انت مدعو لاستجواب احد الاعضاء ....!!

kareem el-cheikh كتب:محمد يا محمد ما رح تقل عليك:

واضح ..!!

أيمت محمد عفارة بيعطي فرصة تانية للآخرين؟

دائما ...

محمد عفارة مين بيكره؟

المتذاكين بغباء

بناءا على جوبك السابق ... شو اللي بيخليك تغير تعاملك مع الآخرين ... ان كان للأفضل أو للأسوء؟

الاحترام اهم شي لما بزيد الاحترام بتزداد علاقتي مع غيري ولما بقل بتقل بالتوازي علاقتي فين

شو بيعنيلك -و بكلمة وحدة- كل من التالي:
المطر

الخير

مصياف

جنة عالأرض

شجرة الزيتون

العمر

الصدفة

.....

القدر

موجود..

كريم الشيخ!

فخامه
و أخيرا و ليس آخرا : وين كان محمد غعفارة قبل 10 سنين و وين رح يصير بعد 10 سنين؟

كان ضمن حدود غرفه صغيرة بالبيت وبعد 10 سنين ماعد في حدود انشالله

لنا عودة

قاعدلك

روح المحبة كتب:محمد يامحمد أناجيت

هلا والله

رح بلش بأسئلة خفيفة

اه انو هي البدايه يعني ممممم

‏1شوبيعنيلك أسمglgamesh

طبعا مارح اشرح ملحمة جلجامش بس ليلي قراها انا حبيت فيها مجموعة شغلات منن الصداقة الحقيقية يلي جمعت جلجامش مع انكيدو ..البحث عن شي سامي جدا وهو الخلود او معنى الحياة وهاد شي كتير بحب اعرف اي شي حولو .. جلجامش ترك قصرو والملك تبعو وراح يدور على هدفو ويلي هو الخلود بحسب الملحمة

‏‏2.لومادرست أقتصاد شوكنت درست

دائما كان ببالي اقتصاد او معلوماتيه ..

‏3.المرأة شوبالنسبة لمحمد

المرأة الي بتحافظ على أنوثتها هي شي عظيم عند محمد ...

‏4.أذاحدا زعجك بتواجهو

حسب الشخص انا بحب اني واجه دائما.. بس في ناس حقيقة غلط انك تواجهيا وبيكفيها اللامبالاة بوجودا

هلق خلصت بس نطرني يمكن أرجع

أمري لله ناطرك

nour12 كتب:اسئلتي الك يامحمد كالتالي :

يالله بسم الله

_شوهي الخطوط الحمرا بالنسبة الك بالحياة ؟

طبعا الكرامه

_اذا كنت بقمة السعادة والفرح كيف بتعبر عن فرحتك ؟

ابتسامه من القلب

_لحظات الاسى والحزن لاتخلو من حياة اي انسان كيف بتتعامل معا ؟

التعامل عندي حقيقة هو مزيج بين العقل والتعصيب وبكل موقف عم يزيد العقل ويقل التعصيب..

شوهو التصرف يلي اذا اتصرفو معك حدا بيخليه يخسرك

لما بقرب على الخطوط الحمراء...

_شونوع الهدايا يلي بتحبا

انو صدقا لاقيت افضل هدية هي ابتسامه نابعة من القلب ...

_شو القيد يلي بتحسولسه بحياتك ومستني الحظة يلي تكسروا فيا؟

انا بحب كون مستقل من كل النواحي لذلك قيدي حاليا هو وجودي مع اهلي واللحظه يلي رح ينكسر فيها هالقيد اذا فينا نسميه هيك هي لما بتوظف انشالله وبتبلش حياتي يلي بكون اعتمادي الكامل فيها على حالي...

هاد السؤال هو فراغ الك تكتب فيه شي انت حابب تقولو من دون سؤال من تلقاء نفسك ...

والله اذا في كلمة لازم تنقال بهالوقت هي الله يحمي بلدنا وقائدنا من كل شر
وبعتذر منك كتير عالتأخير للأسباب يلي قلتلك ياها

Alishoo-M كتب:اسمحولي كون اول السائلين
سمحتلك

بعد السلام .....
بعد الأهلا

في كم سؤال ....
يارب اتفضل


1:اعطيني وصف لنفسك بثلاث كلمات
واثقة من نفسي ... مهضومة ... وقلبي طيب

2:كيف تعرفي حرية الفتاة
اي تصرف ضمن حدود الاخلاق بمجتمعنا الشرقي ويلي ما بيضر انوثتا وما بيأذي سمعتا...

3:شو اكتر كلمة تكرريها في حديثك
بما انك مقموع وعم تعاني من الاضطهاد اكتر كلمة بكررا (هس) هههههههههه
عم امزح بس ولا مرة انتبهت ع كلمة بكررا كتير ... بظن بما انك السامع فيك تجاوب انت...!!!

