هل نحن جاهزون للشراكة ؟؟؟؟

بصراحة خيي علي نحنا غير جاهزين والسبب في ذلك ان تشريعاتنا المالية غير ثابتة
والحمد لله ما منشوف غير كل كم سنة بيطلع مرسوم وبيتغير التشريع
أي دولة بدا تقبل شراكتنا اذا ما عنا تشريع ثابت يعتمد عليه
انشالله تصير الشراكة الاوربية لانو رح تفيد البلد ورح تفيد شعبو

مشكور علي على طرح هالفكرة وبتمنى التجاوب معا

طيب شو منشان انو
شو برايكون الغاية من الشراكة اولا
ولماذا سورية تريدها

ثم تاتي تلك التساؤلات
لانها بالنهاية فروع لجذر الشجرة الا وهو الغاية
يعني قصة المنافسة وهل التشريعات جاهزة وغيرها من القصص شي فاضي وماالو جنس الطعمة
لانو بلمح البصر كلو بيتعدل
كلون 50 قانون بينزلو بظرف 3 ايام
مو هون المشكل
المشكل يكمن في حدين
الحد الاول مصلحة الدولة
والحد الثاني المواطن الذي سيعد العصي على جنبيه نتيجة فرق العملة السورية و الاوروبية والسبب الرئيسي فيها التاجر
يعني لا حدا يقنعنا انو التاجر او الصانع رح يخسر
يلي رح يخسر هو البائع فوق البيع و ليس الصانع الاساسي

والمشكل الاخر اننا لم نرى الى الان اية خطوات ستبادر بها الحكومة من اجل تحسين الوضع
سواء من ضبط للاسعار الفلتانة او لحرامية السوق الميزين


بعدين السؤال الاهم الذي يطرح نفسه
ماذا بعد توقيع الشراكة
سورية الى اين متجهة في خطها الاقتصادي والمواطن السوري اين خطه الاقتصادي

اسئلة واسئلة ولا اجابات
كل ذلك يلفه الغموض ولا اجابات ولا افعال
اليس ذلك بالامر المقلق قليلا
ثم من سيدير الشراكة هل الاوروبيون سيديرونها ام سيتركونها لنا
ولو افترضنا كانت القيادة هنا مشتركة من سيكون حاكم السوق
لان الشراكة هنا ستقسم السوق و ستزيد المنافسة اي لن يكون هناك مكان لصغار التجار وانما فقط للعمالقة الكبار والحمد لله كلون شي 11 واحد واذا كتروا 25 واحد
اي سيكون السوق حكرا في مجال الصناعة كما كان في السابق ولكن بفوارق العملات وزيادة الايرادات للخزينة ربما سيكون اغلبها سياحي
وهذا شي جيد للدولة وللمواطن اذا اعطت الدولة مواطنها من تلك الارباح
ولكن المفارقة هنا ان هذه الشراكة ستكون مفتاح لعمليات مصرفية و تبادل تجاري هائل يا ترى ماذا ستكون ضوابطه وهل سوقنا بموجوداته من مواطنيه سيتكيف مع هذا التحول المفاحئ بسرعة
ويا ترى ما هي التشريعات التي ستتغير وما سيكون الحال بعد سنتين او ثلاث هذا ما يهم

لاننا دوما نفرح بما تراه اعيننا ولكن في النهاية نصدم بما لم تراه
ربما لا وربما نعم

ولكن دعونا لا نستبق الاحداث ولننتظر بنود الاتفاقية
فلربما كانت لا تشمل كل شي اوروبي
ولربما كانت لصالح الدولة و المواطن


ولا يسعني القول سوى ان الدولة يهمها رفعة اسمها ومصلحة شعبها ولا اظنها انتظرت كل تلك الفترة لتاتي بلا شيء
والا لكانت الغت كل شيء

وانا بالانتظار لنرى بنود الاتفاقية وما سيليها من مراحل عمل
وانشاء الله خير

والله مانا جاهزين بأختصار
الصراحة الاعلاقة بين المواطن وبين الحكومة مافيها ثقة او متل مابيقولو بالمحاسبة
مبدأالافصاح عن الخسلءر والاربلح
يعني وقت الازمة الاقتصادية مثلا بشتهي مسؤول سوري قال اكتر من ه الجملة
(سورية لم تتأثر بالازمة؟؟؟؟؟)
يعني
مو جاهزين
اذا تركيا..........................قدها ودلقها
رافضين دخولها للاتحاد الاوروبي بسبب المشاكل الاقتصادية يلي عندها
وهي انضمام يعني اكتر من مرتبة الشراكة
ونحنا متخلفين اقتصاديا اكتر من تركيا بشي50سنة

والله الموضوع مهم وبوقته....شكرا لطرحه أخي علي....

هلق أنا رح آخد الموضوع من ناحية من التفاؤل قليلا.....يللي بعرفه..انو السوق الأوربي هو الثاني بالنسبة للصادرات السورية بعد العراق...لذلك..هو مهم بالنسبة لنا....ويمكن هالاتفاقية تقوي التصدير لأوروبا "طبعا معظم صادراتنا هي مواد أولية للأسف"

والخوف انو نغرق بالسلع الاوربية.........

طيب مو ملاحظين انو لهلق في حجج من الطرفين من اجل تاخير التوقيع بحجة تداخل امور سياسية
اذا الشراكة عمليا كما باب لتمرير الضغط على سوريا
والحمد لله عنا متفهمين لهشي
والتصريح الاخير لوزير خارجيتنا وليد المعلم بيدل انو سوريا لن توقع اتفاقا محكوما باي نوايا سياسية او اي ضغط مستقبلي على سوريا وهاد شي الصراحة بيطمن من الوجهة السياسية
بس يا ترى من الوجهة الاقتصادية يلي دايما مخفية ما ذا يحدث في الكواليس؟؟؟؟؟؟؟؟
العلم عند الله وعند المتابعين