ما هي اكبر غلطة في حياتك00000

كثيرة هي القرارات التي نتخذها بحياتنا .. والأكثر منها تلك التجارب التي نخوضها ونحن على ثقه تامه بنجاحها وبالنهايه نُفاجأ بالفشل ونفاجأ باننا على خطأ

مامن شخص معصوم من الخطأ..

ومامن شخص لم يمر بتجربه فاشله خرج منها بجرح وألم ..

خرج منها بيأس شديد.. وندم أشد



كل بني ادم خطاؤون وخير الخطاؤون التوابون


سؤالي هو




ماهي اكبر غلطه ارتكبتها بحياتك ؟

ولماذا ندمت عليها ؟

وهل استطعت ان تصلح مايمكن اصلاحه؟

انتظر مشاركاتكم

اهلين مارو نورتي وان شا الله بتبقى كل الذكريات المؤلمة بحياتنا دروس نتعلم منها ونستفيد منها بحياتنا مشكورة على المرور

أكبر غلطة بحياتي اني وثقت بشخص وعطيتو كل الأهمية وتركت العالم كلو منشانو وبالاخير طلع ما بيستاهل هالاهمية
والحمد لله أنا ماني ندمان على هالشي لانو تجربة مريت فيها وتعلمت منا
و الله عوضني بأروع وأغلى انسان بحياتي وهوي العالم كلو بالنسبة الي
وكل انسان متعرض لهيك تجارب وما لازم يندم بالعكس لازم يتعلم منا

مشكورة كتير الحمصية على هالموضوع الرائع والمفيد وبتمنالك المزيد من هيك مواضيع حلوة

أفضل شي مر عليي بحياتي هي غلطة قاسية أنا عملتا وفكرت حالي تعلمت !

بس أكبر غلطة بحياتي لم كررت هاي الغلطة وتحولت من درس لـ خطيئة ..

مشــــــــــــــــــــــــــــــــــــــــــــــــــكورة ..

جاد وعلي مشكورين وحابة قلو لجاد انو نحنا يمكن تعلمنا من غلطك نورتو

زينة كل انسان معرض للغلط بس مو المهم نندم عالغلط المهم نصلح الغلط ونستفيد منو
الحياة صعبة فيها السيء وفيها الجيد والحياة تجربة بتعلم يلي عمرو مانو متعلم لانو نحنا مانا معصومون من الخطأ
موفقة بحياتك زينة

باعتقادي مافي انسان ما بيغلط وأنا أول الناس غلطت بس الحمد لله تعلمت واستفدت منا

هي ممكن مو غلطة قد ما تكون تساؤل
لو عملت هيك شو كان ممكن يصير
انا مرة انحطيت على مفترق طرق و اضطريت اني اختار خيار غير حياتي تماما
انا مو ندمانة ابدا بس بضلني اتتساءل كيف كان ممكن تكون حياتي
لو اخترت اي خيار تاني
في كتير لحظات بشعر فيا اني قررت غلط بس مضطرة كمل
و مرات بحس انو هيدا الشي الانسب
بالنهاية كلو قدر مكتوب علينا نغلط
و نوقع و نرجع نقوم
و انا كمان وحدة بوقع بنفس الغلط اكتر من مرة و ما بتعلم
مشكوووورة كتير عالموضوع الحلو

مشكورين شباب وصبايا عالمرور

انا خطاي الوحيد اني رجعت وثقت برفيقة اذتني من قبل وفكرت انو تغيرت بس للاسف ضلت الانسانة الانانية مع اني عاملتا متل اختي وكنت ساعدا بدراستا بس للاسف نكرت ولا مو هيك اكتشفت شغلات كانت تعملا من وراي واخر شي وقت قررت اني بعد عنا عملت حالا مظلومة لهيك نصيحة مني ما توثقو بحدا وخصوصا الاقارب لانو الاقارب عقارب مشكورة على الموضوع كتير حلو