4: شو هي اسوء سنة مرت عليك
سنة البكالوريا ما بنساها ابدا...

5: شو اكتر شي بتضحكي علية
بضحك اكتر شي ع الشخص اللي بيتذاكى بغباء...!!!

6: شو الي بيلفت نظرك بالشخص عند اول تعارف
نظرة عيونو...

7: بتعتقد انو حظك سيئ؟
اكيد لأ...

8: شخص ما بتنسية....
اي شخص كان الو اثر ولو بسيط بحياتي...ما بنساه...

9 هاد السؤال الزامي .... لا زم تعترفي بإعتراف ...
عندي رهاب حشرات ههههههههههههه
اذا بشوف حشرة ما عد نام...!!!

10: شو رايك بالوضع الراهن ... سياسي او اجنماعي او اقتصادي
سياسي...
اذا بدي اعطي رأيي لبكرا ما بخلص بس باختصار اتعرضنا لاختبار صعب نجحنا فيه بتميز وطلعنا منو عنا قوة اكبر وثقة بنفسنا وقدراتنا اكتر وكشفلنا كتير وراق رح تغير واقع الشرق الاوسط بالمرحلة الجاي...
اجتماعي...
ع صعيد شخصي الحمدلله عندي احلى شلة واطيب ناس واغلى رفقة
ع صعيد عام مجتمع مثقف اثبت وعيو بهالمرحلة الصعبة لكن يكثر فيه الكلام (او اللغو...)
اقتصادي...
الدهب السوري ينفض الغبار عنه...!!!

شورايك بالجو الماطر
الجو الماطر احلى جو بيفائل وكلو خير...

باللون الأخضر
اشراف بالمنتدى ههههههههههه
جمال الربيع بلونو الأخضر...بيعطي شعور بالتجدد...

ببرشلونة
متعة كرة القدم...

بريال
الطائفيـــــــــــــة ههههههههه

بــــــ علي مرعي
مافي منو...
بعرف كترت .....
اي كترت بس معليه بتمون ولا يهمك...

aya كتب:broken wings
بما اني من الاشخاص يلي عرفوا بروكن بمرحلتين مختلفتين بحياتا خطرلي إسألك هالسؤال من وحي آخر لقاء إلنا :
تفضلي...
بروكن تغيرت كتير (بنظري طبعا) خلال فترة تعتبر قصيرة
إنتي بتشوفي إنك تغيرتي؟
وإذا إي بتعتبري هالتغير بشخصيتك سلبي أو إيجابي؟ بغض النظر عن الظروف يلي أدت لهالتغيير..

أنا مابشوف اني اتغيرت بمعنى التغير بشوف انو ازداد وعي وإدراكي للأمور وصرت قادرة افهم الناس أكتر وقادرة ع مواجهة الصعوبات بقوة أكبر وطبعا هاد شي بعتبروا ايجابي وإذا بدنا نسميه تغير فأنا اتغيرت للأفضل...



تحياتي إلك بروكن ومنلتقي عن قريب انشالله..
تحياتي الك آية اشتقتلك كتير وأكيد منلتقي...

broken heart كتب:بروكن من كتر التضليل والتعتيم الجزئي الي صار علينا بهالفترة مرت عليكي لحظة قلتي فيا انو الي عمينقال هوي الصح..؟
أنا كتير بسمع حكي بس ماباخد فيه أنا بقرأ وبحلل تصرفات عم تصير قدامي وع أساسها ببني رأي مابهمني شو عمينقال إذا صح أو لأ بهمني شو عم يصير حوالي طبيعي أو لأ...

وبرأيك ما في شي ناقص وماعم ينفهم؟
برأي مافي شي ناقص كلو واضح ومفهوم بكفي نحنا نتخلى عن ايمانا بصدق الأشخاص يلي عم نتعامل معهن ونحلل الأمور بتجرد وبعيد عن أي محسوبيات لحتى نفهم كل شي...

kareem el-cheikh كتب:اجا دوري ورح بلش فورا دون مقدمات
اتفضل كريم يا هلا...

1- كيف تعرف بروكن وينغز السعادة؟
السعادة بنظري بال مرتاح وناس حوالينا بحبونا ونجاح بمجال عملنا...

2- ماذا بقي من طفولة بروكن وينغز؟
بقي صخرة صغيرة ع طرف تلة بأحلا ضيعة...

3- ماذا تفعل بروكن وينغز للفت الانتباه؟
مابهمني الفت الإنتباه أنا بتصرف بطبيعتي وبعفوية كتير بحب كون مميزة بس مو لألفت الإنتباه...

