الرئيسية
مجرد طفل .........!!!
AdmiNaSiM- Admin
عدد المساهمات : 5628
العمر : 36
المكان : بعيد عنك ..
المزاج : كويس .!.
الدراسة : اقتصاد
السنة الدراسية : متخرج
المستوى : 209
نقاط : 7494
تاريخ التسجيل : 08/08/2008
هي: شايف على عمايل الإسرائيلين..
هو: مشان الله غيري لنا هالموضوع المعت.. بلاها الحكي بالسياسة
هي: عن شو بدي أحكي لكان؟!..
هو: عن أي شي.. عن الطفولة مثلاً..
هي: آه والله.. جاي ع بالي أرجع بنت صغيرة.. وعيش هيك متل ولاد الأغنياء والمدعومين..
هو: ليش بقى؟!..
هي: ما في أحلى من الطفولة.. براءة.. ولطافة.. وحلاوة..
هو: هلأ هيك صارت الطفولة.. أي في ولاد بيعوفوك حياتك من قد ما هنن غلاظ وتقلا..
هي: هَي معك حق فيها.. لأ وشو أهلهم بيشوفوهم أحلى وأذكى أولاد بالعالم..
هو: بتلاقي الضيوف دخلوا ع البيت وقعدوا.. وبعد شوي بيجي الأب والأم أصحاب البيت وبيجيبوا ابنهم الغليظ مشان يستعرض مواهبه قدام الضيوف..
هي: وبيكون خجلان أول الشي.. بس الضيوف اللي عم بيزنوا على خراب عشهم بيشجعوه.. لحتى يبلش..
هو: وبيبلش..
هي: بيسلخهم نشيدة أول شي..
هو: بيقوموا الضيوف بيصفقوا له.. وبيبوسوه.. وبيدقوا ع الخشب.. وبيصلوا ع النبي.. وهي اللي بتفتح تمها وبتقول ياي ياي شو مهضوم.. وهاد اللي بيقول.. يسلملي شو أكبر من عمره..
هي: فـ.. بيتحمَّس الولد الثقيل وبيسلخهم غنية هالمرة..
هو: أخاصمك آه.. وبيصير يقلِّد نانسي عجرم..
هي: قام الضيوف بيفرطوا من الضحك وبيتعصوروا مشان يطلعوا الضحكة..
هو: وعلى ياي شو لذيذ.. وبيعقد.. وعلى بوسة من هون وقرصة من هون.. مشان يوقف..
هي: لأنه خلص.. بيكفي..
هو: وبتكون الخدامة جهَّزت الطاولة وقالت الأم للضيوف يشرفوا..
هي: بيقوموا بيشرفوا.. وبيقولوا للولد.. يا لله حبيبي تعال كول معنا مشان تنام..
هو: قام الولد بيقل له للضيف اخرس.. يا غليظ.. بيقوموا الضيوف بيضحكوا.. وبيصير الأب يقول للضيف.. حبك.. لو مو حابك ما بيقلك أخرس..
هي: قام الضيف بيرد له المحبة للولد وبيقعده بحضنه وبيلعب له بشعراته..
هو: طبعاً الطفل المهضوم رح يقله قيم إيدك عن شعراتي يا وسخ..
هي: وبيضحكوا أبوه وأمه على ظرافته..
هو: بس الأب بيقول للضيف وهو ميت من الضحك.. حبك.. خلص حبك..
هي: وفجأة.. بينزل الولد من حضنه للضيف وبيشده من الكرافة تبعه.. وبيسحبه.. لحتى يخليه ينزل ع الأرض ويمشي على أربعة..
هو: لأنو الزغير حبه.. وطبعاً رح يركب الزغير على ظهره للضيف.. ويقله حا..
هي: والضيوف؟!..
هو: بيكون جمدوا.. لامن تمهم ولا من كمهم.. وكل واحد عم بيقول لحاله.. منيح اللي ما كنت أنا..
هي: وأبوه وأمه بيكونوا مبسوطين وعم يقولوا لأبنهم يحرئ حريشك شو ملعون..
هو: والأب تحديداً عم يقله للضيف.. حبك.. العمى شو حبك..
بعد تفكير وتنهدات
هي: ما بتحس الولد الغليظ هادا بيشبه إسرائيل.. أبداً إسرائيل خنطق منطق..
مؤيّداً
هو: وأبوه وأمه اللي عم يقولوا له برافو بيذكروك بأمريكا..
هي: والضيوف.. بشو بيذكروك..
؟؟؟!
... لقمان ديركي ...
مُشاطرة هذه المقالة على: 
حلوة المقالة وحلو معناها وتركيبات الجمل
مشكووور نسيم
مشكووور نسيم
لك طفل ولوووووووو شبك ما بيصير تشبهو بإسرائيل
رائعة
رائعة جدا"
ترميز قوي و قوي و قوي
أعجبني ..
رائعة جدا"
ترميز قوي و قوي و قوي
أعجبني ..