و الله يا عزيزتي في اغلاط كتير
بس الغلطة لبتوجع فعلا اني تركت البنت الوحيدة لحبتني و لي متت فيا تروح
راحت و انا عم اتفرج عليا كان بس بدي اخلص ما بعرف شو صرلي
بلشت معا تسلاية و تعلقت فيا و حبيتا بس ما قدرت قاوم مغريات الشام و سهراتا و بصراحة خفت من الالتزام و المستقبل
لهيك نفرتا مني و اختفت من حياتي بعد ما حاولت وانا عم اتفرج
انا ولا مرة حاولت معا ولا حكيتا و بعترف اني كنت احقر شب عرفتو
و ما بعرف اذا ممكن نلتقي او تسامحني بس لليوم و هي براسي و بحبا
اه و الله فتقتيلنا جروحاتنا

والله اكبر غلط بحياتي لحد لق
هوي فشلي الزريع بالبكلوريا
يعني خسرت سنة ع الفاضي
مع اني كنت متأكد انو فيني جيب العلامة نفسها من السنة الاولى
هوي اكيد بحياة الانسان في اغلاط كتيرة بس دائما
بيحتفظ بمساحة من الخصوصية لنفسو
مشكورة كتيير ع الموضوع المتميز

اول شي بشكرك يا اخت حمصية عهل الموضوع يلي بخلي الواحد عمرو ما ينسى ماضيه لانو ماضيه فيه شي حلو وفيه شي سيء
انا ما بكذب ابدا اني ما غلطت بس الحمد الله غلطت كتير بس مو غلط بمعنى الغلط ابدا هي عبارة عن اخطاء والحمد الله وان شالله معد نخطاء هيك اخطاء بس اكبر خطاء بندم عليه بحياتي يمكن موخطاء يمكن هالشي يلي عملتو يكون صح بس غيري اعتبرو خطاء ولي هوي اني خسرت اغلا واجمل واروع انسانة بحياتي وبدي احكيها لانو هاد الخطاء مرح يتصلح وصار صعب كتير يتصلح بس والله هاد الخطاء هو احسن حل للعلاقة يلي بيناتنا لانو اهم شغلة بالانسان لا يكون اناني ويحب بس نفسو اهم شغلة بالانسان بقناعتي انو يكون صادق مع نفسو واثق من نفسو منشان يكون صادق مع غيرو وواثق باي تصرف بيقوم فيه ويعرف الصح من الغلط وشكرا وبرجع وبشكرك يا اخت حمصية عهل الموضوع الرائع

من السهل ان تشتاق لمن تحب

ولكن من الصعب ان تراه كل ما اشتقت اليه

ساندي كتب:انا خطاي الوحيد اني رجعت وثقت برفيقة اذتني من قبل وفكرت انو تغيرت بس للاسف ضلت الانسانة الانانية مع اني عاملتا متل اختي وكنت ساعدا بدراستا بس للاسف نكرت ولا مو هيك اكتشفت شغلات كانت تعملا من وراي واخر شي وقت قررت اني بعد عنا عملت حالا مظلومة لهيك نصيحة مني ما توثقو بحدا وخصوصا الاقارب لانو الاقارب عقارب مشكورة على الموضوع كتير حلو

اول شي مرحبا اخت ساندي تاني شي والله ما بحب ادخل بخصوصيات الاخرين بس ردك فيه شوية شغلات بتخلي الواحد يصير عندو فضول يحكي المهم
الانسان الطيب والقلبو نضيف وبحب الناس وما بينظرلهم غير نظرة الحب والخير هاد الانسان يا غالية ضايع حقو عند كتير ناس بس ولا يهمك مو كل الناس متل بعضها في المنيح وفي القبيح بس حابب قلك هالشغلة بعمرك لا تعاملي الشخص بمعاملتو الك لا ابدا الانسان لازم يتعامل مع جميع الاشخاص بشخصو وصفاتو وتربيتو واخلاقو وبس وكل انسان الو حدو والو قسم من هالشي يلي بتملكيه مو كل الناس تستاهل كل الطيبة وكل الحب والحنان يلي بداخلك والله يوفقك وبتمنى تكوني فهمتي عليي واسف عالحشرية تبعي وشكرا

يقال ايها الحق لم تترك لي صاحبا