4- متى تفضل بروكن وينغز التزام الصمت؟
بس يكون الحديث مو من اهتماماتي أو عن شي خاص فيني مابدي حدا يعرفو بفضل اسكت...

5- المرأة في مجتمعنا لا تزال تبحث عن نفسها .... هل توافقي الرأي مع هذه الجملة؟
لأ أنا مابوافق لأن المرأة بمجتمعنا أخدت كلشي بدا ياه وكلشي بتتمناه ولساتا بتطلب برأي حاجتا لهون...


6- هل تضع بروكن وينغز لنفسها حدود ... أم تفضل أن توضع الحدود من الآخرين؟
حسب الأشخاص إذا بدي علاقتن والتعامل معن بفضل هنن يحطو حدود لأن أنا بكره التصنع قدام ناس بحترمن وإذا مابدي علاقتن أنا بحط حدود...

7- بعض الناس تفضل الخبرة و العمل ... البعض الآخر يفضل استكمال السلم التعلمي ... أي من هذه الفئتين بروكن وينغز؟
بفضل استكمال السلم التعليمي...

بتمنى تجاوبي على هالكم سؤال
جاوبت...
بواقعية و دون تنظير
نحنا رفقة وإنت بتعرفني اني مابنظر وحكيي كلو بصراحة وعن قناعة تامة...
و تآخدي وقتك بشكل كامل!!
أخدت وقتي...

broken heart كتب:في زحمة هالأحداث والحكي والاشاعات والقنوات.غير الوطنية الي كانت عم تنقل وتبث اخبار..مرت عليكي لحظة صدقتي فيا هالقنوات؟
هلأ مافيني قول ماصدقت كلنا منعرف انو نحنا عنا معارضين بسوريا ماحدا فيه ينكر هلأ قلت يلي عم ينقال صح بالمظاهرات الإصلاحية بس وقت وصلت الشغلة لجيشنا العربي السوري والأمن صرت كل ماسمعت اضحك انو شو عم يخبصو هالجيش والأمن حمانا 40 سنة من ايام القائد الخالد الله يرحمو هلأ صار بدو يقتلنا شي بضحك انو أخرتنا يعلقو الجيش والامن مع بعضن ووين بسوريا بلد المحبه والسلام بلد العزة والكرامة والعيش المشترك...
عطيني نسبة صدق قناة الجزيرة عندك عالأحداث الي عنا
وعالشي الي عم يصيربالبلدان العربية التانية بشكل منفصل
صدق الجزيرة بالنسبه ليلي عم يصير عنا صفر بالمية بالنسبه للدول العربية فبعد فبركاتا عن سوريا ماعد صدق انو ماإلها دور بيلي صار بالدول العربية وإنو ماإلها دور بالفوضى الخلاقة يلي عم يحكو عنها الها دور وكبير كمان...

كمان برأيك قناة الدنيا قامت بدورا بشكل كامل؟عطيني النسبة الي بتشوفيا..

قناة الدنيا قامت بدور جبار بهالأحداث خصوصا انو حتى القنوات يلي تعتبر سورية كانت ضدنا وحدها الدنيا والإعلام الرسمي واكبوا هالأحداث بصدق وشفافية وكشفوا كل الفبركات الإعلامية يلي صارت بشوف نسبه 99 بالمية لأن مافي شي كامل...
انتي مع تخوين الفنانين الي وقعو ع بيان الحصار؟

طبعا أنا مع تخوينن لاحدا يجي يقنعني انن فنانين ومثقفين ومابيعرفوا يفسروا هيك بيان (حصار؟؟؟) هاد جيشنا وهي بلدنا وهاد قائدنا في قائد شريف متل السيد الرئيس ممكن يحاصر شعبو؟؟؟ في جيش باسل متل جيشنا ممكن يمنع الأكل عن الأطفال؟؟؟ برأي حتى لو ماكانوا فهمانين هالطبخة مجرد انها مو رسمية ومو من النقابه بكفي لحتى مايوقعوا...

وهل صفة التخريب بتصلح لتوصف كل المتظاهرين الي نزلو؟
لا كان في مطالب اصلاحية أول المظاهرات اتحققت بعد مااتحققت كل يلي طلع خاين وكل يلي طلع مخرب وكل يلي طلع بدو دمار هالبلد سوريا بيتنا السيد الرئيس ابونا والحكومة امنا ونحنا ببيوتنا اذا منطلب شي مو منطقي أهلنا مابلبوه وين رايحين بهالعجقة لسا كل واحد بدو كيلو بندورة بدو يطلع مظاهرة مشانو عيب يستحوا ع حالن بقا حاجة لهون...
هي سوريا مارح نسمحلن يخربوها وبدنا بشار الأسد ومابدنا غيرو ويلي مو عاجبو يطق راسو بألف حيط...
يتبع..
مشكورة بروكن...