وصول آفات الفساد الى كلية الاقتصاد الثانية

مرحبا يا اعضاء منتدانا الغالي

رح احكيلكم على شغلة صارت معي من كم يوم بالكلية وانا عم سجل فيها
اول شي جبت المصنف تبع التسجيل وعبيت الاوراق المطلوبة وقدمتها على شؤون الطلاب والتعامل كان جيد وعطوني وصل منشان ادفع رسم التسجيل لهون كل شي تمام طلعت عالطابق التالت منشان ادفع رسم التسجيل بفوت لعند الموظف المسؤول لادفع الرسم بسألو بس اديش الرسم يا حبيب بيقلي 850 بعطيه ألف بيرجعلي 100 ليرة انا تفاجأت ليش هيك صار بس سكتت قلت ما رح اعمل مشكلة منشان خمسين ليرة بس بعدين قلت ما لازم اسكت لأن الفساد ببلش بأصغر شي لهيك قلت بنزل الموضوع بالمنتدى لعل وعسى بيشوفو حدا من المسؤولين وبيحاسب هالموظف لنو عيب عليه ياخد من طالب جايي عم يسجل يحط ابنو محل هالطالب
وبالنهاية بتمنى من المسؤولين يشوفو حل لها الشغلة لأن مو ناقصنا تخرب أكتر مو خربانة

لك اخوي هاد ما نو فساد ولا شي الشب عم يسترزق وبدو الحلوان شو فيها يعني هههههههه
.......
بحلب عم ياخدو حق الختم 150 ليرة ...اذا عنا 50 منيح كتر خير الله

اي منيح منيح
ما بيكفي الله غضب عليه وطلعلوا بطرطوس
لسا بدو يدفع حلوان !!

أخ نسيم كلامك مزبوط وكلام الأخ دامن كمان مزبوط

يعني أنا رحت ع أغلب الجامعات السورية وشفت التعامل مع الطلاب كيف بيكون ..........

أنا شفت أنو كلية الأقتصاد بطرطوس الأرقى بالتعامل مع الطلاب

بس ومع هيك ما لازم نسمح تصير هالكلية متل باقي الكليات بالجامعات التانية وأنا متأكد أنو عميد الكلية (((الله يخليه)))
ما بيسمح بهالشي

مشكور ع غيرتك ع الكلية وبتمنى ما ينضر الموظف ضرر كبير (((يعني فركة أذن بتكفي)))...........

عادي منيح الي انقضت ب 50 ل.س مو 500 أشكر ربك وبوس ايدك وش وقفا
كمان بلكي الزلمي المسؤول مخربط بالحساب في حدا غيرك صاير معو هيك...?

حقو الزلمة شو مانو تعبان ياحرام....................
فوق مو متحمل انو عم يشتغل بطرطوس

طيب ليش عم تفضحو الشب ومو متأكدين
انت طالبتو بالفرق وقلك هادا حلوان شي
بركي غلطان معك بالحساب
مابعرف اذا اخدها سلبطة او لا
بالنسبي الي انا سجلت لاخي من كم يوم عطيتو عالقد ما سألني لاعن طابع جنون البقر ولا عن طابع ايدز مابعرف إذا الموظف نفسو بس هيك الي صار
طيب ليش ما طالبتو استحيت تعمل مشكلة ما استحيت تبهدلو والمال السايب بعلم الحرامي السرقة ولو انت طالبتو متل ما قلت ما كان بيتجرأ يطلب من غيرك بصراحة الغلط من عندك
وسلام لكل الشباب

ياعمي الخمسين بتاخدها مني انا
لأنو أكيد مو عن قصدو الموظف اخدها هاد اول مرة بيحكي واحد بهالموضوع بكليتنا وما بتستاهل هالبلبلة



شغلة فاضية

شو بأكد هالحكي يعني هي اول مرة من سمع هالكي لا تلقي غلطك عالأخرين يعن انت بجوز تسببب له مشاكل كتير واكيد انعرف شخص .......قطع الأعناق ولا قطع الأرزاق

يا جماعة اللي فهم الموضوع انو منشان خمسين ليرة فهاد فهمو غلط واذا هوي بيفكر منشان خمسين ليرة فاجباري رح يفهم الموضوع غلط
الشغلة شغلة مبدأ ما بدنا الفساد يوصل عكليتنا الغالية لأن اذا الشي بس يوصل ببلش بأصغر القيم بعدين بيكبر

لعمة نشكنا الموظف نكش وخربنا بيتو هههههه
بالاخير بيطلع الحكي غلط ؟
تسرعنا بس خير ما بضر
مشكور نسيم عالتوضيح والتوبيخ ههههه

حبيبنا نحنا فهمنا قصدك انو مو مشان خمسين ليرة
ولكن لا يلام الموظف بقدر ما تلام انت ،كان بامكانك تراجع الموظف
ولو انو ما استجاب الك، كان بحقلك تحكي ، وبتمنى ما تاخد موقف من الموظف او مني
الكل يخطا وما حدا معصوم عن الغلط
و بعد كل هدا بتكون انت الغلطان مو الموظف

هههههههههههههه والله قصة موحرام تتبلا الزلمي روح اعتزر منو بركي بيسامحك

والله ياحبيب بعتقد كان لازم منبهو بيجوز خربط مابتعرف كلشي بيصير
ولا شو رأيكن ؟؟