إلك أجمل ياسمينة شامية ووردة جورية وزهرة دمشقية

مع محبتي واحترامي

nour12 كتب:زهرة الشمس كيفك
اهلا الحمد لله تمام
كوني انا المتهم السابق فرح استلمك بداية هههههه
الله يستر هههههههه
حاليا كم سؤال صغير وخفيف ولنا عودة ‏_‏
اهلا وسهلا
بأي لون بتكتبي كلمة
الماضي
اللون الابيض
الحاضر
اللون الرمادي بسبب الاوضاع
المستقبل
اللون الوردي
الوقت شو بيعنيلك كيف بتعبي أوقات فراغك؟

‏حاليا ما بحس كيف بيمرق بسرعة واوقات الفراغ على النت
واذا في عندي قصة حلوة بقرأها
كيف بتعبري ع حزنك وعن فرحك؟
يوم افرح بصير نط واضحك واخر شي ببكي
ويوم ازعل كمان بكتئب وبضل بغرفتي لحالي وببكي وبتضل احيانا ايام على هاد الموال
شو هواياتك؟
بحب السباحة والموسيقى
أي مهنة بترغبي بالمستقبل؟
انا بحب صير صيدلانية ومهندسة ديكور ومذيعة ما بعرف كل مرة بقترح وحدة
لي بتحبي طرطوس؟
لانو الي فيها ذكريات حلوة ومو حلوة كمان بس كتير بحبا وزادت محبتي الها يوم تعرفت عليكن
إذا كنت بهاللحظة واقفةع شط البحر شو بتقولي بينك وبين حالك
وأي كلمة بتكبي عالرمل؟
وين كنا ويين صرنا يا ريت يصير يلي ببالي
سورياااااااااااااااا
بمناسبة الفالنتان شو بيعنيلك الحب؟
والله بصراحة لسا ما جربتو بس انا بحب كل العالم المنيح وبعشق سوريا
زهرة الحياة حلوة ومرة
الأيام يلي عشتيها كيف بتنظريلهامن هالمبدأ؟
الحياة كتير حلوة يلي ما بيعيش المر ما بيعرف طعم الحلو
تحياتي زهرتنا
اهلا نور كل يوم تعي

تربية معلم صف كتب:

هاي زهرة
اهلا تربية

كيفك كيف درعا ؟؟
الحمد لله تمام
أنا حابة اسأألك مجموعة من الأسئلة : أسئلتي هي التالية
تفضلي يا ميت هلا

اهل تقضين الكثير من الوقت ع النت ؟
حاليا لا مو كتير

مالسبب الرئيسي لدخولك المنتدى والتواصل معه باستمرار؟ وماذا قدم لك ؟
دخلت المنتدى بالصدفة كتير شغلات
كيف ترين مستقبل سورية؟
مشرق كالشمس


أي المواد تفضلين دراستها ؟ وماهي ميولك الدراسية ؟
بحب الرياضيات والفيزياء والكيمياء والفرنسي
العلمي
ماذا تقدم لك المدرسة اليوم ؟
شي بسيط من العلم
كيف تنظرين إلى مدرسيك في المدرسة ؟
ما بعرف شو بدي قلك كل يوم عنا انسة شكل
بس اكيد بحترمهن

كيف ترين الجيل القادم
هل هو أهل لرفع مستوى سوريا وخاصة أمام االتحديات الكثيرة التي تنسيه قسما كبيرا من احساسه الوطنية وتزرع فيه احاسيس غريبة عن مجتمعنا ؟
انا بالنسبة الي اي بعتبرو اهل لرفع مستوى سوريا وخاصة بعد الازمة يلي مرت فيها سوريا



ماذا يعني لك : البحر ، الليل ، الورد الأحمر وهل تحبين قضاء وقت طويل على الشاطئ؟
البحر الصفاء والنقاء وطيبة القلب
الليل انا بخاف منو يوم كون لحالي (الغدر)
الورد الاحمر الغيرة والحب والدم
اي كتيررررررر
ماذا تعني لك : الأسرة ، الصداقة ، الأخوة ؟
الاسرة الامان
الصداقة والاخوة شي مقدس
أين تجد زهرة نفسها عندما تشعر بالملل ؟
اما بنام او بتفشش بالاكل او بتفرج على التلفزيون او بقرأ شي قصة واذا كان يوم جمعة بقرأ مرة تانية سورة الكهف بس
كيف ترين تربية ؟
البنت المحافظة الطموحة
حبابة مممممممممم هاد يلي استشفيتو من ردك على المواضيع
بس اكتشف شي جديد بقلك




