طرطوس... نحو مجتمع افضل وأرقى

فكرة حلوة محمد
حاليا داخل من الموبايل بس حبيت خبرك أنو دفع فاتورة الخليوي صار متل تحويل الوحدات .

نسيم الروح كتب:
فكرة حلوة محمد
حاليا داخل من الموبايل بس حبيت خبرك أنو دفع فاتورة الخليوي صار متل تحويل الوحدات .

تمام وهي اول مشكلة حللناياها نسيم

في شغلة زاعجتني كتير لساتها لهلق من أيام دوامي بالكلية بالفصل الأول ..
قاعدة بالسيرفيس الصبح ورايحة عالكلية وعم اتفرج على طلاب المدارس وهنن متجهين على مدارسهم ..
بيوقف السيرفيس ع الإشارة يلي قبل مبني التربية ..
وبشوف الشوفة اليومية يلي صار كل سائقي السرافيس متعودين عليها لدرجة أنهم فقدو الشعور بسوءها ..
ولد صغير متل القمر واقف بين هالسيارات وعم يبيع علكة ..
بدل ما يكون بمدلرستو مع كل يلي بعمرو ..
واقف وعم يبيع علكة مشان يعيش ..
والله قلبي بيتقطع عليه ..
مرة كنت عم اعمل حلقة بحث عن عمالة الأطفال ..
سألتو .. انت ليش مابتروح ع المدرسة .. قلي بابا ما بيخليني .. نحنا فقراء ولازم وقف كل يوم وبيع لحتى أبي يسمحلي فوت ع البيت ..
يعني لأيمت هالحالة بدها تضل هيك عنجد ما بعرف ..!!!!!!

صحيح نسيم هالظاهره كتير بشعه وانا بلاحظ انو اصحاب السياراة الخاصه عم يعملو هالشغله اكتر واكيد مافيك تحكي مع هيك عالموتسالن ليش

اكيد منتمنى يصير في قوانين صارمه وغرامات ماليه على هيك تصرفات لان بدون القانون الناس مارح تهتم

ليدي شيء مؤسف جدا هالمنظر بس برايك في مجال لحتى تنتهي هالظاهره من مجتمعنا رغم انها موجوده بكل المجتمعات الراسماليه والشيوعيه والبينيه


وشكرا على الزائد التشجيعيه

كل واحد يبلش من نفسو وهون بكون الحل

حلو هالكلام ..

.

حبيبي حاجتنا بقى ضحك عل لحي وادعاءات انو بدنا نطور لما بكون في هيك شعب وسخ وما همو غير حالو ما بعمرنا رح نتطور لسا مفكرين حالنا رح نصير بشر بوجود هيك عالم بجم ونور ما منصير بحياتنا كل هل الوسخ والزبالة والقرف يلي منشوفو بسبب هيك شعب لانو هيك تعود اذا تحضر شوي بحس حالو غلط كأنو جرب او صابو شي مافي يتحضر بحس حالو غلط لك خدو شعبنا واستبدلو بشعب ارقى دولة بالعالم بيقلبى خرابة حبيبي حاجتكون بقى شعب والعايز بالله بكفي مناظر هل الشعب الحضاري يلي بيفترش الكورنيش بطاولات البلاستيك وكاسات المتة وبيقعدو كأنو قاعدين بيت يلي خلفون بقرفو الواحد يمر من هونيك يعني على فرض مر سايح عل الكورنيش وشاف هل الوجوه الزراطة شو بدو يحكي شحاطات ومتة واغاني عرب ونور حاج بقى شوبدنا نحكي لا نحكي (شعب)

ممممممم
والله هي مشكلة القمامة مشكلة ثقافية كبيره عند ابناء طرطوس وانا حاب اقترح اقتراح بخصوص المشاكل يلي عم تنطرح هون متل موضوع القمامه والاوساخ اقتراحي هو انو ينحط على الصفحة الرئيسية صوره من صور الاخ دياب وينكتب تحتا جمله اوجملتين للفت انتباه الاعضاء والزوار يلي عم يفوتو على المنتدى بما انو منتدانا الو شعبيه كبيره وبعتقد هيك منكون عم نساهم بشكل جدي بنشر ثقافة النظافة عنا وممكن كمان نحط صوره عن الموضوع يلي ذكروه الزميلتين ليدي ومطر سواء حطينا هالصوره الى جانب صورة الكورنيش او ممكن كل فتره نحط صوره وجمله عن مشكلة من المشاكل يلي عم تنطرح هون
واكيد نسيم مارح يبخل بهيك موضوع

مشكور محمد عالفكرة الرائعة
بالنسبة للزبالة عالكورنيش
نحنا بنشكر الاهتمام الزايد فيه ويلي عملو حملة نظافة ورحع تقريبا متل قبل

الصراحة انا في شغلة كتير زاعجتني من شوفيرية السراقيس
وهيي قلة النظافة بالسرفيس
وكأنو السرفيس مو الو
او مابمدلة بصلة
وكمان عدم التقيد بمنع التدخين
وتعلاية الصوت داخل السرفيس لدرجة الصرع
يني عنجد الشغلة بدها حركة...........................

اليوم طلعت بسرفيس...كان اول مقعد مقعدي جنب الباب
بدي انزل لقيت كيس الو اول ماالو اخر مسكر الطريق بيني وبين الباب
اضطريت نط مو فوقو ومنيح اللي تمت النطة بسلامة ههههه
انو بتشوف الواحد طالع عالسرفيس ومطلع معو
شوالات البصل والبطاطا ومابعرف شو
والدنيا شوب والواحد ماطايق حالو

وفي شغلة كتير مزعجة حول اصحاب السرافيس وبتنشاف هي الشوفات بالكراج يعني بتكون ماشي بامان الله مابتلاقي الا رجلين بوشك واذا الشوفير نايم ومادلي هالسليقات الروعة من الشباك وخدو على مناظر
والله عيب

والله الواحد يحكي اللي الو واللي عليه انا من ضيعة اسمها الشيخ سعد اللي صارت شبه مديتةأو بلأحرى حارة من طرطوس نظرا لقربها الكبير من طرطوس ومع التوسع العمراني اللي صار فيها اجت البلدية بدعم من المحافظ وقامت بحملة كبيرة من رصف وتزفيت وشق طرق جديدة مع انو كانت ببعض الاماكن ما الها داعي الا انها خطوة كبيرة ع طريق التطوير ومشكورين العمال اللي عم يتعبو بها الشوب وناطرين زيارتكن شباب

اي شباب شفتولي هالحفريات الزايدة بطرطوس
مو شي بيفقع من الضحك