لماذا "الثقافة الجنسية" من المحظورات...

الجنس هل هو غريزة أم هو توظيف للغريزة لغايات أسمى من الشهوة؟

إلى متى ستبقى هذه الهوة بين الأهل وأبنائهم في الحديث عن موضوع لطالما كان من الموضوعات المحظورة؟
هل الحديث مع الشاب أو الفتاة في هذا الموضوع يجعله يفكر في الموضوع أكثر؟
أم أن الكبت وعدم البوح يولد ضغطاً يمكن أن ينفجر في أي لحظة؟
أنت أيها الشاب هل فكرت مرةً في سؤال والدك دون غيره من الأقارب أو الأصحاب عن الجنس؟
أنت أيتها الفتاة هل اتجهت نحو أمك يوماً تسألينها عن الجنس؟
هل تعتقد أنه من المعيب أن يتكلم المرء مع والديه في موضوع الجنس؟
أم أنه من الضروري فتح الطرق المغلقة علها تساعد في بناء مجتمع على قدر من الثقافة الجنسية تحميه من هجمات الغرب الشرسة؟
هل للدين علاقة بالموضوع؟

الموضوع شائك ومعقد أتمنى من جميع الزملاء المشاركة
لتبادل وجهات النظر فلربما نصل إلى صيغة للتعامل مع هذا الموضوع في المستقبل مع أبنائنا
ولكم جزيل الشكر

نحنا تعودنا أنو الحكي بهالموضوع عيب بس أن برأيي موعيب وكمان برأيي أنو الثقافة الجنسية كتيير ضرورية وخصوصا بأيامنا هلق وأنا من الناس اليي بشارك بهالموضوع اذا صار حكي فيه بس مو أنا اللي بجرب أفتحو وكمان أنا بشوف أنو الأولاد ياخدو معلومات صحيحة من أهلن أحسن ما ياخدوا معلومات غلط من صحابن أو من أي طريق تاني شكرا عالموضوع وهاد رأيي بكل صراحة

الجنس هو غريزه

االشهوه اساس الجنس

الجنس ينتهي بالنشوه

الاطفال والاسره نتائج

هل الحديث مع الشاب أو الفتاة في هذا الموضوع يجعله يفكر في الموضوع أكثر؟
يمكن بس الجديث عنو مع الاهل بيهذب التفكير

أم أن الكبت وعدم البوح يولد ضغطاً يمكن أن ينفجر في أي لحظة؟
الكبت في الكلام او الكبت في الممارسه

أنت أيها الشاب هل فكرت مرةً في سؤال والدك دون غيره من الأقارب أو الأصحاب عن الجنس؟
لا
هل تعتقد أنه من المعيب أن يتكلم المرء مع والديه في موضوع الجنس؟
مع : في حال تم الموضوع بشكل تدريجي ومن الصغر
مو والله لما بيصير عمري 20 سنه يجي يزتلو كم كلمه ويفتحلو كم حديث
لا هي ما زبطت معو لما بدو يحكي ياريت يحكي من لما كان عمري 8 سنين وبالتدريج في المعلومه

أم أنه من الضروري فتح الطرق المغلقة علها تساعد في بناء مجتمع على قدر من الثقافة الجنسية تحميه من هجمات الغرب الشرسة؟
هجمات الغرب : الكلام لو كان يعبر ع الحنان كنت قلت اني بحبك من زمان
شو ذنبو الغرب
نحنا جماعه من يوم اللي خلق اول عربي ما همنا غير الجنس

هل للدين علاقة بالموضوع؟
ابتعادنا عن الدين هو السبب :: اوكي بس لا ننسى انو كان في شي اسمو صدقه وكان في شي اسمو بيت مال المسلمين وما كان في شركات قابضه ولا ناس بتقبض ارواح وما كان في هالموت الاحمر
بدك تمنع عني الجنس ؟؟؟؟ زوجني

انا بس جوع بدي اكل وبس اعطش بدي اشرب

بدي قول كلمتين وبظن بيكفو

المجتمع العربي

لأنو اذا واحد حكا كلمة ما بتعجب التاني يصبح تافه متخلف غير محترم
هي ثقافتنا مبنية على مهاجمة الآخر

جان فالجان كتب:لأنو اذا واحد حكا كلمة ما بتعجب التاني يصبح تافه متخلف غير محترم
هي ثقافتنا مبنية على مهاجمة الآخر