مع أجمل الأمنيات بمستقبل مشرق

تسلمي واسف لاني طولت بالرد بس هي المرة التالتة يلي بجاوب على الاسئلة وما
بتطفي الكهربا
الحمد لله

allii كتب:زهرة الشمس :نعم
طموحك بالحياة شو ..
بما اني لسا بالمدرسة فطموحي ادخل الجامعة والفرع يلي بحبو واطلع برا درعا
انت مثالية او واقعية اكتر ؟
لا انا ابعد شي عن الواقع خيالية كتير يعني مو مثالية مثالية بس اقرب شوي
وشو اقرب الفصول لقلبك ؟
بصراحة ماني فضولية بس اكتر شي يوم حدا يحكي عني بحب اعرف


وشكرا سلف لاجاباتك يا زهرة
عفوا هلا

Hadi Abou Alshamat كتب:

زهرة

شو احلى ذكرى بحياتك كلها

؟؟

نسيم الأربعين كتب:

مرحبا زهرتناااااااااا كيفك
اهلاااااا تمام الحمد لله
أنا جهزتلك أسئلة ظريفة وانشالله تعجبك
كلشي منك حلو
ماهو حلمك في الحياة؟
أدرس المجال يلي بحبو وأزور كل العالم
أجمل سنوات مرت عليك؟
بس كان يجي بابا من السفر بالصيف
ما هي شخصيتك ( عصبية ، رومانسية ،....... )؟
انا هادية ورومنسية ودلوعة كتير هيك بيحكو عني
ماهي اجمل بلد زرتيها أو محافظة سورية اذا لم تسافري خارج سورية ؟
رحت على سعودية بس المنطقة يلي زرتا بتقرف كلها صحرا

زرت اللاذقية والشام وحمص وطرطوس ودرعا بما اني ساكنة فيها
احلى شي بجد طرطوس

من هم الأعضاء اللذين تودي مصادقتهم؟
ليدي مون
زهر الجلنار
بروكن وينغز
بروكن هيرت
ثريا
اية


من هو مثلك الاعلى ؟
اكيد بابا

من هم الأعضاء اللي تتمني تشوفيهم؟
كلن كلن بلش عدلك احمد علي وموسى وليدي ونور وكريم ونسيم يعني انت
والمدير ومحمد عفارة وعلي وميلادواحمد الفيصل ومسك وريحان وهادي وتربية وابو الشوق
وكلياتن


عضو لا تحبيه في المنتدى أو عندك حساسية منو ؟
ما في والله

دمـعـــه انـذرفــــت رغـمــاً عنـــك؟!؟
ممممم انا ما بحب ابكي قدام حدى يمكن مرة بكيت قدام رفقاتي

لنفرض غرق المنتدى ههههههه ومعك قارب وما بشيل الا ثلاثه من تاخذي معك بصراحة ؟
ههههههههههههه احمد علي موسى روح المحبة


اممم لمن تعطين هذا الكلام من الاعضاء

مانقدر نستغني عنك /

مايسوى المنتدى بدونك /

لك فقققده /

دووم متميز/ه/

الله يعاافيك/

ماذا أضاف المنتدى بالنسبة لك ؟ .
عرفني على ناس كتير حبابين متلكن
وصرت حب القراءة والكتابة بحياتي ما فكرت أكتب قبل ما أفوت على المنتدى
اعتذار تريد ان تقدميه لمن ؟
لواحد حبني موت وما حبيتو
هل انتي راضية عن نفسك ؟
انا حاليا يعني مو كتير لانو كل شوي افكاري بتتغير كل ساعة بعقل شكل
(القمر-الشمس-النجوم-البحر-...........)ايهم تفضلين والسبب؟
المطر ما بعرف هيك بدون سبب بمشي تحتو لو بمرض معليش بمشي تحتو بدون شمسية ولاشي
أيش ودك تتخصصي أدبي ولآ علمي؟
علمي
كيف وصلتي للمنتدى؟
عن طريق الصدفة كنت بدي الجيش السوري الالكتروني طلعتلي صفحة الخبر العاجل اجيت
سجلت فيها كنت جديدة على النت ما بعرف شي
مآهو الشيء آلذي ندمتي على عمله.. ؟
انو اضل احكي مع حدا ويتعلق فيي بدون ما انتبه وبس بدي ابعد عنو بينجرح كتير انو صار هيك يعني
كلمه تتمنين آن تستطيعين سحبهآ.. ؟
بحبك
آسف على الإطالة
اهلا وسهلا شكرا الك لانك نتبهتلي

allii كتب:بعد غياب طويل حبيت جدد الموضوع
وبتمنى من كل الشباب والصبايا يرجعوا يشاركوا بالموضوع
عضو مميز كتير والو تأثير واضح بالمنتدى .. جريء وعفوي بنفس الوقت
وبالاحرى جرئية وعفوية هيي " تربية معلم صف "
رح افسح المجال للكل يشارك ويسأل
اهلا تربية معلم صف
وجهزي حالك مشان كل الاعترافات
اوكي ؟

allii كتب:

