احبها و لكن لديها ماضي

هذا موضوع قديم جديد و ارجو من الجميع المشاركة
تحب فتاة و مقتنع باخلاقها و نبلها و حبها لك
و لكن لديها ماضي علاقة حب قوية عاشتها بكل تفاصيلها احبت قبلك شخصا حبا كبيرا اعطته الكثير و اخطات عندما تمادت في منحه فغدر بها و تركها مجروحة ضعيفة بعدما سرق منها اجمل اللحظات و شوه اروع الكلمات
سؤال موجه لكل شاب هل تقبل الارتباط بقتاة لديها ماضي

أنا بحب اتشكرك ع هاد الموضوع الرائع لأن الموضوع رح يصير مع الكل تقريبا ومن
النادر نشوف بنت ماكان في بحياتها علاقة حب مع اختلاف الدجات
الجيد بالموضوع انو حسب طرح السؤال رح كون بعرف بعلاقة الحب السابقة
وهذا دليل حب وثقة من قبل الفتاة وهذا بخليني اقبل(حسب درجة العطاء)
السئ بعدما سرق منها اجمل اللحظات و شوه اروع الكلمات يعني هل الفتاة مازالت متالمة من جرح الماضي
يعني لساها بتحبو لن أقبل
3 بظن انو جميع البنات والشباب حبو وانحبو وهاد شي عادي
كلنا لنا ماضي والي بيختلف الوعي أكيديعني(درجة العطاء)

مشكورين كتير عردودكون انا قصدت علاقة حب باطار عام Alishoo-M بعتقد العلاقة الجنسية موضوع تاني و مستبعد بالاخص عند البنت لبتحب بصدق
البنت بشكل عام حبا افلاطوني و روحي اكتر منو جسدي و للاسف هي الناحية لبتترك الاثر الاكبر مع الزمن
و اخيرا يا روحنا الوسوف عجبك موضوع انا طرحتو ما بتتخيل انا شو انبسطت بمرورك و مشان ردك اذا كانت لسه بتحبو و انتا حبيتا ممكن انتا تقدر بحبك الا تنسيا ياه

لا أحب أن أكون البديل وما بحب اقتل حب (نسيها ياه)
أنا اكيد بعتبرك زميلة عزيزة وكل مواضيعك بتعجبني
لوما هيك مابرد تأكدي

شكرا روحنا الوسوف على فكرة انا كمان من عشاقو لجورج و بحبو كتيييييييييييييييييير
لهيك بحب شوف تعليقاتك دايما

تشوفك العافية بس انشا الله تعجبك التعليقات

ممكن اذا كانت بتستاهل
بعطيها فرصة ثانية لأنو انا مارح كون متل اللي خانة
لانو اذا رفضت بكون عم اعمل متل اللي تركها
عدين انشالله الرب بيبعتلي بنت تكون وفية بحبها
وين المشكلة

نظريا اي
بس عمليا ما بعرف
مشكلتنا العرب عواطفنا قوية ما بتخلينا نقرن النظري بالعملي
يمكن تفزلكت زيادة رح وضح
نظريا من حق كل انسان يحب وينحب
بس وقت بكون قاعد مع حبيبتي بالسينما مثلا وبتخيل أنو في شب كان قاعد معها نفس قعدتي رح أشعر بشعور ما بقدر أوصفو
بتمنى تكون وضحت فكرتي

allii شكرا عردك بس لا تنسى انو متل ما بدك تكون الاول بقلب حبيبتك من حقا تكون الاولى بقلبك
لهيك خياراتك رح تقل كتير
يوشع انشالله الله بيبعتلك حدا وفي و تفكيرك كتير سليم


جان فالجان انا اكتر رد ممنطقي شفتو فعلا الحكي سهل بس لما بتصير الشغلة بتمسك و بتعنيك شخصيا
الواحد بتاخدو الاكار و بتجيبو بس هون الحل الوحيد للمشكلة انك توثق فيا و توثق فيك و قتتا ممكن تساعدا تتخطى ايا علاقة مهما كانت طويلة

sarema
بدي اسئلك ع الموضوع لكن بطريقة عكسية
بدل البنت يكون شب
انت تقبيلن بالأرتباط بشاب لديه ماض اليم
لكن بدل الخيانة تكون حبيببته متوفاة
شو رايك بصراحة

و الله بصراحة تامة ما بعرف بالضبط يعني لما الارتباط بحدا
بعد قصة حب انتهت ممكن انو ينقبل لكن الموت يعني فراق و حزن و الم للطرف التاني ممكن اني اتعلق فيه بس لانو بحاجتي و بحاجة انسان يطلعو من حزنز و حالتو بس احياء قصة حب بعد موت حدا بظن رح تكون مشحونة بعواطف كتيرة و مختلطة و متناقضة لهيك صعب تستمر مع اني وحدة من الناس لبحس اني مسؤولة بهعيك موقف
شكرا يوشع و يا ريت تقلي رايك بنفس الفكرة

يعني ممكن تحبيه او بضلي معو بس لتواسيه
انا اذا حبيت هيك بنت بعمل التالي لأقنعها انو انا بحبا
اولا- بحاول انو طلعها من حالةالحزن وبحاول نسيها ولو شوي حبيبها
ثانيا- بينلها انو بهالعالم مازال حدا مهتم فيها وانو انا بحبها
هلق ممكن لاقي صعوبة وفترة يأس بس اللي بيحب عنجد بدو يساعد
ويضحي شوي
وبالنهاية اكيد لازم انجح لأنو مارح تضل هي عايشة هالحزن ولازم تطلع للحياة
يعني انا بوافق اني حب بنت مات حبيبها
لانو موزنبا اللي صار
هيدا رأي بصراحة وماحرفت فيه ولا شوي
شو رايك

و الله يا يوشع سؤالك صعب المشكلة هون انك عم تتنافس مع حدا ميت
لتحتل مكانة عند شخص تاني حدا ميت كل الكلام لازم ينحكى عنو بالمنيح و كل شي بيتعلق فيه مقدس و كل شي الو علاقة بذكراه لازم يتخلد
ما بعتقد رح اقدر استمر و كون شخص تاني بحياة حدا و ممكن هاد الشي الو علاقة بشخصيتي انا بحب كون مركز اهتمام بحب اعطي و بحب بالمقابل لاقي نتيجة لكن بحالة الموت النتيجة مرح ترضيني
ولو ادعيلي ما اعلق هالعلقة

انشا لله ماتعلقي بهيك علقة
ومشكورة ع الرد الجميل