مشروع دستور الجمهورية العربية السورية

مشروع حلو بس في غلطة قاتلة

المشروع حلو بس أنا بتحفظ على حصر حق الترشح لرئاسة الجمهورية بالمسلمين لأن المسيحيين الن الحق متلن متل المسلمين وما لازم ينحصر هالمنصب بدين أو ملة معينة المهم أنو المترشح عربي سوري وهادا أهم شي
غير هيك المشروع مميز وبيفائل بمستقبل مشرق لسوريا والله يحمي هالبلد

أنا برأيي أنو المادة الثالثة هي تثبيت للطائفية و المذهبية و يلي وهي بتعارض نفس الدستور بالمادة 33 منه

غلطانين كتير مشروع الدستور سيكون طريقا الى سوريا ديمقراطية تتضمن مشاركة جميع اطياف الشعب في الحياة السياسية وتضمن حياة المواطن السوري بكل كرامة كما اعتدنا على هذا الشيء

بالنسبة للمادة 3 فالأشخاص الذين كلنوا في صياغة هذا المشروع كانوا من جميع طوائف ووافقوا على هذا الشيء اولا

ثانيا لننظر الى غالبية المجتمع السوري وطبيعة الحياة في سوريا نجد أن هذه المادة ليس فيها شيء من الخطأ

وانا أقول نعم لهذا الدستور لأنه بمجرد قولي نعم فأنا أؤكد ولائي لمسيرة الاصلاح بقيادة الرئيس بشار الاسد

طيب سؤال مجرد قول كلمة لا يعني عدم ولائي لمسيرة الاصلاح بقيادة الرئيس بشار الاسد؟؟؟؟؟؟
طيب شو رأيك أنا مع مسيرة الاصلاح بقيادة الرئيس بشار الاسد وبشدة وكمان بنفس الوقت مع تعديل كم مادة من الدستور
وكمان سؤال طيب الدستور ما عم يناقض حالو بحالو؟؟؟؟؟ راجع المادة 33
وبتمنى كل واح أذا غلط الحكي أو لقى بحكيي مشكلة يحكي لنتابع النقاش أو أسكت

انك تعترض على كم مادة بالدستور هاد مو يعني انك ضد مسيرة الاصلاح بل العكس هالشي بيعني انك حريص على الافضل لسوريا وهو بالنهاية انعرض على الناس للناس تناقش فيه ومو بالضرورة نسلم فيه متل ما هو بالحرف وانا من جهتي مع انو في شي ما اقتنعت فيه بس رح صوت مع المشروع لان اغلب المواد ممتازة ومو معقول صوت ضدو منشان مادة ما عجبتني وبالمقابل كل المواد البقية انا معا

انا ما قلت اللي بيعترض عمادة مو مع مسيرة الاصلاح

بعرف المادة 33 وشفتا ما بظن في تناقض انو ما خصصوا وزارة لدين معين أو شي منصب تاني لدين أو طائفة انما الرئاسة فموضوعا غير

وبرجع بقول كان في بلجنة الصياغة من جميع الاديان ليش ما اعترضو؟؟

لأنو كانت المواد تتاخد بتصويت الأغلبية و أنت كفي الباقي
وطيب وين المشكلة إذا كان الكل بحقلو يترشح على اعتبار انو الكل متساوي بالحقوق والواجبات وبالأخير صندوق الإقتراع بدو يقرر؟؟؟؟؟

الدستور قابل للتعديل انت هلأ بتحط ميزان واللي بيعجبك حطو بكفة واللي ما بيعجبك حطو بالكفة التانية واللي بيكون أكتر صوت لصالحو

اذا هيك القصة و الله بنا نصوت ب يسسسسسسس و نكتر بس نحنا طمعانين يتعدل هلق لانو اذا ما تعدل هلق بعمرو ما رح يتعدل

https://www.youtube.com/watch?v=wV0ZZ8VPsqk&feature=youtu.be

اذا عندك نت سريع احضار هي المقابلة مهمة جدا

رح أخد الرابط و أحضرها بكرى انشالله و أنا انبسطت بالنقاش معك لأنو وطنا ما بيتطور إلا بهيك نقاشات