تربية معلم صف

نعم نعم انا هوووووووووووووون


جاهزة ؟

اوف كورس يس ...يعني طبعا اي


1- شو بتعنيلك الجرأة عند المرأة وهيي ميزة للبنت او لأ
بصراحة حسب نوع الجرأة .....يعني انا مع الجراة ضمن حدود الأدب ..أنا مع الجراة المذوقة بس الجراة التي تصل لحد الوقاحة فهيي شيئ معيب وليس ميزة



2- طموحك الو حدود ضمن مجتمعنا الحالي او لأ , بيقدر الارتباط يحد من طموحك
للأسف طموحي الو حدود كبيرة كمان ....

طبعا الارتباط بالنسبة الي شيء مقدس ....وهو ممكن يحد من طموحي بعدين اكيد مو بمراحله الأولى مابتوقع......يمكن طموحي عبارة عن أفكار وتجسيدها ع أرض الواقع رح يتوقف ع الشخص اللي رح يملك حياتي ..هل سيكون متفهم ويساعدني ؟؟؟أم أنه سيعتبرها مجرد أفكار لاحاجة لتصبح واقعا ؟؟ مابعرف

بس الارتباط رح يكون بالمرتبة الأولى اكيد وبعد الارتباط ماتبقى من أحلام اما بتحقق أو لا .....



3- فور جامعة بالنسبة الك ,, عرفك ع اصدقاء حقيقيين
أكيد اي ...فور جامعة كان بالنسبة الي نقلة نوعية أدخلني قصص وتجارب بحياتي ماتوقعت ادخل فيها

نعم فور جامعة عرفني على اصدقاء حقيقين أثروا فيني كتير بس لسا ماتعرفت عليهم شخصي .....قريبا انشالله .... ..



4-شو مفهوم الحب بنظرك , من الضرورة وجود الحب بحياتنا او لأ
الحب .....ان اكون هو وأن يكون انا .....

الحب عالم بخليك تشوف كل شي بالحياة حلو حتى انك بتنسى حالك احيانا ..

5-جمل بتحبي تقوليها لحبيبك من هالمنبر الاعترافي - ان وجد -
ههههههه ع فكرة يمكن هاد أحلى سؤال :



جمل اوك

كذبك حلو ...بس الحمدلله ماضليت كذبة بحياتك .....قوية ما ؟

نفاق ؟؟؟؟؟؟؟!!!!!! ع فكرة انت أخر حدا بيحقلو يحكي عن النفاق .....كمان قوية بعرف

حب ؟؟؟؟!!!!!! حياة ؟؟؟؟؟؟؟؟!!!!!!!!! مابتوقع بقاموسك فيك شي غير بالكذب هههه

دخيل رب العالمين ......مافي أحلى من هيك



6-شهادة البنت بمجتمعنا بتخليها تمتاز ع الرجل او مازال الرجل غير المثقف قادر على احراج المرأة


هلق انا مافهمت السؤال والمقصود تماما بس أنا برأيي أكيد شهادة المراة تجعلها تمتاز على الرجل غير المثقف ..طبعا بس لكل قاعدة شواذ

يعني في شباب غير مثقفين وهم أكثر قدرة على فهم الأمور والمناقشة والحوار من أناس كثر مثقفين ومتعلمين

7- ممكن يتم الاتفاق بين شب ثقافتو اقل من بنت وهالشي صحيح .. ممكن تقبلي فيه او لأ
لأ

8-مع الغربة من اجل العلم او لأ او من أجل العمل


مع الغربة من أجل العلم والعمل ..لانو الاتنين مهمين واأساسين بالحياة والاتنين فيهم اثبات



للذات وخروج من القوقعة المحيطة التي يفرضها أهلك وأقرباؤك واذا كانت الغربة خارج سوريا بتخرج من تقوقع محيطك ومجتمعك بس اكيد مابتخرج عن اصلك وتربيتك



9-اكتر محافظة بتحبيها
ولو ياعلي بدها سؤال أكيد الحلوة طرطوس ............والشام النا فيها ذكريات حلوة



