انت مدعو لاستجواب احد الاعضاء ....!!

ههههههههههه شوصاير هون مين هي زهرررر ؟؟؟؟بالله زهر.......؟
يالله طول عمري بمشي الحيط الحيط وبقول ياربي السترة مشان الاستجوابات وماشابه بس مافي مجال ههههههههههههه

.عم امزح....

اتفضـــــــــــلو صبايا وشباب اطرحو أسئلتكون....الي حابين تسألوها...

اي والله ونعم الإختيار الي عودة يازهر نطريني

زهر
لو ماكنتي عمتدرسي تربية وين كنتي بدك تكوني.؟
شو أكتر شي بتكرهيه فيني أنابروكن وأكتر شي بتحبيه؟
شوبتتمني تغيري بحالك سواء بالشكل الخارجي والصفات اللي بتحمليها؟
مرحلةبتتمني تمحيهامن حياتك؟وين بتتمني يطلع تثبيتك بعد التخرج؟شوهوي العمراللي بتخافي توصليلو؟إنتي هلق رضيانةعن حالك؟وين بتحبي تسافري؟لوحبيتي تغيري اسمك الحقيقي طبعا"شوبتسمي حالك ومنشان بكرا أي ساعةبالضبط بدك تكوني بالكليةههههههههه
مع تمنياتي بالنجاح
...بروكن...

ولو ياكميت هي زهرههههههه
سؤال علماشي بمااني دخلت
ياترى إذا صحلك تتمني امنيةوأكيدرح تتحقق بس امنيةوحدةشورح تكون؟؟

هههه لزيزة الفكرة و حلوة ماعندي سؤال هلأ ... شكرا

مرحبا زهر ..
من المعروف انك صاحبة ابتسامة وضحكة دائمة ..بتواجهك احيانا مصاعب او مشاكل بسبب ضحكتك
قصدي ممكن الاخرين ما يقدروا معنى ابتسامتك ويعملو موقف يزعجك
أهلين علـــي...
بالحقيقة ياعلي كل حدا مننـــا عندو هيك ناس حواليه هدفن الازعاج وتعكير المزاج بتصرفاتن السخيفة...مو أكتر..
بالنسبة الي بيجوز يكون في هيك ناس حواليي بس أنا موحاسة علين يعني بيعملو هالمواقف المزعجة من تحت لتحت...
بس بالظاهر مابشوف هالشي عمومايعني ماعندي حدا بشك فيه او شفت منو هيك تصرف....



تانبا : قديش ممكن الانسان يخفي احزانه بالابتسامة ..
وهل صحيح انو الناس اللي بيضحكو كتير بيكونو حزينين من الداخل

كتــــــــير ...كتيرفيه الواحد يخفي بالابتسامة أحزانه..
بالنسبة الي أحزاني (الي اتعودت عليها والتقليدية)بخفيها بالابتسامة وهالامر صار أمر معتاد عليه بحياتي...
لكن الأحزان والانزعجات اللحظية انا موقادرة اخفيها أبدا يعني بس كون مزعوجة من شي موقف أو حزينة مافيي ابتسم...
(الناس الي بيضحكو كتير بيكونو حزينين من الداخل).هالكلام واقعي وصحيح مية بالمية...
الاشخاص الي بيضحكو كتير بيحزنو بصمــت أليم وكمان بيحزنو لحالن,,, يعني بس يكونو لوحدن هون بتختفي الضحكة وبيظهر الحزن الحقيقـي....!!
الابتسامة هيي تفاؤل هيي تناســي باختصار هيي مســــــــــــكّن....



تالتا :
قديش الحياة الزوجية مهمة بحياتك ..بتعتبري انو الشهادة افضل للبنت ام الزواج ..طبعا اذا شلنا العامل والمادي واعتبرنا انو المادة مو مشكلة ..

الحياة الزوجية مهمة لدرجة كبيرة كتير...
كل حدا مننــا بحاجة للاستقرار ...لوجود شخص يشاركنا افراحنا واحزاننا .......للحب...لاحساس الامومة والأبوة وهدول كلن بالحياة الزوجيةسوا...هيي خطوة ضرورية بحياة كل انسان..

