هل عندك تحفظ ع زواج الاقارب؟؟استفتاء..

خي علي مشكور على هالموضوع المهم
وانا من جهتي انوا زواج الاقارب خطير جدا
ورح يكون في مشاكل بالناحية الاجتماعية والناحية الجسدية فامراض الوراثة اكبر دليل على كلامي
ورح قربها اكتر خالتي وزوجها ولاد عم الصراحة هنن مافي معون ولا مرض بس ولادهم ياحسرة خلق امراض جديدة معون
والمشكلة انوا بيشتغل لللدكاترة بس مو حرام هالحكي هي الشغلة قسمة ونصيب بس الواحد لازم يحذر ويبعد عن الخطر
هيك براي شو رايك انت

[quote="allii"]كثيرا ما تنشأ حالات حب بين قريبين مثلا

ابناء العمومة.....

ما رايكم بزواج الاقارب من الدرجة الاولى؟؟





مع احترامي لالك زواج الاقارب من الدرجة الاولى اسمو سفاح
يعني زواج الاصول بالفروع او العكس
يعني سفاح الاب ببنتو او الابن بأمو

يا عمي اللي بدو يكتب شغلة يكون عالقليلة بيفهم شوي فيها
شوووووووووووووووووية فهم يا عالم

ضيعانك يا جامعة
(افضحتونا بين الاجانب)
والمشكلة الكل عاملي حالو مثقف وعم بيأيد زواج القرابة من الدرجة الاولى



زواج ابن العم ببنت عمو بيكون من الدرجة الرابعة

ضد زواج الأقارب لأن الأقارب عقارب وتانيا الامراض الوراثية
بس بالنسبة لقول الرسول (ص )
اللي قالو الاخ علاء تصحيح : تباعدو تكاثرو وليس تصحو

بصراحة انا عندي تحفظ على زواج الاقارب بسبب مشاكله الكثيرة وخصوصا الوراثية

[quote="allii"]اولا يا حبيبي لا تحكم ع غيرك بالفهم اولا
انا طلبت وجهات نظر لانه موضوع مهم ومنتشر في بلدنا
كل واحد حر اذا بدو يايد اولا
وانت حر انك تعارض
وغيرك حر انو يوافق



[/quote]



.
أنت كان سؤالك كالتالي :
ما رايكم بزواج الاقارب من الدرجة الاولى؟؟

اجيت أنا صححتلك وقلتلك زواج الاقارب من الدرجة الأولى بيكون زواج الأب ببنتو أو زواج الأم بأبنها حصرا ..

لك كيف الواحد بدو يأييد أنو يتزوج بأمو
بتمنى تصحح موضوعك وتحذف منو هالعبارة : ما رايكم بزواج الاقارب من الدرجة الاولى؟؟


أولا : القرابة من الدرجة الأولى : القرابة بين الأصول والفروع متل قرابة الولد بأبيه أو بأمه (وبجي أنت وبتسأل ما رايكم بزواج الاقارب من الدرجة الاولى؟؟

ثانيا : الفرابة من الدرجة الثانية : كقرابة الشخص بجده
ثالثا : القرابة من الدرجة الثالثة : كقرابة الشخص بعمه
رابعا : القرابة من الدرجة الرابعة : كقرابة الشخص بابن أو بنت عمه

أما بالنسبة لزواج الاقارب فهاد موضوع تاني غير الموضوع اللي حكيتلك عنو

وأنا صوتت لزواج الأقارب من دون تحفظ

بعتبر أقاربي متل أخوتي
ولا أحبذ الزواج من الأقارب
لأنه شو ذنب أي ولد أن يكون مشوها" طيلة حياتة رغم أننا نعلم كيف نتفادى هكذا ظاهره

لاوالله ماخطرت الفكرة ببالي
انا ضد هذه الفكرة

...مشكور خيي علي ع الموضوع
مابعتبر انو في هل المشكلة الكبيرة الي خلقها البعض بزواج الأقارب
بعدين ليش عملتو الأمراض الوراثية عقوبة لزواج الأقارب بينما هي متل ما صرنا منعرف سببا انو التنين ممكن يكون معون نفس المرض متل السكري او القلب وغيرا ... وهالشي صرنا فينا نتجنبو ا بالتحاليل ..
الكل حكي ع سلبيات زواج الأقارب ونسي ايجابياته .
علا قة الحب الي بتكون بين تنين بيعرفو بعضون من الصغر ممكن تكون من اقوى العلاقات
وكمان مبنية ع الثقة اكتر من كتير غيرا من العلاقات .
وهيك بهالزواج حماتك بغلاوة امك ولاد عمك(يعني اخوات مرتك) هنن اصدقاء الطفولة
يعني برأيي مافي مشكلة ابدا بزواج الأقارب طالما ناتج عن قناعة او حب ومانو ناتج عن تقليد اعمى ضمن العائلة

شو مشكلة زواج الاقارب ؟؟ لا مشكلة
ما المانع من زواج الاقارب ؟؟ لا مانع
ما الضرر في زواج الاقارب ؟؟ لا ضرر
وانما هي حجج واهية و امور خاوية ابتدعناها فقط لامور اخرى في انفسنا.... والله اعلم بها و الذين سوقوها اعلم لما سوقوها

الم يتزوج الانبياء و الائمة من الاقارب
الم يتزوج الامام علي كرم الله وجهه من ابنة محمد عليه السلام

شو صرلو ؟؟؟

بعدين ابسط شي كيف صارت البشرية مو من زواج الاقارب ....ولا شو
ولا كيف ادم و اسرتو كونوا هالبشرية

بعدين الاقربون اولى بالمعروف


انا مع زواج الاقارب

الكل فهم القصد من السؤال أو المعنى منه إلا أنس الوجود
اسمحلي قلك إنو الفهم حلو بس كل شي زاد عن حدو قلب ضدو يعني كل مرة وزع علينا شوية فهم ونكون لك من الشاكرين

catcot كتب:الكل فهم القصد من السؤال أو المعنى منه إلا أنس الوجود
اسمحلي قلك إنو الفهم حلو بس كل شي زاد عن حدو قلب ضدو يعني كل مرة وزع علينا شوية فهم ونكون لك من الشاكرين

أحسنت بالرد مع اني كنت أتمنى أن يكون أقسى
لأن مستوى كلام مثل كلام السيد أنس يحتاج الى مستوى مماثل
ولكن نظرا لأني اذا تكلمت سوف أؤذي بكلامي لذلك سوف ألتزم الصمت
ولكن أحذر كل من يتمادى بالردود