10-ميالة اكتر للهدوء او للصخب
للهدوء

وشكرا الك تربية معلم صف

lady moon كتب:
ايوااااا يا تربية

اي اي ليدي انا شايفة ولو هالزمان دولاب :


- حدث مهم كتير أحسست بأنه غير مجرى حياتك ..
دخولي الماجستير وغربتي عن أهلي

- شخصيتك الحالية وليدة شو ؟؟
أكيد وليدة تجارب ومشاكل وأحلام وأفكار عشتها وتعايشت مع بعضها ..وليدة دراسة وكتب .وليدة حياة عمرها23 سنة



- في حال تعرضت للظلم من قبل ناس رافعين راية المحبة نحوك ، كيف تتصرفين ؟؟


بستعين بالناس اللي رافعين راية المحبة نحوي وبحاول وضح موقفي تجاه ظالمي .....



- أهم شيء بيلفتك بالشاب عند أول لقاء .. و أهم شيء بيلفتك بالفتاة ..
الشب : حديثة ، طريقة حواره ، أخلاقه وتصرفاته

الفتاة : طريقة لباسها ....مع اني انا شخصيا لذاتي مابهتم بالموضوع بس بيلفتني هالشي بالبنات هاد اول شي وبعدين الأفكار .....

- من هي الأنثى ؟؟
والله مابعرف بالضبط شو بدي قلك براسي كتير افكار........بس حدا موجود بهالدني .

هي الأم وهي الأخت وهي الزوجة .....هي مصدر الحنان والمحبة ........هي حياة ووجود لايمكن أن تكتمل الإنسانية بدونها . ..



- الحب يأتي بعد الزواج : مع أو ضد ؟؟
بكل بساطة مع

- الزواج التقليدي : مع أو ضد ؟؟
مع طبعا حسب الحالة يعني اني مع الزواج التقليدي هذا لايعني أني أعارض الزواج العاطفي

- أن تتزوج الفتاة أو أن تكمل تعليمها : لأيهما الأولوية ؟؟
أكمال التعليم لأنو الزواج لاحقة عليه ......بس العلم ماكل وقت بتلحقو

- ليش اخترت فرع التربية ؟؟


بقلك سر وبصراحة ...زمو انا اخترته ....هو اختارني



- أكتر لون بيشبهك ؟؟


الأخضر لانو لون الاستمرارية وصفاء النفس تجاه الأخرين ههه

- وجهي نقد لكل حدن رح يستجوبك هون بالموضوع ..
بعتذر منك ليدي هاد السؤال مارح جاوب عليه ...... السبب بسيط حاولت لاقي نقد واحد الك ما لقيت .. لذلك انا اسفة



- تعارفك و قصة دخولك للفور جامعة ؟؟
هلق بصراحة انا بسمع بفور جامعة من أيام دراستي الجامعية بطرطوس ، كنت ادخل ع المنتدى كزائر دائما وشوف شو في شغلات واقرأ وكان في شغلات استفاد منها ....

السنة الماضية بشهر اب كنا فترة مراجعة لامتحان السنة الأولى ماجستير .

وموادنا متل مابتعرفي كلها حفظية وانا بطق من الحفظ وبكرهو .....

فكنت لاقي بالانترنت مجال للتسلية والترويح عن النفس وخاصة انو كنا بشهر رمضان كمان .....يعني صيام ودراسة وبس .......وبعدين صرنا انترنت ........

ضليت فترة فوت المنتدى كزائر .

بعدين سجلت وصرت عضو وتعارفت شوي شوي ع الأصدقاء عن طريق غرفة الدردشة بالمنتدى



- لو تم تعيينك يوم كامل بالإدارة شو أول شيء بتقومي فيه ؟؟
أعادة جميع الأعضاء الغائبين وإعادة الامتيازات لأصحابها .......



- برأيك كيف يكون الحب ؟؟ وأقصد هنا الحب الأحمر !
جاوبت عند علي حبقة ع هالسؤال بس رح قلك انو الحب أن يكون أنا وأن اكون هو شيء بيتملكلك بتحسي انكم انتو الاتنين واحد .......



- بكلمات قليلة : من هي تربية ؟؟ وشو أكتر شي بتحبيه وبتكرهيه بنفسك ؟؟
تربية ......حدا طموح كتير بحب الدراسة والتفوق بمجال العمل ....

بحبو بحالي ...طيبة قلبي

بكرهو بحالي : العصبية ، التفكير الزائد ، الخجل من الجنس الأخر



إذا خطر ببالي لسا شي برجع

ولك ع راسي أنا جاهزة لأسئلتك

........ولو كم عنا لليييدي

:-D