أيوا...
لقلك شي ياعلي الشهادة للبنت بهالايام برأيي هيي ضرورة حتمية بصــــــــراحة وقت بقول شهادة بشوف أني عم قول سلاح.. درع ... ضمان مستقبل... حماية... كل هدول سوا الشهادة للبنت...
تمام..؟
بالنسبة لسؤالك بشوف أنو الشهادة هيي المنقذ للفتاة من نتائج الزواج الفاشل ...مثلا...وهي كمان سبب من أسباب نجاح الزواج
كيف يعني...؟
الأم المتعلمة بيكونو أطفالها غير الأم الغير متعلمة وكمان اذا كانت هالشهادة متوظفة البنت فيها
فهيي مفيدة لتساعد زوجها....ولو انك قلت بغض النظر عن العامل المادي
وبنفس الوقت البنت اذا اخدت هالشهادة و امنت مستقبلها و و و استفادت منها
بدون الاستقرار وشعور الامومة(يعني الحكي الي حكيتو عن الزواج) كمان مالها هديك الفائدة والنتيجة الايجابية كتير...



برأيي الزواج والشهادة بيكملو بعض....
......


شكرا زهر ولنا عودة هههههه

أهليييييييين علي واهلا بعودتك ههههههههههه

الكميت

شو هدفك البعيد بالحياة يا زهر
انتبهي البعيد مو القريب
اهلين كميت...
هدفي البعيد ...
أني كون معلمة ناجحة .والي مكانتي بالمجتمع اليي انا فيه.واني ادرس الفرع الي كنت حابة ادرسو بالمستقبل
وكمان....

شوف اخواتي شباب وصبايا متعلمين ومأمنين مستقبلن...ناجحين ومستقرين بحياتن..
طبعا هاد من أهدافي ...
لأنو أنا عليي مسؤولية كبيرة لحتى اخواتي يوصلو لهالشي بحياتن والله يقدرني على هالأمر
مشكووور

زهر

بروكن هههههه


لو ماكنتي عمتدرسي تربية وين كنتي بدك تكوني.؟
كنت رح كون طالبـة حقوق,,,,أو صحافة واعلام...



شو أكتر شي بتكرهيه فيني أنابروكن وأكتر شي بتحبيه؟

كلك ولو ههههههههه
بكره فيكي يابروكن ...انك بتتسرعي بفهم الأمور وكلو من طيبتك اكيد

بحب فيكي النقاء والبراءة قلبك ابيض وانسانة واضحة ....


شوبتتمني تغيري بحالك سواء بالشكل الخارجي والصفات اللي بتحمليها؟


بالشكـــل الخارجي مابدي غير شي يعني الحمدلله أنا مقتنعة بشكلي الخارجي ومبسوطة...
لكن ناوية أعمل ليزر لعيوني...وانشالله بعد فترة رح يصير هالشي
نضاراتي الطبية بحبن كتير بس حابة شيلين هيك برتاح أكتر...
وكمان الي فترة بقول بدي قص شعراتي ههههههههه نيو لووووووك

الصفات بتمنى خفف حساسيتي وكمان بتمنى خفف عصيبيتي ولو انو ماحدا بيصدق اني عصبية لأني بعصب بيني وبين حالي وهالشي بيزعجني كتير


مرحلةبتتمني تمحيهامن حياتك؟
بتمنى امحي 3 سنين نطرت فيهين شي كان وهمي


وين بتتمني يطلع تثبيتك بعد التخرج؟

بدمشق...


شوهوي العمراللي بتخافي توصليلو؟


بخاف من سن ال30 مابعرف ليش.!!!!!!!!!!