الرجاء عدم خلط الأمور ببعضها
أنا أتحدث عن نقاش الشاب مع أهله في موضوع من المفروض أن يكون جديداً في حياته
فوجب التوضيح والتنبيه من فتح ملفات قديمة

أخ أبو محمد أنا ما طلعت برا الموضوع وبتمنا ما تفهمني غلط لأنو أساسا مافي عندي مواضيع قديمة مشان تنفتح
رح حاول وضح كلامي
مجتمعنا تعود على فرض الآراء ورفض النقاش من أصغر خلية وانت طالع
يعني المدرس بيفرض رأيو عطلابو والمدير بيفرض رأيو على موظفيه
وموضوع الجنس أكتر موضوع حساس وبنفس الوقت هو من المواضيع المهمة واللي تحتمل النقاش بس للأسف اذا الشب ما بيقدر يطرح فكرة أو سؤال قدام حدا تاني كيف رح يقدر يطرح فكرة قدام أبوه اللي بمثل سلطة فرض الرأي بالبيت

AdmiNaSiM كتب:
يا سيدي بتعرف شغلة
أنا من مؤيدي تدريس مادة الثقافة الجنسية بالمدارس
( وللعلمي والأدبي مو بس للعلمي )


لأنو شي ضروري فعلاً وأحسن ما يتعلموا شي غلط
خلي التربية الجنسية تكون مع المراهق والشاب حتى يكون سوياً
..

ومشكور عالموضوع

في درس بالبكالوريا في مادة العلوم بيحكي عن الأجهزة التناسلية لدى الذكر و النثى
اذا كان هالموضوع الطبي اللي يدرس في أرقى جامعات العالم
عنا بس سمعوا بالدرس تحركت الغرائز ومعلش بلا منضحك على بعض سواء كنا شباب ولا صبايا كلكن مرقتو على الدرس فلو واحد منكم تحرك في داخله شي تجاه هذا الدرس
بقلو نصيحة اياك ثم اياك انك تطلب تدريس الثقافة الجنسية مو بالمدارس بس كمان بالجامعات لانو القضية بتصير أخطر و خاصة في غياب الاخلاق و الدين عند الغالبية و لو انهم تظاهروا بعكس ذلك

طبعا ياصديقي الدين الو دخل .....بس لوضع الضوابط
اما غير هيك مالو دخل
انا مع نشر الثقافة الجنسية لانو طبعا رح تولد مجتمع بيعرف شو الو وشو عليه
يعني بطريقة ابو بأخرى رح تحمي مجتمعك
بس......
رح قلك شي هالامر مستحيل يظبت عنا (عند العرب)لاسباب نحنا كلنا بنعرفها

mohammad كتب:طبعا ياصديقي الدين الو دخل .....بس لوضع الضوابط
اما غير هيك مالو دخل
انا مع نشر الثقافة الجنسية لانو طبعا رح تولد مجتمع بيعرف شو الو وشو عليه
يعني بطريقة ابو بأخرى رح تحمي مجتمعك
بس......
رح قلك شي هالامر مستحيل يظبت عنا (عند العرب)لاسباب نحنا كلنا بنعرفها

اسمحلي خالفك بالرأي

لماذا كلما تناقشنا بموضوع نصل الى أن العرب هيك ومارح يتغيرو
ياأخي حتى معرفة الله لا تخلق مع الانسان بالفطرة بل نتيجة التعلم
من قال إن الإنسان في الغرب يخلق متحضراً,والإنسان العربي يخلق همجياً؟
سابقاً كانت المجتمعات متقاربة الى حد كبير في العادات والثقافات أما الان فقد تغيرت الأمور ليس لأننا لا نملك القدرة على التعلم بل لأننا لم نجد أحداً يعلمنا

ومشكورين الجميع على الردود

أكيد الثقافة الجنسية شيء ضروري على الجميع أن يكون على اطلاع بهالموضوع
بس للصراحة مجتمعنا ما بيخليك تعرف شو معنا الثقافة الجنسية
لأنو بمجرد الشخص فتح الموضوع الشخص الاخر سوف ينظر لك نظرة احتقار
ليش لانو عم نحكي بشي بيقولو عنو عيب
وابو محمد قولتك الاهل رح يتقبلوا انو ولادن يحكوا معن بهالموضوع
باعتقادي صعب
مشكور أبو محمد موضوعك جريء ورائع بتمنى من الكل يعطي رأيوا حولو

أكيد كل واحد رح يحكي مع أهلو بهاد الموضوع لما يتزوج بس غير هيك بلا هاد الموضوع

متل ما قالت روحنا الوسوف
كلامك صحيح