هل تصادق امراة او هل تصادقي رجل

مرحبا اخ علي
يعتذر عالرد الزائد عموضوعك القيم ولكن بيظهر كل واحد عم يطلق مضطلح الصداقة ع علاقة معينة بين الشب والبنت
بعد ماقريت مناقشتك للزملاء الي قبلي وقريت الموضوع اكتر من مرة شفت انو انا عم سمي الصداقة لعلاقة غير الي انت عم تسال عنها
بالنسبة الي الصديق الشب هو
شخص ممكن احكيلو بس انزعج من شي ومو كل شي طبعا شغلة ممكن ينحكا فيها وممكن يفيدني برأيه
(عبر الهاتف المسنجر...فقط)
وهو شخص بيهمني وبحترمو لهون فقط اكتر طبعا لا
لحد هون مااختلفنا
بس الي اختلفنا في الظاهر هو شغلة الحدود
انت قلت(بعدين الصداقة ..لقاء ..ونقاش.. وشغلات مشتركة)
اللقاء هو الفرق
لقاء طبعا لابرا المكان الي بيجمعنا متل الكلية او المدرسة اكيييييييييييييييييد لا
يعني متل ماحكت الزميلة بروكن
انا قلت انو بتستمر بعد الجامعة القصد هون عبر الهاتف عبر المسنجر ممكن واذا شفتو بالطريق ممكن سلم عليه
اكتر من هيك مابتتسمى صداقة واذا انت هيك قصدك
فاكييد مافي صداقة بين الشب والبنت لان بصراحة ومع احترامي للجميع هالايام مافيها امان والبنت لازوزم تدير بالها
[color=brown][b]بشكرك كتييييييير فعلا موضوع يحتاج للنقاش ]

اولا بروكن هارت شكرا على المرور

انا شخصيا كان ولازال عندي رفقات بنات كتير وبفتخر انو علاقتي فيهن كانت
من احسن وافضل العلاقات
يعني تبادل افكار وتشجيع ع الدرس ..هللق عم يشوفو ه الحكي ..ههه
لكن مع مرور الزمن لنكون منطقيين رح تزول كل ه الامور ورح يروح التواصل
مع هموم الحياة ..ومشاكلها والسفر والزواج ..الخ

اما عن موقفي فانا مو ضد الفكرة ...لكن اقصد ان هذه العلاقات لاتصل لمعنى الصداقة الحقيقية كالتي بين الفتاة والفتاة
والشاب والشاب

فهي لا تستحق كلمة صداقة
يعني زمالة ..رفقة ..مودة..تواصل..او صداقة "مؤقتة"


تماما مظبوط كلامك زهر الجلنار وشكرا لاغنائك الموضوع بالردود المفيدة

معك حق يا نسيم

اهلا فيك خينا حنا ..فعلا لخصت الموضوع ببساطة ..مشكور على ابداء رأيك..

اما خينا عطر القلوب ما فهمت عليك ...

ياأخي والله كلو حكي فاضي
شو يعني صادق يعني احكيلها عن حياتي الخاصة بكل تفاصيلها
الأنثى إما أم أو أخت أو زميلة أو حبيبة
أي لاوجود للصداقة