إنتي هلق رضيانةعن حالك؟
بأمور اي رضيانة بس في أمور ماني رضيانة عن حالي للأسف


وين بتحبي تسافري؟لوحبيتي تغيري اسمك الحقيقي طبعا"شوبتسمي حالك ومنشان بكرا أي ساعةبالضبط بدك تكوني بالكليةههههههههه

بحب سافرلايطاليا

مممممممم بحب اسمي ولووووو هههههههه بس اذا غيرتو فبسمي حالي(جلنار)
كنت اليوم بالكلية الساعة تسعة وشوي ونطرتك كمان يعني اجيت قبلك ها ههههههه


مع تمنياتي بالنجاح



ولو ياكميت هي زهرههههههه
سؤال علماشي بمااني دخلت
ياترى إذا صحلك تتمني امنيةوأكيدرح تتحقق بس امنيةوحدةشورح تكون؟؟
ههههههه ايواااااا( هي زهر) يعني انتو عمتسألو من مبدأ
( الأسئلة على قد المحبة والاحترام) ههههههههه
طيب...

أمنية وحدة أنو شوف اخواتي شباب وصبايا مبسوطين وناجحين من كل النواحي....
مشكووورة

زهر يا زهر
سؤالي إالك هو التالي :

أيمت آخر كذبة كذبتيها....أو بيجوز آخر حيلة تحايلتيها عالعالم
بحسن نية أو سوء نية
و بدي أعرف عمين و ليش؟؟

شو تقيل العيار شوي؟ يلا بعرف قلبك كبير و بيستوعب تقل دمنا
ماشاء الله من وين ناكش هالسؤال ........!!!!!

آخر مرة كذبت فيا كانت من فترة...
الكذبة كانت أني قلت لماما اني حاملة 4 مواد وانا حاملة ستة...
بيجوز أي حدا يفكر أنو هالشي طبيعي وهي مابتنعد ضمن (الكذبات)
لكن انا بعتبرا كذبة وكبيرة كتير...نظرا لعلاقتي بأهلي


هالكذبة استمرت طول فترة الفصل التاني لحتى ترفعت..
.ليـــش...؟؟
لأنو بصراحة ماما مابتتقبل موضوع حمل المواد
وطبعا معها حق وقتها لانو كانت شايفتني اهملت كتير وتنبهني هيي بس اناااااااااا ههههه
يعني اربع مواد وكتير أثر هالشي على علاقتنا
فبتخيل لو قلتلها ست مواد و اني بحسبان الراسبة كانت رح تزاعلني كتير ورح شوف بعيونها نظرة(خيبة امل فيي) وهالشي مافيي اتحملو ابدا وخاصة بهديك الفترة

عموما الي كان يخففلي تأنيب ضميري هوي اني كنت قايلة لبابا كل شي....
والحمدلله نفدنا ويوم ترفعي اعترفت بالحقيقة هههههههههه
مابعرف اذا هالكذبة هيي عن حسن نية او سوء نية بس أنا كنت بدي اعطي فرصة لحالي وبدي ساعد حالي وكمان مابدي امي تتدايق ...

ولايهمــــــــــــــــــــــك كريم متل ماقلت اني قلبي كبير وبعدين متعودة عليكن ههههههههههههه
شكرا كريم

كميــــــــــــــــــــــــــــــــــــــــت طووووووووووووول بالك جايي الجواب عالطريق
حاسة حالي بحكم العدالـــــة
هههههههههههههه
مشكوورين جميعا

مع انو الموضوع ل ريالي بس حبيت شارك ممكن؟؟؟
زهر الجلنار :::
س1: أنتي ريالية او برشلونية؟؟؟؟
أه اكيد برشلونية
س2 :شو أكتر شي بتحبيه بالكلية عنا, وأكتر شي بتكرهي وليش؟؟؟
س3: برأيك المجال مفتوح بمجتمعنا للفتاة الطموحة؟؟؟ يعني رضيانة بالخطوط اللي رسمها المجتمع واللي حدد فيها طموح البنات بالدراسة او العمل .....؟
____________________________________________
هلم بنا نلعب لعبة ((تخبأ مليح )) ونفتش بعضنا عن بعض،فإذا اختبأت في قلبي
....فليس من الصعب عليَ أن أجدك،ولكن إذا اختبأت وراء صدفتك فحينئذ ...
عبثا يحاول الناس أن يهتدوا إليك.