سؤال للكل بسسسس ((مع الجواب)) هلا هي كلية؟؟؟

تذكير بمساهمة فاتح الموضوع :

لأحد الأصدقاء:: س1 لماذا لا تذهب الى الكلية؟..ج1 ليش هي كلية
س2 وليش مو كلية بالله؟ ..ج2 بنائها مو بناء كلية وما حدا بيحضر وبحس انو بمدرسة صراحة
س3 ليش الكلية ببنائها بعدين كل واحد بيقول لحالو ما حدا عم يحضر وين بدي انزل
ابدا من حالك ونزول انت وأنا والكل بيعمل هيك بتصير كلية وأحلى كلية
ج3 الأحد بجرب!!!!!!!!!!!!!!؟؟؟؟؟؟؟؟
_______________________
هنا تجدون الصداقة الحقيقية
الحب جحيم يُطاق . . والحياة بدون حب نعيم
لا يطُاق

لك الحمدالله على كلشي ولو جماعة صحي البناء مو متل الجامعات الباقية بس صدقوني متل ما اتفضلو الشباب الكلية بشعبها و جمهورها ومتل ما تفضل احد الزملاء السابقين كيف لو كنتوا من اول دفعة اول ما فتحوا الكلية اي كنتوا عدوها لا البكالوريا دغري و فورا ماكان في تلات ارباع الموجود هلق صدقوني سالوا المجربين والاقدمين بعدين استاذ ليون مشان تقوية الشخصية يعني ما في غير الحياة الجامعية لا تقوي الشخصية وتحس بالاستقلالية غلطان اذا بدك تحس بهل الاشيا يلي عم تقولها سافر وتغرب بتحس ساعتا يلي بدك تحسو ومكشورين يا شباب

شو يا شباب حاسس الكل عم يهاجمني لانو راي مختلف ...
انا ماني ضد الكلية ... والكلية اكيد بالشباب يلي فيها و " الجنة بلا ناس ما بتنداس " ... بس انا عم جاوب على السؤال (( هلا هي كلية )) مقارنة مع باقي الكليات بالجامعات يعني انا صلي اربع سنين بهل الكلية ولهلق ما شعرت اني عايش حياة الجامعة ...
اخي نعمة ..."" اكيد بتتذكر كيف كان الوضع بالسنة الاولى والتانية يعني يا محلا ايام الثانوي "" ... انا قلت انو بكلشي بالحياة الو سلبيات وايجابيات ...انا ماعم قول انو الواحد ما بقوي شخصيتو الا بالجامعة ... انا عم قول لما الواحد بكون مغترب (( سواء بالجامعة او لأي شي تاني )) هل الشي رح يساعد على تقوية شخصيتو ...

هاد راي شخصي وشكرا كتير الكن

أجمل كليّة هيي كليتنا
وكل العالم عم تنزل وتحضر
والكليّة مانا ببنائا ولابشكلها الخارجي
الكلية بطلابا ودكاترتا وناسا




اذا أردت شيئا بشدّة فأطلق صراحه
ان عاد اليك فهو ملك لك للأبد
وان لم يعد فهو لم يكن لك من البدية

أحلى كلية لأنه الكلية مانا بشكل البناء
كليتنا بطلابا....أحلى طلاب




يانجمة كلَ م ضيَها...يلمس حجر...يعلا ويتحوَل قمر

باكتب حروف اسمك بحبَات النَدى...على كل أوراق الشَجر

والله ه الكلية طول عمرها احسن كلية

واللي مو عاجبتو

كان لازم ما يسجل فيا من الاساس

مشكووووووووور
انا درست سنتين باللادقية
وما بحب قارن بين التنين
الكلية ماشي حالا
بس بوجود الكل اكيد بتصير احلى

انا درست 4 سنين باللادقية وارتكبت اكبر خطأ تكتيكي بحياتي اني نقلت ع طرطوس
ولولا انو مو مكتوب عليها كلية ماكنت عرفت انها كلية وما الي نفس انزل عليها
بدون تعليق رجاء


my story so far
انا الذي انقذت نهدك من تسكعه
لاجعله أميرا
وأدرته
لولا يداي أكان نهدك مستديرا

والله من بعد اذنك خليني علق استاذ zezo939


واضح أنك درست 4 سنين باللادقية ورجعت لسا تدرس بطرطوس!!!!!!!!!!!

بعرف أنو الاقتصاد كلها عبعضها 4 سنين

بعدين مو غريبة أنو الكل كاتب أنها أحلى كلية
وانت ما الك نفس تنزل عليها!

(وين الغلط يا ترى)؟؟؟

أنا مع كريم وبعتقد انو مو ضروري حتى نقوي الشخصية نسافر وطالما رح يتخرج منها طلاب حاملين شهادات اقتصاد بظن صارت كلية ويمكن في ناس مو مقتنعة
بس كأنو طلعنا عن صيغة طرح الموضوع

الواضح أن موضوعك يلي طرحتو موضوع كل واحد فينا طرحو مئات المرات عنفسو و عرفقاتو و عأهلو بصراحة أنا عانيت من هالفكرة كتير بأني كنت احلم بالأستقلالية و كمان أني لحد الأن صديقاتي و غير صديقاتي بيطرحو هالموضوع و بصراحة اكتشفت أنو يمكن هوي وهم بمكان معين كنا عم نحلم فيه بس الحقيقة متل ما حكيتو الشغلة بناسها
بس المشكلة الحقيقية هيي عدم وجود مدينة جامعية لأن المينة الجامعية هيي يلي بتوفر حياة مختلفة و استقلالية و كمان بكون عم يعيش مع ناس من عقلو و طريقة تفكيرو يلي هني اصدقائو يلي بيعاشرون كل يوم صحيح أننا مرتاحين بنومنا و أكلنا بس الحياة مو هيك يعني كل حدا فينا رح يتزوج يوم من الأيام رح يتعذب لأن ما بيعرف الحياة و لا بحياتو تعب أو تحمل مسؤولية
أما بالنسبة للتسلية و جمعة الشباب يمكن فينا نخلقا لأن الشغلة و قتا الا علاقة بالأشخاص مو بالمكان
مشكلة كليتنا مو كبيرة فيينا نعالجا بس المشكلة أنو القناعة كنز لا يفنى و ما حدا عندو قناعة هادا واضح كتير
على فكرة الطلاب المنتقلين من جامعة الاذقية كتير مبسوطين لأن أنتقلوا عطرطوس لأن بيعرفو معنى الغربة بس بس بس